يعني اكثر من مرة اجد شاب وفتاة قاعدين لازقين فبعض وماسكين يد بعض وهما لا تربطهم اي ارتباط هو بقى عادي مسك الايد بين ناس مش متزوجين؟!
الحجاب للاسف حاليا مش دليل علي اخلاق البنت لأن الموضوع ده بقا منتشر بطريقه مش طبيعيه أنهم يكونوا أخلاقهم وتصرفاتهم سيئه جدا ومع ذلك محجبين بس حضرتك بتتكلمى عن ليه المحجبات بيعملوا حجات غلط رغم الحجاب ولا بتتكلمى علي فكرة انتشار الارتباط ؟ بالنسبه لموضوع الحجاب ف بصراحه مش لازم لما نشوف حد لابس حاجه يكون مقتنع بيها نهائي الحجاب بقا بنسبه كبيره جدا الآباء بيجبروا ولادهم بيه ف عشان كده بنلاقي ناس كتير مش حاسه ولا مدركه بقيمة الحجاب وكمان تصرفاتها بتخلي حجابها شكلاً فقط ومش محسوب عليها لأن الحجاب ليه احترامو والشكل بيعمل دور مهم جدا ف اخفاء العيوب انا عاشرت ناس اشكال كتير منهم كانت من بعيد احلا ومنها فتره كنت متعرفه علي واحده منقبه ف قولت ايوه هى الصحبه الصالحه الي هتوعينى اكتر وطلعت من اسوأ الناس بجد وده يدل أن مش كل واحد بيعمل حاجه كويسه دليل علي انو كويس مش كل ما حد يتبرع بحاجه يبقا كويس مش يمكن عاوز يبان كويس ؟ ف ده نفس الشىء هما لابسينو عشان ناس حواليهم لابسينو اهو معاك معاك عليك عليك واهى ماشيه بالنسبه لحوار الارتباط ف بصراحه مش لازم البنت الي تكون ماسكه ايد ولد ده هى كده ضعيفه ف الدين ممكن هو ضحك عليها أو حتى هى ضعفت ف اضطرت تدخل معاه ف علاقه محرمه حتى لو كانت كلام ومقابله فقط بدون اى تجاوز بس فالاول والآخر الدنيا كده دايما بنتخدع كتير بسبب أنهم من برا احسن ولما تشوفي بنات بتقابل ادعيلهم بالهداية عشان هما كانوا ف يوم من الايام رافضين الفكره لحد ما اغواهم الشيطان والعياذ بالله ربنا يحمينا 🤍
تم النشر الثلاثاء، ٧ نوفمبر ٢٠٢٣
هو السؤال غريب شويه ومش محدد هل انت بتسالي عن الارتباط ومسك الايد وانهم قين في بعض عموما كبنات المسلمين ولا عن هذه التصرفات من بعض المحجبات تحديدا لو سؤالك بخصوص المحجبات فاحنا في زمن مفيش فيه اي شئ يدل على اي شئ اخر للاسف زي بالضبط كانك بتسالي ازاي واحد امام مسجد وبيدخن او ازاي واحد حافظ القران ومقصر في صلواته او ازاي واحده منتقبه وبتسمع اغاني كل الامثله دي موجودة في زمننا ربنا يعافينا ويعفو عنا الفكرة هي ان جتمع كله محتاج اصلاح ديني لازم يبدا من الطفولة ومن التعليم والطفلةينشا عارف تعاليم دينيه وحدود الحلال والحرام ويستشعر الحرج والاثم لو ارتكب شئ مخالف لامر الله ورسوله ومن اكتر الامور طبعا ال افسدت اجيال كتير هي فكرة الارتباط والتساهل فيها من قبل الاهل ومن قبل المراهقين فالموضوع حاليا ملهوش علاقه بالمحجبات ولا غير المحجبات الموضوع باختصار نشأة دينيه عقائديه صحيحه من اول يوم ولادة للطفل في الدنيا بس كده
تم النشر الثلاثاء، ٧ نوفمبر ٢٠٢٣
اقولك ليه .. عشان بشر واى كان مظهرهم فى الالتزام من عدمه فده مش بيلغى بشريتهم اللى هى من طبعها انها تغلط وتغلط وتنسى وتضل الطريق .. لما تشوفى حد كده ...ادعيله بالهداية وادعى لنفسك بالثبات
تم النشر الأربعاء، ٨ نوفمبر ٢٠٢٣
على فكرة بحس ان اللي يتخاف عليهم اكتر هما المحجبات اكتر من الغير محجبات
تم النشر الثلاثاء، ٧ نوفمبر ٢٠٢٣
اشمعنا المحجبات اكتر من الغير محجبات؟
تم النشر الثلاثاء، ٧ نوفمبر ٢٠٢٣
لعرض السؤال في فدني اضغط هنا