السلام عليكم
عندي مشكله في اني ديما سرحانه و مش بركز في المذاكره رغم اني بقعد فتره طويله جدا و بحل كتير جدا و بحس في الاخر اني معملتش الي كان المفروض اعملو وبكتشف في الاخر اني مكنتش مركزه طول فتره المذاكره
دا غير التفكير الزياده في اني بحس اني هفشل خصوصا ان انا تالته ثانوي وعلمي رياضه و المنهج متراكم عليا كلو
وكل كلام اهلي سلبي على اني مستحيل أنجح بسبب ان انا مجبتش مجموع في تالته اعدادي و دخلت ثانوي خاص علشان مجبتش مجموع الثانوي وعندي مشكله اني بقعد اندم كتير على كل حاجه زي قله المذاكره و الاكتئاب الي عندي و فقدان الشغف في كل حاجه بعملها بحس ان انا السبب في كل دا رغم اني منتظمه في صلاتي و قيام اليل و الورد اليومي بس بحس اني مشاكلي بتزيد اسفه اني طولت
وعليكم السلام ورحمة الله، سيبك تمامًا من كلام أهلك السلبي لأنه أحد الأسباب في شعورك بالضغط وعدم التركيز في المذاكرة. عدم التركيز والتشتت والسرحان ده نوع من التهرب بيعمله عقلك عشان يتخلص من مسؤولية المذاكرة والضغط اللي حاسس به. فانتي المفروض تهدأي وتنسي خالص أي كلام سلبي سمعتِه وتركزي مع نفسك. نامي كويس ورتبي وقتك ونظمي مكان دراستك ويُستحسن يكون بعيد عن السرير، لو مش عندك مكتب خصصي مكان محدد وجهزيه للمذاكرة بحيث عقلك يعرف إن ده للمذاكرة بس مش للنوم ولا الأكل ولا الراحة وإنه أول ما نقعد في المكان ده هنركز طول الفترة اللي هنقعدها. قسمي الوقت والدروس لأجزاء صغيرة، وبكده تخدعي عقلك عشان ميحسش بالضغط وإنه قُدام مهمة تقيلة... يعني قولي له هنذاكر بس النصف ساعة دي ونرتاح بعدها... تركزي في النص ساعة دي وترتاحي بعدها خمس دقائق، اتحركي فيهم واعملي كم تمرين تفكي تشنجك عضلاتك ومفاصلك. كافئي نفسك بحاجة بتحبيها، العقل بيحب المكافآت لكن بيحب المكافآت القريبة فعشان كده بيخلينا نضيع وقت على السوشيال ميديا لأنه بيحس بالسعادة ودي مكافأة بالنسبة له فانتي محتاجة تستخدمي نفس الطريقة معه... المكافأة مع كل إنجاز هيحمسك أكتر. الصلاة والأذكار وقراءة القرآن دي كلها علاج لازم تستخدميه صح... هل صلاتك فيها خشوع واستحضار لوقوفك بين إيدين ربنا؟ هل بتقرأي الأذكار وقلبك حاضر ولا مجرد ترديد؟ هل توكلك على ربنا واستعانتك به مجرد كلام باللسان لكن القلب مش مستيقن التوكل ده فعلا؟ كل دي عوامل بتفرق. متحاوليش تعتمدي على الشغف عشان تذاكري، المطلوب منك تنمية حس المسؤولية والانضباط الذاتي والاستمرار على الخطوات الصغيرة كل يوم. لا تقلقي بخصوص الامتحانات وخلي تركيزك تتعلمي كل يوم حاجة جديدة وتنمي عقلك وشخصيتك أكتر. بالتوفيق إن شاء الله.
تم النشر الأحد، ١٣ أكتوبر ٢٠٢٤
وعليكم السلام ورحمة الله وبركاته، أختي الكريمة، أشعر بمعاناتك وما تمرين به من تشتت في التركيز وقلق حول المستقبل، خاصة وانتِ في مرحلة مصيرية مثل الثانوية العامة. بدايةً، من المهم أن تدركي أنك لست وحدك في هذه المشاعر وأن الكثير من الطلبة يواجهون تحديات مشابهة. إليك بعض النقاط التي قد تساعدك: تحديد الأهداف : حاولي تقسيم المواد والمناهج إلى أهداف صغيرة وقابلة للتحقيق. بدلاً من التفكير في المنهج بالكامل، fokusee على جزء معين. هذا سيساعدك على الشعور بالإنجاز. تنظيم الوقت : يمكنك إعداد جدول زمني للمذاكرة، مع تخصيص فترات زمنية محددة للاستراحة. حافظي على فترات راحة قصيرة بين الدراسة لعدم الشعور بالإرهاق. محاولة تدريب النفس على التركيز : في كل مرة تلاحظين فيها انشغالك بالتفكير في أمور أخرى، قومي بإعادة توجيه تركيزك إلى الدراسة. يمكنك الاستعانة ببعض التطبيقات التي تساعد على التوازن والتنظيم. التفكير الإيجابي : حاولي تجنب التفكير السلبي الذي يأتي من الآخرين. استخدمي دعاء الاستعانة بالله واذكري نفسك بأن النجاح يحتاج إلى صبر وثقة. كل إنسان له طاقته وقدراته الخاصة، ولا تقارني نفسك بالآخرين. طلب المساعدة : إذا كان لديك صعوبة في فهم شيء ما، لا تترددي في طلب المساعدة من المعلمين أو الأصدقاء أو حتى الدروس الخصوصية. العناية بالصحة النفسية : من الجيد أنك ملتزمة بصلاتك وقيام الليل، صدقيني الإيمان والصلاة يعززان الروح. بالإضافة لذلك، حاولي الانخراط في نشاطات ترفيهية والهوايات التي تحبينها لتخفيف الضغط النفسي. وأخيرًا، تذكري أن المستقبل يعتمد على العمل والجهد، وليس فقط على الدرجات السابقة. عليكِ أن تؤمني بنفسك وقدراتك. أرجو أن تجدي هذه النقاط مفيدة، ولا تترددي في طرح أي استفسارات أخرى. بارك الله فيك وسدد خطاك.
تم النشر الخميس، ١٠ أكتوبر ٢٠٢٤
لعرض السؤال في فدني اضغط هنا