مديري ضربني .. وقال أنه غير قاصد ذلك .. هل أترك العمل ام لا؟

Question

سؤال ... حصل موقف معايا لي الشغل عاوز اعرف اتصرفت صح ولا لا .... النهارده كان مجمع العمال في صاله الشغل وكدا وبيكلمهم في نظام الشغل وكدا واحد من العمال بيقول لزميله ان الشغل بعد كداممكن يكون من كذا لكذا وبصلي عادي يعني .. المدير بقي لقيته بيقوله مادام بصتله يبقي قلك كدا وخبط علي صدري جامد وهو بيقول خليه بقي يطبق النظام ده معاكم هو بقي.... الفكره هنا ضربه علي الصدر دي انا قولتله اني مش هكمل معاك بسبب موقع ده وليه اصلا تعمل كدا ولو بعشم ولو راي حاجه اصلا ملقش حق حتي لو صحاب حتي ..... المهم هو اعتذرلي كتتير بصراحه اعتذر بس انا الموقف ده قفل معايا اوي حرفيا قفل معايا الدنيا كلها مهما يكن ليه يمد ايده اصلا حتي لو بعشم ولا اي حاجه زميلي بيقولي اني مكبر الموضوع اوي ووخده علي صدري وهكذا انا حتي قولتله ها المرحله الجايه هتضربني بقي الفاضل يعني وحاول معايا تاني وعاوزك معايا و الخ الخ الخ فانتو رايكم ايه ؟؟؟؟ هل انا مكبر الموضوع فعلا ؟!؟! وايه رايكم ككل !!؟؟ انا ولد اشطا مهندس انتاج

Accepted Answer

يا بشمهندس حضرتك ليك حق طبعا انك تاخد موقف قصاد اللي حصل ده لو هو اعتذار لك فتمام انت كده بالنسبه لك ده المفترض ان هو يكون رد يرضيك اذا كان الرد ده لسه لا يرضيك استمر في انك تكون يعني تعاملك واضح فيه انك تعاملك تتغير معه بسبب بسبب الموقف ده او وضح ان بقى في حدود جديده للتعامل اكثر رسميه مثلا يعني لو كان في ما بينكم شكل اخف يعني في التعامل او شكل ودي اكتر وده حقك. لو الاعتذار كان ما بينك وما بينه فغالبا هو ده اللي مخليك مش مرتاح الاعتذار واجب ان هو يكون قصاد الناس اللي حصل قصادهم نفس الموقف اعتقد ده هيكون بالنسبه لك هو الافضل لو ده ما حصلش يعني لكن لو حصل واعتذار لك قدام الناس فبس الموقف ممكن ياخد معك وقت وانت يكون فيه كده ما بينك وما بين نفسك حديث انه انا من وقتها ليه حاسس بالضيق هل انا حسيت باهانه لا تختفر او انه حد يعمل لي كده فانت خلاص ترجمتها من ساعتها انه الشخص ده او المدير شايفك قليل فلذلك عمل ده هو الراجل ممكن يكون عملها بشكل تلقائي وعفوي للاسف. كانت غلطه وبما ان هو اعتذر فده شيء يحترم انه راجل مش متكبر يعني وبيعترف بالغلط يعني اعترف ان دي حاجه طالما ضايقتك وطلعت منه تلقائيه. فهو وضح ان هو ما يقصدش منها حاجه فان شاء الله هو موقف وهيعدي يعني حتى لو اخد وقت معك شويه لحد ما يعني تقدر تتغلب على الشعور اللي جالك ده ولكن هو موقف هيعدي ما انصحكش ان انت يعني تخسر شغلك علشان بس الموقف لسه جديد.

Answer

يسطا انتا مكبر الموضوع علشان هوا اعتذر يبقا هوا مش قصدو حاجه ولو قصدو وعتذر يبقا هوا عرف مقامك الحقيقي ولو عمل اي تصرف وحش تاني سيب الشغل بدون تفكير

Answer

بص تقبل نفسك وهون علي نفسك وارد يكون مش قصده واحترم زعلك

مديري ضربني .. وقال أنه غير قاصد ذلك .. هل أترك العمل ام لا؟

مهنية

اجتماعية

علاقات

سؤال من احد أعضاء فدني

تم النشر الثلاثاء، ٣٠ أبريل ٢٠٢٤

4 إجابة

4 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك