السلام عليكم
هل ضروري أن يكون الإنسان ملم بكل شئ في الحياة او قريب من المثالية عشان يكون مؤهل للزواج وإقامة أسرة ويبقى مالي عين شريكه والا حتحصل مشاكل تؤدي لفشل العلاقة دي
ولا فيه مجال للاخطاء والنواقص الكتيرة في شخصية الطرفين اللى حيطوروها مع مرور الوقت وهما مع بعض
انا شاب عندي ٢٥ سنة بحس اني كل ما افكر اخد خطوة في موضوع الارتباط والخطوبة اكتشف اني عندي حاجات كتير جدا محتاج اطورها في نفسي وعيوب كتير برضه في شخصيتي محتاج اعالجها لدرجة اني ممكن أفضل مدى الحياة وعمري ما حوصل للشكل اللى حيرضيني قبل ما يرضي البنت اللى ممكن ارتبط بيها (يمكن اللي بيخليني افكر في الموضوع ده كتير التوقعات الكبيرة من اي بنت دلوقتي في الراجل اللي عايزين يرتبطوا بيه مستقبلا وده حقهم طبعا)
فحد عنده اجابة.....الموضوع شاغلني جدا
شكرا مقدما
🎤 إجابة صوتية
تم النشر الأربعاء، ٢ أبريل ٢٠٢٥
السلام عليكم ورحمة الله وبركاته اهلا بيك مؤشر جيد ان تسعي لتكون أفضل، بس احنا بشر و طبيعي جدا نغلط دون قصد أو نيه لكن الغير طبيعي الإصرار علي الغلط و عمله بقصد و نيه. و هنا انت محتاج تعرف ما هو دور الزوج و ما هي حقوقه و ما هي واجباته ازاي تفرق بين التدخل اللي بيحصل من ناحيه الاهل في العلاقه بينك و بين زوجتك و بين النصح منهم لوجود مشكله حقيقيه. حقوقك و واجبات الزوجه ناحيه الاهل و حقوقك و واجباتك ناحيه أهلها ( البند الثاني و الثالث بيجي منه مشاكل كتيره لو الأزواج مفهموش النقط دي كويس) في وقت اختلاف الرأي ازاي تتصرف. تفكير المرأه و انها بتفكر بالعاطفة اكتر. اختيار الزوجه لها نفس الأهداف اللي بتسعي ليها. و هنا لما تكون عارف النقاط دي هتقدر تكون ملم بحاجات كتيره عن الزواج، و تتعلم اكتر من خلال التجربه، هتكون قرأت و عرفت و لما تطبق اللي اخدته هتشوف مرجوعه إذا جاب نتيجه كمل، مجابش بتشوف حل تاني يكون صح و تجربه،. لحد اما تعرفوا ايه المناسب ليكم انتم، لأن التجارب كلها فرديه مينفعش حد يقولك لازم تعمل كذا. لا شوف العلم بيقول ايه و هتلاقي خيارات كثيره جدا، و جرب مره و اتنين زي ما قولنا لحد اما تلاقي النتيجه اللي ترضيكم. اسأل الله لك الزوجه الصالحه. تحياتي
تم النشر الخميس، ٣ أبريل ٢٠٢٥
نصيحة أخ ادي لنفسك كمان سنة لأنك لو اتزوجت الآن مش هتختار صح وإن اخترت وصدفت معاك العلاقة لن تبني علاقة صحية ولن تستمر ليه ليه ليه كل ده أنا أقول لك المشكلة مش في توقعات البنت على الرجل المشكلة انك لا تقبل نفسك على حقيقتها وبتشوف ان في أحسن من كده فالمشكلة مش متقبل نفسك كما هي وده لسببين : ●تنمر وتعنيف وضرب والأهل لا يحبوك لشخصك بل لإنجازاتك فطبع في مخك انك الآن بحقيقتك وحش ومش كفاية ولازم تعمل انجازات أكثر ●إهمال من الأهل فطبع في مخك أنك لا تستحق الإهتمام وانك مهمش وناقص >>فمعندكش الثقة والقوة انك تخبط باب ناس وتقدم نفسك بكل ثقة وضعف الثقة بيسبب اكتئاب لو لا قدر الله اترفضت لأن الواثق ومتأكد ومعترف بحقيقته و نفسه مش هيهزه رفض اي حد ◆فلو رحت الآن وانت مهزوز (هتختار غلط) : لأنك مش متسامح مع حقيقتك ولا بتدي نفسك فرصة تقول طلباتها فهتختار بعشوائية وبسرعة بمبدأ "انا مستاهلش .. ده كويس لو رضيت بس" وتلاقي نفسك اتسرعت واتخدعت بالمظاهر واتورطت ورطة كبيرة (العلاقة هتفشل) : لأن الدنيا مش هتكون واضحة فأنت مش مدي لنفسك فرصة تفرض حدودك فهي لو تخطت حدودها انت بسبب ضعف الثقة هتسكت وتكتم عشان الدنيا تمشي ف مش هتبقا واضح من البداية ومع تراكم المواقف هي هتتمادى وانت تكتم إلى تنفجر ◆هدفك : زي ما قلت لك ادي لنفسك سنة مش عشان تبقى مثالي وتزود انجازات بل عشان تفهم نفسك وتبني شخصية سوية وتكون عارف انت مين وعايز ايه •حاطط حدودك اللي مبتسمحش بتخطيها •موضح أهدافك ومواصفات الزوجة •يكون بينكم الرحمة والإحترام و الصراحة واللي غلط يعترف •تسأل كويس جدا عشان متقعش في مريضة ◆وده عن طريق انك يوميا طول السنة تدي لنفسك نص ساعة تحلل مواقفك والماضي وتفهم تفكيرك وشخصيتك (زي كأنك بتشوف نفسك شخص تاني في فيديو وتفهم ده بيفكر ازاي وده عايز ايه وايه احتياجاته ) ◆الدعاء بيفرق
تم النشر الخميس، ٣ أبريل ٢٠٢٥
لا مش محتاج تبقى على أكمل وجه عشان ترتبط بس محتاج اساسيات دخول العلاقه زي فكره الدين هل انت مثلا لازم تبقى ملم بكل المذاهب واحكامها ولابتحتاج تعرف حاجات اللي بتبقي الخطوط الكبيره اوي الذي لا يسع للمسلم جهله. اولا حضرتك محتاج موده ورحمه تبقى ودود لنفسك ورحيم بيها وده هيخلي عندك مساحه لكونك اب اسره. لانك مهما ارتبطت بست قويه انت ستظل ماتملك زمام الأمور. نروح لتاني حاجه مماثله في الاهميه وهي كونك مسئول. مسئول نفسيا وماديا عن كل اللي معاك وحاضر معاهم. ويبقى عندك مهاره المرونه انك لو وقعت ماديا هتقدر تتدارك ده مش هتقرر تسيبهم ورا ضهرك.وطبعا في كتب بودكاست بيتكلموا عن ازاي نبقى اسره مسلمه وسويه ليست مكرهه. ارتبط وسيبها ع ربنا وكمان هي لازم يكون عندها نفس المهارات دي. لان الحياه بتتتغير وانتوا كمان هتتتغيروا. لكن طول ماعندنا هدف إنجاح العلاقه والبيت وجود المرونه المسئوليه الموده والرحمه مع علاقه وثيقه بالله. قادره ع خلق العلاقه مئات المرات وقت ماتوصل للملل والزهق وقد ايه احنا مبصريين للتقصير والعيوب. وطبعا اخيرا ادعي ♥️ بشريكه لطيفه تهون عليك الدنيا والعلاقه بكل ظروفها.
تم النشر الخميس، ٣ أبريل ٢٠٢٥
وعليكم السلام ورحمة الله وبركاته، أفهم تمامًا ما تشعر به، وغالبًا ما تمر العديد من الشباب بنفس التفكير. من الطبيعي أن تتساءل عن استعدادك للزواج وعن الصفات التي ينبغي أن تمتلكها قبل أن تتخذ خطوة الارتباط. يجب أن تعلم أن الكمال ليس متطلبًا للزواج، بل الأهم هو الوعي الذاتي والرغبة في التطور. كل شخص لديه عيوب ونواقص، وهذا جزء من الطبيعة البشرية. العلاقة الزوجية تعتمد على التفاهم، التواصل، والدعم المتبادل بين الشريكين. ذاكرتك الذاتية وتقديرك لنفسك مهمان، لكن لا تركز كثيرًا على التفكير في أن عليك أن تصل للكمال. بدلاً من ذلك، اعمل على تطوير نفسك بشكل مستمر، وكن منفتحًا على التعلم من التجارب والأخطاء. بخصوص التوقعات الكبيرة من الفتيات، من الطبيعي أن تكون هناك معايير محددة، لكن يُفضل أن تبحث عن شريكة تتفهم أن العلاقة تتطلب العمل المشترك والنمو معًا. العلاقات الناجحة تبنى على الاحترام المتبادل، الثقة، والدعم. إذا شعرت بأن لديك مخاوف أو قلق معين، ربما يكون من المفيد البحث عن مشورة من مختص أو التواصل مع أفراد ذوي خبرة في العلاقات. في النهاية، خذ الخطوة عندما تشعر بأنك جاهز، ولا تستعجل الأمور. وفقك الله في مسعاك، وأتمنى لك التوفيق في حياتك المقبلة.
تم النشر الأربعاء، ٢ أبريل ٢٠٢٥
محتاج تثق في نفسك اكتر وتتأكد انك كفاية وانك تستحق كل اللي بتتمناه، مفيش فينا حد مثالي ولا حتي قريب من المثالية، ادراكك ان عندك عيوب ومحتاج تعالجها دي حاجة كويسة جدا بس مش هتوقف حياتك عشان تعالجها، كلنا عندنا عيوب حتي شريكة حياتك هيبقي عندها عيوب واحنا كبشر المفروض ندور علي اللي يتقبل عيوبنا قبل مميزاتنا ولو الشخص دا متقبلناش زي ما احنا يبقي ميستاهلناش، متفهمة خوفك من التوقعات الكتير اوي اللي ممكن البنت تتوقعها في البداية، بس دا كله بيعتمد علي اختيارك لان مش كل البنات زي بعض اختار بنت تفهمك وتقدرك زي ما انت كدة
تم النشر الأربعاء، ٢ أبريل ٢٠٢٥
لعرض السؤال في فدني اضغط هنا