انا متفهماكى جدا المشاعر دى وتعلق قلبك بيه ملكيش يد فيه ...انا عارفه وفاهمه انك مستنياه يظهر تانى بس المره دى يكون جاى يتقدملك. طب وايه المشكلة فى ده ...ده احساس طبيعى لانك حبتيه ومش هقولك اكيد مش حب لانك كنتى صغيرة.....رغم انك كنتى صغيرة بس الحمدلله فكرتى صج واختارتى تكونى فى طريق الصح مع ربنا ...فمش هحكم على احساسك انه مزيف. طيب المشكلة هنا بس اننا منعرفش هو موقفه زيك ولا هو بعد العشر سنين اتغير . فانا هقترح عليكى اقتراين اذا قدرتى تعملي واحد فيهم هتختصرى على نفسك طريق طويل. الاول : انك تفضلى ورا صوت قلبك ومتقبليش حتى تشوفى حد غيره. ( طبعا ده حاجة ممكن تستمر الى مالانهاية ...الا اذا قلبك غير كلامه فى اى وقت ) الثانى : تحاولى تتواصلى معاه لو فى طريقة وتسألى عنه وعن احواله عادى وكأنك افتكرتيه لاى سبب وتشوفى هو وصل لفين وهتقدر تتلمسي اذا كنتى مستنيه حاجة فعلا ممكن تيجى ولا خلاص اللى انتى مستنياه مش موجود. ( ساعتها اعتقد هتقدرى تقنعى قلبك يشوف حد تانى يكون حنين ومسؤول وانا متأكده ان ربنا ان شاءالله هيكرمك بالخير كله لانك بتتقى الله فى افعالك ) فكرى كويس لان الانتظار مش حاجة سهله
تم النشر الأربعاء، ١ مارس ٢٠٢٣
انا فرحانه جدا بيكي انك كنتي صغيره جدا وعرفتي تحطي حدود وتعملي كنترول ع نفسك ف سن زي ده وتمنعي انك تعملي ومشاعرك دي حلوه جدا ..بس انتهت من زمان ممكن معرفتيش تتخطيه عشان كنتي مصدقه انه هيرجع بعدين بشكل صح بس نسيتي انه ممكن ميكونش بيفكر زيك ويكون كبر وشاف حياته وتفكيره اتغير عن زمان وفكر مثلا ان وقتها مشاعركم كانت مراهقه بقولك كده عشان لازم تفكري وتحطي احتمالات كتير عشان حياتك تشوفيها بشكل صح لانك مش ضامنه اخلاصه ومشاعره ليكي بعد عشر سنين فكري بالشكل ده كل متجيلك فكره تخصه وانك مش عارفه تتخطيه وافكار تانيه زي انه لو لسه مخلص مكان جه وطلبك بشكل رسمي عشان تبدأي تشوفي الصوره الحقيقيه وتشوفي حياتك صح
تم النشر الثلاثاء، ٢٨ فبراير ٢٠٢٣
هو تقريبا حضرتك فهمت قصدي غلط عشان طريقة كتابتي للرد ف اعتقد اني لازم اعتذر لحضرتك لو طريقتي ضايقتك ف انا آسفة بجد و كفاية ان حضرتك اخدت من وقتك و قرأت كل ده و رديت عليه ف شكرا بجد 🤍.
تم النشر الثلاثاء، ٢٨ فبراير ٢٠٢٣
الشخصية اللي أنت متعلقة بيها غالبا لم يعد لها وجود إلا في خيالك .. أنت متعلقة بشخصية ولد كان عنده ١٤ سنة والآن عمره ٢٤ سنة والله أعلم ما الذي تغير في شخصيته، وربما لو عاد إليك لكرهتي شخصيته وطباعه الجديدة وربما يكون هو نفسه قد تخطاك من زمن بعيد وارتبط بغيرك .. فعيشي الواقع لا الخيال .. عيشي في الحاضر لا في الماضي!
تم النشر الثلاثاء، ٢٨ فبراير ٢٠٢٣
كنت مستنية حد مر بنفس تجربتي يقولي عمل اي عشان يحاول يتخطى الأزمة دي او اي حل ممكن اعمله بس ده مش معناه ان الكلام اللي حضرتك قولته مش صح بس عقلي رافض يتقبله غصب عني
تم النشر الثلاثاء، ٢٨ فبراير ٢٠٢٣
طيب إنت داخلة هنا متوقعة تلاقي إيه غير "شوية كلام من دة"؟؟
تم النشر الثلاثاء، ٢٨ فبراير ٢٠٢٣
لو كان الموضوع بالسهولة دي حقيقي كنت تخطيت من زمان اعتقد اني مش هقدر اقنع نفسي بشوية كلام من ده
تم النشر الثلاثاء، ٢٨ فبراير ٢٠٢٣
لعرض السؤال في فدني اضغط هنا