انا بنت عندي ١٤ سنه كنا في ايام امتحانات كدا وانا وناس صحابي متجمعين فأصحابي قالوا ليا ان في وحده صحبتنا تاني ومرتبطه بولد والبت دي انا بحبها اوي وشخصيتها حلوه حرفيا كل حاجه في شخصيتها وتصرفاتها حلوه بس لما عرفت انها مرتبطه بولد مصدقتش ف الاول بس عرفت من الانستا بتاعها اتاكدت بقا المشكله هنا وان صحابي قالوا ليا مقولش ليها انهم قالوا لي حاجه وانا دلوقتي عاوزه صحبتي دي تعرف اني عارفه واساعدها انها تسيب الواد عشان لو هو سابها الاول البت هتدمر حرفيا البت دي عندها مشاكل كتيره وهي حكيالي عليها قبل كدا ولقت الاهتمام عند الولد ده انا عاوزه اقف جمبها لحد ما تسيبه بس ازاي وهي مش عارفه اني عارفه اصلا وملحوظه هي مستحيل تيجي وتقول الحوار ده صحابي اللي قالوا ليا عرفوا صدفه اساسا ففكرة انها تيجي تقولي شبه مستحيل ودي مشكله تانيه اعمل ايه
انا في حيره ما بين اني اروح اقولها اني عارفه من غير ما اقولها ان صحابي قالوا ليا او اصبر شويه
وملحوظه اهلها عارفين انها مرتبطه وموافقين بس برضو مش عاوزه اسيبها كدا
متقوليلهاش دلوقتي خالص انك عرفتي اي حاجة ، لانها هتضايق منك ومن صحابك وهتبعد عنكم وهتخسري علاقتك بيها. لو روحتي قولتيلها بشكل مباشرة دلوقتي انها مفروض تسيب الولد دا ، ممكن متسمعش كلامك، تفتكرك بتغيري منها، او تفتكر انك هتنقلي الكلام لصحابك زي ما جيتي تقوليلها اللى صحابك قالوه عنها .. فمش هتسمع لنصيحتك ... لو شايفة انها اخلاقها كويسة وشخصيتها حلوة وقريبة لشخصيتك ، اصبري شوية وحاولي تتقربي منها وتفتحي كلام معاها وتقوي صادقتكم ببعض ومتجيبيش سيرتها مع صحابك ، ولا تجيبي سيرة صحابك معاها (ابعدي عن الغيبة والنميمة لانها من الكبائر) لو بقيتو انتي وهي صحاب ، فالصحاب بيحافظو على اسرار بعض مبيتكلموش عنها مع صحابهم التانيين ، ووجود صاحبة زيك باخلاق ودين طيب ، هتكوني مثال جيد قدامها تحاول انها تقلدك وتتعلم منك بدون كلام صريح منك ليها في اي حاجة .. وهي بعد فترة من كلامكم سوا واهتمامك بيها، لو وثقت فيكي وارتاحت للكلام معاكي ، هي اللى هتيجي تحكيلك بنفسها وتاخد رايك .. وساعتها ممكن تقوليلها رايك عن الولد دا ، وعرفيها وقتها انك خايفة عليها وقلقانه عليها منه. انتي مش مسؤولة عنها ، انتي مسؤولة عن نفسك (فاهم حاجة دلوقتي ان ميكونش في علاقتك بيها اي ضرر عليكي انتي او على سمعتك) ، وايا كان شكل علاقتها بالولد دا اللى اهلها عارفين بارتباطها بيه، فهما المسؤولين عنها وعن حمايتها ، وفي النهاية ، متخافيش انها يحصلها حاجة لو الولد دا سابها، في الغالب دا الطبيعي لان الارتباط بدري في السن دا مش هيوصل لاي حاجة في المستقبل غير انهم يسيبو بعض ، هيكون درس كبير لها هيعلمها كتير ، وهتقدر تكمل حياتها لو لقت صحاب جدعان زيك يبقو جنبها ويسمعوها وينصحوها تركز في دراستها وتحافظ على اخلاقها ودينها وتحافظ على قلبها ومشاعرها للشخص المناسب في الوقت المناسب بخطوبة وزواج يرضي ربنا عشان ربنا يباركلها في حياتها.
تم النشر الأربعاء، ٢١ أغسطس ٢٠٢٤
أولاً، أنا فخورة بك لأنك مهتمة بصديقتك وعايزة تساعديها. لكن الوضع ده حساس شوية، ولازم تتعاملي معاه بحذر. تحديد الثقة : حاولي تتكلمي مع صديقتك بشكل عام عن العلاقات، ممكن تطرحي مواضيع عن الحب والعلاقات وتتطرحي شوية نصائح بدون ما تظهري إنك عارفة عن علاقتها. المهم حاولي أن تكون المحادثة خفيفة وبعيدة عن أي ضغوط. استمعي لها : لو فتحت معاك موضوع العلاقة، سمعي لها وكوني داعمة، وده يساعدك تكتشفي مشاعرها وأفكارها عنها. تجنب المواجهة المباشرة : مهم جداً ما تحاولي تقولي لها إنك عارفة جزئيات عن علاقتها. ده ممكن يخليها تشعر بالضغط أو إنك بتحاولي تتدخلي في حياتها. تسليط الضوء على إيجابياتها : ذكريها بقدرتها على تحقيق أهدافها وما تستحقه من حب واهتمام، عشان تفتكر قيمتها الحقيقية وما تعتمدش على حد تاني. كوني موجودة : حاولي تكوني جنبها وتدعميها، وخليها تحس إنها تقدر تفتح لك قلبها لو محتاجة. وأخيرًا، لو الأمر زاد وصاحبتك تعرضت لمواقف صعبة، ممكن تصرفي عليها أن تكلم حد أكبر، ممكن يكون شخص تثق فيه. بالتوفيق!
تم النشر الأربعاء، ٢١ أغسطس ٢٠٢٤
احكيلها بالتجربه .. زى مثلا انك تخترعى قصه عن حد تعرفيه ارتبط بواحد وحصل انهم انفصلوا ودا اثر على نفسيتها وبدا يسئ ليها وهكذا
تم النشر الأربعاء، ٢١ أغسطس ٢٠٢٤
لعرض السؤال في فدني اضغط هنا