شوف يا صاحبي والله قبل ما اكمل قراءة كان عندي احساس ان دي اعراض ادمان الاباحية، أسأل الله ان يعافينا ويعافيك ويشفيك وجميع المسلمين كل الأعراض اللي عندك ضعف الشخصية و اكتآب وقلق اجتماعي كل دا بسبب الإدمان الخبيث دا. وانا اقسم لك بالله انك لو توقفت عن الإدمان دا حياتك هتختلف تماما، ودليلي علي كدا هو جروب واعي لعلاج ادمان الإباحية، خش وشوف هتلاقي ناس كتير كانو زيك والحمد لله بقو في حته تانية اخر حاجه ياريت تتفرج علي الفيديو دا https://youtu.be/8GE28QWYAYw بودكاست ايه المشكلة في الإدمان
تم النشر الخميس، ١٥ يونيو ٢٠٢٣
هو واضح ان الهزة اللى اتهزيتها من وفاة والدك مش قليلة خاالص...ويمكن انت شخصيا مش مترجمها جواك .
تم النشر الخميس، ١٥ يونيو ٢٠٢٣
طيب اول حاجه .. انت ليه شخصت نفسك بالاكتئاب، والقلق؟ هل فيه دكتور شخصك بالاضطرابات ديه، مينفعش نقرأ شوية اعراض ونشخص نفسنا بيها ده غلط جدا. تاني حاجه ... لو هنتكلم عن انك منعزل عن العالم، علشان مشاكل كانت حاصله قبل كده من حالات تنمر، ومقارنة .. وغيره الانتقاد ده بيسبب للطفل وهو صغير أنه يفقد ثقته في نفسه، أنه يكون علطول حاسس أنه فيه عيب، وأنه حاسس أنه مش كفاية. وطبعا الاحساس ده كبر معاك، وبدأت تركز شوية بشوية عليه، وعلى نفسك وبدأت تركز على عيوبك اللي هي اساسا ممكن متكونش عيوب، بس هما عملوا كده. أول حاجه لازم تركز عليها حاليا ( هي انك متديش للناس اهتمام) يعني ايه؟ يعني متركزش مع الناس في اللي بيقولوه فيك، لأن الناس عمرها ما هتجتمع ع حاجه واحده، واصلا رأيهم مش مهم .. ايه لازمه ان حد يقولك ان اخوك احسن منك! هتستفاد انت منه في ايه لما يقول كده؟ ولا لما يقول لا شكلك مش حلو؟ بطل تشوف نفسك من وجهة نظر الناس. وده اللي هنروح بيه للمرحلة التانية (وهي انت شايف نفسك ازاي)؟ طبيعي جدا لو انت شايف نفسك بطريقة كويسة ده هينعكس عليك، ولو شايف فسك برذه بطريقة سلبية هينعكس عليك برضه. هات ورقة وقلم واكتب مميزاتك وعلقها في اي حته في الاوضه بتاعتك .. بس تكون ديما قدامك .. وحاول انك تعزز المميزات ديه .. وتشوفها قدامك عينك حقيقه .. يعني لو عندك مهارة معينه ابدأ واستخدمها .. اما عن العادة .. أول حاجه محتاج تقتنع إن هذه العادة مضرة، وعلشان تعزز الجانب ده أكتر، بأقترح عليك أنك تبحث عن أضرار العادة سواء ضررها على الجانب البيولوجي، أو النفسي. ده هيعزز أكتر بعدك عنها، لأنك لازم تعرف كل الأضرار اللي هتقع عليك في الاخر منها. الخطوة التانية أنك تبتعد تماما عن الافلام الاباحية، لأنها هي من المحفزات الأساسية التي تثير عندك الشهوة في عمل العادة. الخطوة الثالثة أنك متقعدش لوحدك كتير، لأن القعدة لوحدك بتخليك تفكر كتير وممكن تلاقي نفسك بتفكر في هذه الامور، علشان كده سهل جدا أنك تنفذ. عارف زيها زي مدمن المخدرات لما يقرر يبطل، أوقات بتيجي عليه فترات ضعف وانتكاسات، زي ما هيحصل معاك، أول حاجه بيعملوها أنهم بيحاولوا يكلموا حد علشان يبقى فيه حد معاهم، وينسوا فكرة الضرب اللي بتيجي. يعني حاول تشغل نفسك أول ما تيجي فكرة العادة في دماغك، انزل اجري، اتمشي، كلم صحابك، اتفرج على فيلم كوميدي مثلا، اعمل اي حاجه، المهم متسبش نفسك لدماغك. الخطوة الرابعة هي ان لو فيه وقت فراغ في حياتك، اشغله بشغل، بعمل تطوعي، بتعليم. اقتل الفراغ بأي طريقة علشان متسبش لنفسك وقت للتفكير. انت ممكن تقع مرة أو اتنين أو حتى عشرة، ده عادي جدا، متيأسش بسرعة، ده طبيعي جدا. هتفضل تقع وتقوم، هتقع وتقوم. علشان كده الخطوة الخامسة هي الايمان، مش الايمان بالله وبس، لازم نؤمن بنفسك، أنك هتقدر إنك تكون أفضل مما أنت عليه. أتمنى ليك السلامة
تم النشر الخميس، ١٥ يونيو ٢٠٢٣
هقولك حاجه واحده ياريت تعمل بيها "ابدأ بالقرآن " وخاصه البقره يوميا اللى انت فيه دا نتيجه حجات كتير وضغط ممكن بعد كد تنزل تتمشي وصدقني هتفرق جدا معاك وهتدعيلي يكون ف مكان فى شجر، بحر ، الخ.....في دراسات اتعملت ع الموضوع دا لعلماء زى اورليش و ويلسون وروبرت ستون وابدأ شوف هواياتك اى الحجات اللى ممكن تفرحك او بتحب تعملها وحاول تمنع الموبايل متخليش الشيطان يسيطر عليك يصحبي "وقال الشيطان لما قضي الأمر إن الله وعدكم وعد الحق ووعدتكم فأخلفتكم وماكان لى عليكم من سلطان إلا أن دعوتكم فاستجبتم لي فلا تلومونى ولوموا انفسكم ما أنا بمصرخكم ومانتم بمصرخي إني كفرت بما اشركتمون من قبل إن الظالمين لهم عذاب اليم " اسأل اللهم العظيم رب العرش الكريم ان يحرمك لذة معصيته ويرزقك لذة طاعته❤
تم النشر الجمعة، ١٦ يونيو ٢٠٢٣
أنا لن أقول لك غير عاداتك أو بطل مشاهدة الاباحية فقط إبحث عن عن مكان لا يراك فيه الله قبل أهلك يعني مكان يحجب عنك رؤية الله أنت تشاهد وتسمع بنعمة من نعم الله، حاول بعد كل معصية تتوضأ وتصلي ركعتين لله و تحدث معه عن أي مشكلة تقف في طريقك حتى أتفه مشكلة حاوره وتخيل أنه يجيبك عن أسئلتك بالجواب الذي تريد سماعه من أقرب الاشخاص لديك
تم النشر الخميس، ١٥ يونيو ٢٠٢٣
لعرض السؤال في فدني اضغط هنا