من ونا صغيره عمتو بالنسبالنا زيها زي ماما اترببت عل أن الحمد لله علاقتنا ب أهل بابا كويسه اوي و ماما و عمتو علاقتهم ما شاء الله اخوات مفيش مشاكل زي ال بسمع عنها بره ..المصايف دايما بنطلع مع بعض و يعتبر المصيف مش مصيف غير و عمتو و جوزها و عيالها معانا و كذالك هما ..وأنا طولي عمري بتمنى اتجوز واحد عندو اخوات بنات علشان تكون علاقتي مع اخواتو زي علاقه ماما وعمتو حتى فكره بيت العيله بالنسبالي عادي جدا لان احنا كنا بنسعى علشان نعيش قريب من تيته و جدو ف بالنسبالي أنا بحب الأجواء دي يعني
المهم اتعرفت على واحد معايا ف الكليه و هو جميل جدا و زي ما اتمنيت من ربنا راجل فيه كل حاجه حتى عندو أختين بنات واحده كبيره عندها حاجه و تلاتنين و متجوزه و التانيه اكبر منو بخمس سنين و متجوزه من قريب بقالها سنتين هو و اختو الاكبر منو بخمس سنين دي قريبين اوي لبعض قريب اوي بحسها مش بتتكلم مع جوزها قد ما بتتكلم معاه و بتحكي معاه ..هو ابوهم متوفي و هو الولد الوحيد و الصغير بس بسبب وفاه باباه كبر و بقى هو ال واخد بالو من اهلو و اخواتو ..المهم اختو متجوزه من سنتين و جوزها حياتو بره و هيا سافرتلو من شهرين كدا ..كل يوم بتكلم اخوها و كل ثانيه ممكن تسبب جوزها و اهل جوزها و ترن عليه تحكيلو أي حاجه حتا لو تفاهه ..و هو بييجي يتكلم معايا عنها علطول ف الاول كنت فرحانه و بحب اسمع و هو بيتكلم لاكن الموضوع افور لدرجه انو بقى يقولي انا هسمي بنتي عل اسمها ..لو حصل اي حاجه ابقى اساليها..شايف اني مش بفهم ف حاجه و هيا دي ال بتفهم و هيا دايما ال زوقها حلو ..مره سوال عل الانستا عجبني اوي كان فيه "لو دخلت اوضه فيها كل الناس ال قابلتهم ف حياتك كلها عايش أو ميت مين اول حد هتدور عليه " سألتو عل اساس اني هسمع مثلا باباه الله يرحمه او اي حد مكنتش متوقعه انو يقول أنا بصراحه بس قالي انو اول حد هيدور عليه هتكون اختوو دي و كام الف حاجه بقى و دايما هيا اول حاجه حتا قبل مامتو و اختو التانيه
مره مسكت تلفونو لاقيتها باعته ليه صوره ليا نا كنت منزلاها بتقولو خليها تروح جيم هيا كمان و بتضحك..نا مش مليانه خالص ولا هيا بس وقتها كانت بتروح جيم ..انا زعلت وقتها و هو فضل يصالحني و يراضي فيا يوم بحالو و مرضيش يمشي من قدامي ولا يمشيني غير لمه حلفت اني مش زعلانه و جات بليل يومها هيا تكلمني و تفهمني وجهه نظرها لاقيتو هو بيتكلم معايا بقرف اكنو كان قائلها انو مصالحنيش ولا فكر انو يفهمني وجهه نظرها مع انو حرفيا فضل يعتذر و يحاول يصلح الموقف كتير بس مببينلهاش كدا
لمه بتكلمني بتعد توريني لبس و توريني حاجات كتير لتحاول تقرب مني ونا ولله كل ال حصل دا مش هاممني و ممكن اعديه عادي و اخدو بهزار و اقول انها بتنكشني عادي بس تصرفات من ناحيتها ولله العظيم غصب عني بضايق و مش بكون عاوزه اضايق بعد اقول اخوات عادي و عمر مع بعض برضو بس غصب عني دماغي بتوديني ف حتت كتير ال هو انتي دلوقتي مع جوزك في حاجه مضايقكي ما تقوليلو هو ..اخرجي معاه قضي وقت معاه هيا حرفيا مش بتعملو اي حاجه دايما و مش عارفه شخصيتو بصراحه بس ال واضح قدامي لمه كانت قاعده هنا ف مصر قبل ما تسافرلو مكنتش بتكلمو و هيا بلسانها قالت إنها داخله عل اسبوعين مش بتكلمو اول لمه سافرت بقى حرفيا مش بيعدي ساعه الا لمه بترن عل اخوها
دا صح دا غلط هما اخوات ف الاول و الاخر بس نا عاوزه ابطل اضايق لأنو مش بيحكي معايا اي حاجه و لمه بيحصل مشكله بيكلمها هيا و لو فرح أو زعل بيكلمها برضو بيكلمني بعديها بكتير اوي
احنا المفروض هنتخطب خلاص و بعد اقول هو لو مش بيحبني و مش مرتاح معايا مكنش كلم اهلي بس ازاي حب و هو مش بيعرف يحكي معايا
المشكله فيا وله فيهم وله انا بغير اوي وله انا غلط اصلا ووحشه اي الصح من الغلط علشان بجد مش فاهمه ولا عارفه حاجه
علاقة الخوات القريبين من بعض دي حاجة حلوة لما الخوات يكونوا قريبين من بعض، لكن في الآخر بيكون في وقت خلاص كل واحد هيروح من طريق و يشوف حياته الخاصة، اتكلمي معاه بهدوء و فهميه وجهة نظرك براحة ان انتي معندكيش مشكلة يكون هو و اخته قريبين مع بعض و بيتكلموا مع بعض لكن اي حاجة ما بينكو محدش يعرفها حتى لو ممتك أو مامته، لازم يكون فيه احترام للخصوصية، و الاحترام المتبادل ده الأساس اللي هتتبني عليه العلاقة، اي حاجة تحصل ما بينكو تكون بينكو و بس و محدش تاني يعرفها اطلبي منه انه مش اي حاجة تحصل يروح يقول لاخته لان دي خصوصية، و قوليله خليها تتكلم مع جوزها مش لازم كل حاجة تحكيله لان هما الاتنين ليهم حياتهم الخاصة
تم النشر الأربعاء، ٣ يوليو ٢٠٢٤
بصي أنا شايفه ان إحتمال كبير جداا الوضع يتغير بعد الزواج لانه هيكون وجد الشخص اللي هيساعده ويقف معاه ويحل مشاكله وانتي اللي هتكوني في وشه اغلب الوقت بس حاولي تكسبي أخته وخليكوا أصحاب هتلاقيها بتتكلم معاكي انتي وبعد الجواز اعتقد هي هتتكسف تكلمه كتير دا رأي والله
تم النشر الثلاثاء، ٢ يوليو ٢٠٢٤
أولا، يا عزيزتي، مشاعرك طبيعية جدًا، وكونك بتغرقي في كل التفاصيل دي يبين إنك بتهتمي بجد وبتحبي الشخص ده. خلينا نفصل الموضوع شوية علشان نقدر نفهم إيه اللي بيحصل ونرتب أفكارنا. ١. علاقتها معاه: دي واضحة إنها علاقة قوية جدًا من صغرهم، خاصة إنهم عدى عليهم ظروف صعبة زى وفاة والدهم، وده خلاهم يتقربوا أكتر لبعض. هي اتحملت جزء من دور الأم بالنسبة لأخوها، وده ممكن يكون سبب إنها متعلقة بيه بالشكل ده. ٢. غيرتك: موضوع الغيرة هنا مش جاي من فراغ. طبيعي إنك تكوني عاوزة تكوني الشخص الأول اللي بيلجأ له في الفرح والزعل. بس هو كمان محتاج وقت عشان يحول الاعتماد من أخته ليكي. ٣. التواصل: مهم جدًا إنك تتكلمي معاه بصراحة. قولي له المشاعر اللي بتحسيها من غير ما تتهميه أو تزعجيه. احكي له إنك حاسة إن علاقتكم هتكون أقوى لو شاركك مشاعره أكتر. ٤. تحسين العلاقة: حاولي تقربي من أخته بزيادة. اكتشفي هواية مشتركة أو تقلبي خروجاتكم مع بعض. ده هيخليكوا تبنوا علاقة قوية ومشاعر إيجابية بدل من الحساسيات. ٥. توازن العلاقة: من المهم إنك تحطي حدود صحية في العلاقة. قولي له إنك بتحبي إنك تكوني جزء من حياته وتفهمي دوره كسند لأخته، بس لازم يبقى فيه توازن. ٦. توقعي الصعب في البداية: مش هيكون كل حاجة وردية من الأول، الاحتياج ده للتواصل مع أخته ممكن يقل بمرور الوقت لما يبقى مرتاح أكتر معاكِ ومعتمد عليكِ. في النهاية: العلاقة مش هتتحسن بين يوم وليلة. التحلي بالصبر والدعم، وفهم الدور بتاع كل شخص في حياتكم هيكون لهم تأثير إيجابي. الابتعاد عن الاتهامات وزيادة التواصل هما مفتاح نجاح العلاقات. إذا كنتي بتحبيه وعندك العزيمة تبني حياة مشتركة، كلها حاجات هتتحسن قريب.
تم النشر الاثنين، ١ يوليو ٢٠٢٤
بصي أنا شايفه ان إحتمال كبير جداا الوضع يتغير بعد الزواج لانه هيكون وجد الشخص اللي هيساعده ويقف معاه ويحل مشاكله وانتي اللي هتكوني في وشه اغلب الوقت بس حاولي تكسبي أخته وخليكوا أصحاب هتلاقيها بتتكلم معاكي انتي وبعد الجواز اعتقد هي هتتكسف تكلمه كتير دا رأي والله اعلم
تم النشر الثلاثاء، ٢ يوليو ٢٠٢٤
لعرض السؤال في فدني اضغط هنا