اانا عند حاجات كتيره فى قلبي متضايقه منها وزعلانه فى نفس الوقت انا بنسي كتير اوى اوى اوى انا مامى لاول مره بس انا حاسه أن عندى فرط حركه كل حاجه فى بيتى مش بتكون على أكمل وجه اكلى وحش جوزى كان مش بيعلق بداء يعلق بقيت اغلب الوقت سرحانه زعلانه حتى لو نزلت شغل بكون فاشله فى حملت بعد ٢ من جوازى بس حتى حاسه فى تربيت ابنى غلط مش بعرف ااكله مش بعرف اعمل ليه انشطه مع أن أن خريجة تربيه خاصه خايفه اغلب الوقت على ابنى وعلى بيتى علاقتى مع ربنا مش حلوه اوى أنا زعلانه حاسه أن بعك كتير فى الاكل فى البيت وفى تربيه وغير كدا أن بنسي كتير كتير كتير اوى
طيب نقسم الموضوع حاجة حاجة بتنسي كتير ومش مركزة، ولسه مامي جديدة، دا ممكن يكون نفص فيتامينات، نقص حديد، نقص فيتامين د، فالافضل تروحي لدكتور باطنة او دكتورة النسا هي بردو تقدر تكتبلك على تحاليل وبعدها تحددلك انتي محتاجة فيتامينات ايه، متاخديش حاجة من نفسم لو بترضعي عشان متضرش ابنك بعد الشر عنه. تاني حاجة، زعلانة سرحانة مش مركزة، والعلاقة بربنا مش احسن حاجة، ... حاولي تظبطي عبادتك د، الفروض بالاساس لانك اكيد وقتك ضيق مع البيبي الجديد، فحافظي على الفروض في وقتها الخمس صلوات، وممكن تقري قران من على الموبايل ولو نص صفحة او صفحة واحدة بس كل يوم. كمان لو بتستخدمي الموبايل كتير او بتدخلي على السوشيال ميديا كتير، قللي دخولك لان الفيسبوك او الانستجرام الى جانب انهم بيسرقو الوقت جدا وبيقللو التركيز ويزودو التشتت، هما كمان بيسببو مشاعر كتير سلبية من غير ما تحسي. بسبب اننا على السوشيال ميديا بنشوف صور مثالية، امهات مثالية، اكل وطبخات ولا احلى، اساليب تربية متخرش الميا، نتايج شغل هايلة، انجازات عظيمة.. لكن في المقابل احنا مبنشوفش حقيقة البيوت والنفوس والواقع للناس اللي بتنشر على السوشيال ميديا. انا حاسة انك جاية على نفسك اوي، بتقارني نفسك بغيرك، او بتحاولي تعملي حاجات كتير في نفس الوقت ودا اكيد هيضغطك ويحبطك زيادة. انتي دلوقتي ام وبتعملي اهم وظيفة محدش يقدر يحل محلك فيها، ابنك وبيتك وزوجك محتاجين كل وقتك وحضنك واهتمامك، لو مش محتاجة للشغل ماديا حاليا سيبيه مؤقتا لو تقدري ومتضغطيش نفسك فيه. حاولي تركزي على الاهم اللي تعمليه، اتعلمي اكلات سهلة وسريعة مش مليانة تفاصيل، لان اكيد وقتك ضيق مع وجود بيبي جديد. جربي تدخلي لابنك انواع اكل نوع نوع وبردو من غير تعقيد وتفاصيل كتير ترهقك. لو الموبايل واخد وقتم وتركيزك حاولي تقللي استخدامه وكتب تربية الاطفال كتيرة جدا تقدري تقري او تشتركي في كورس عن تربية الاطفال اقل من ٣ سنين وهتلاقي خطوات ونصايح كتير خدي منها اللي تلاقيه مناسب وتقدري تعمليه.
تم النشر الخميس، ١٨ أبريل ٢٠٢٤
شكرا لحضرتك على المشاركة🌷 انتي أحلي مامي واحساسك بالتقصير ده ممكن يكون ناتج عن انك عايزه تكون افضل فكل حاجة انتي والده بقالك قد ايه ؟ وهل الاعراض دي من بعد الولادة ؟
تم النشر الاثنين، ٢٢ أبريل ٢٠٢٤
ال ممكن تكوني مطرح الولاده ومطرح التعب وان انت واقفه لوحدك فمحتاجه شويه فيتامينات شوفي كده اعملي وشوفي انت محتاجه ايه وكمان نفسيتك محتاجه ان انت تكلمي نفس الكلام ايجابي تكلمي نفسك ان انت كل الامهات بتمر بظروفك تجيبي حد يساعدك تدي نفسك وقت تستريحي فيه وتكافئي نفسك فيه عشان انت تستاهلي كده.
تم النشر الخميس، ١٨ أبريل ٢٠٢٤
تم النشر الخميس، ١٨ أبريل ٢٠٢٤
تم النشر الجمعة، ١٩ أبريل ٢٠٢٤
لعرض السؤال في فدني اضغط هنا