السلام عليكم ورحمه الله وبركاته نا كنت تالته ثانوي دفعه 2024 وللاسف مجبتش مجموع كويس واهلي عمالين يلوموني مع انهم كانوا بيتخانقوا معايا ايام امتحاناتي وكانوا بيخلوني انهار ومعرفش اذاكر وهما مش مستوعبين هما بيعملوا اي لأنهم مش متعلمين وحرفياا نفسيتي مدمره
ومش عارفه المجموع دا هيدخلني اي ولا عارفه اختار كليه لاني مبقاش عندي هدف في الحياه ولا بقى فارقلي اي حاجة بسبب اهلي وحاسه اني تايهه ومش عارفه عايزه اي ومعنديش اي خبره ف اي حاجة وكل دا اهلي السبب فيه من ونا صغيره علما بأني كنت متفوقه ف الدراسه عن صحابي ال جابوا ف التسعينات
مش عارفه اعمل اي علشان ارجع بطبيعتي ويبقي عندي هدف ف الحياه واحب الحياه علشان نا بمر بأسوا حياتي
ممكن تستخيرى ربنا تدخلى كلية ايه و سيبها على رينا و اكيد مش هيحصلك غير كل خير ان شاء الله و لو تقدرى تصلحى علاقتك مع اهلك شويه يبقى كويس علشان ميحصلش نفس الموضوع فى الكليه ان شاء الله و حتى لو مجموعك مجبش كليه عاليه ممكن تعيدى السنه تاتى عارفه انها ضغط وتعب بس علشان توصلى لحلمك مش لازم توصيلى للحاجه الى عايزاها من اول مره💜
تم النشر الأربعاء، ٧ أغسطس ٢٠٢٤
السلام عليكم اهلا وسهلا بيكي اولاً احب اقولك الف مبروك علي نجاحك مهما كان المجموع مجرد اجتيازك سنه كامله تحت ضغط في المنزل وكمان مواد صعبه ده يعتبر إنجاز كبير ولازم تكفئ نفسك عليه حتي ولو مكفأه بسيطه ثانيا ارضي بقضاء الله وتقبلي الوضع وأبدي البحث عن ذاتك وعن حلم ممكن تحققيه في الكليه لان الثانويه العامه مش نهايه الطريق بل بالعكس هي محاطه في طريق حياتك ومش معني ان محطه طلعت وحشه يبقي باقي حياتك هتبقي وحشه ثالثا حطي عندك هدف جديد واسعي واجتهدي وانجحي وحربي لحد ما توصليلو واعملي مشروع من اول سنه جامعه مهما كانت اي جامعه دخلتيها وابني لنفسك مستقبل وكرير وساعدتها اهلك هيبقو سعداء بيكي رابعا ساعات كتير بيبقي في اختلاف في وجهات النظر بين الأهالي والأبناء علشان كده بيحصل مشاكل كتير بس مهما ان حصل هما اهلك ولازم تحترميهم وانتي اهتمي بنفسك وحبيها وتقدريها وتقبلي قضاء الله وقدره وربنا هيجبر بخاطرك وانا معاكي في اي وقت لو حبيتي تتكلمي وشكرا جزيلا
تم النشر الأربعاء، ٧ أغسطس ٢٠٢٤
بصي انا حصلي نفس موقفك دا و يمكن اكتر لان يوم امتحان العربي ولدي طردني بالليل و بسبب كدا جبت مجموع 51.5% و دخلت معهد عالي نظم و معلومات ادارية و انا كان نفسي ادخل هندسه و الحمدلله رضيت بقضاء ربنا و الحمدلله دلوقتي انا في فرقة 3 و عندي شركة مقاولات يعني كان نفسي اكون مهندس و بقيت صاحب الشركة اللي فيها المهندس ف دا خير و ربنا مش بيعمل حاجه وحشة ❤
تم النشر الأربعاء، ٧ أغسطس ٢٠٢٤
وعليكم السلام ورحمة الله وبركاته. أنا آسفة إنك بتمر بحالة صعبة زي دي، وهذا الشيء مو سهل تمامًا. أول حاجة، حابة أقلك إنه كلنا بنمر بمراحل صعبة في حياتنا، وأنت ما لوحدك، ولازم تعرفي إن شعورك مهم وتستحقين الدعم. يمكن تكوني حسيتِ بضغط كبير من داخل البيت، وهذا أثر على دراستك. أهم شيء في الوقت الحالي هو تركزين على نفسك واحتياجاتك. ممكن تبدأين بالتفكير في الأشياء اللي تحبينها. عشان تلاقي هدف، ممكن تفكرين في: الاهتمامات : شو الحاجات اللي كنت تحبيها قبل أو شو الأنشطة اللي تحبينها، سواء رياضة، فن، كتابة، إلخ. المهارات : إذا عندك مهارات معينة، حتى لو بسيطة، حاولي تشتغلي عليها. ممكن تتعلمي حاجة جديدة، وكمان ممكن تحددي أهداف صغيرة عشان تحسّي بإنجاز. التطوع أو العمل : انضمي لفرصة تطوع أو شغف تطوعي، هادا ممكن يساعدك تخوضي تجارب جديدة وتعرفي نفسك أكتر. التحدث : لو تقدري تتحدثي مع أخصائي نفسي أو مرشد، هادا ممكن يساعدك كثير. في بعض الأوقات، الحديث مع شخص محترف يفتح لك أبواب جديدة. وحاولي تبتعدي عن التأثير السلبي من أهلِك، وركزي على نفسك. أنت فوق كل شيء مهمة وواجب عليك تعتني بنفسك. الحياة مليانة فرص، وأنت قدها!
تم النشر الأربعاء، ٧ أغسطس ٢٠٢٤
الثانوى مش آخر الرحلة ممكن تكون هى البدايه مهما كام مجموعك طالما عملتى إلى عليكى وذكرتى ومأثرتيش فحاجه خلاص الناس الى حواليكى شافو النتيجة لكن مشفوش كواليس السنه من سهر ومذاكرة وضغط نفسى وخليكى دايما عارفة إلى يختارة ربنا ليكى هو الخير حتى لو خارج رغبتك ربنا مش بيعمل حاجة وحشة وطالما تعبتى ربنا مش هايضيع تعبك بس هو اختار يأخر مكفاتك حولى تطورى فى البرمجة واللغه الكليات مش بتعملنا قمه احنا إلى بنصنع القمة ربنا يوفقك والف مبروك على النجاح
تم النشر الأربعاء، ٧ أغسطس ٢٠٢٤
حاولي تهدي وادعي ربنا يهدي الاوضاع ويهديهم والباقي كله فايدك انتي اوعي تستسلمي حاولي تتجاهلي كلامهم مش الكل المجاميع حلوه واهدي انتي شاطره متخلنيش خد يأثر عليكي آنتي كبرتي ركذي فحياتك ودراستك ولو اتكلموا مترديش وحطي هدف قدامك انك تكملي بنجاح أكيد ربنا ليه هدف فده وأكيد كاتبلك كليه معينه هتدخليها اهدي واختاري براحه وشوفي انتي مرتاحه لأيه وأكيد ربنا هيعوضك فحاجه تانيه بس متستسلميش ❤️
تم النشر الأربعاء، ٧ أغسطس ٢٠٢٤
النصيحة دى لوجه الله تعالى من شخص إتخرج من الثانوية العامة 2017 يعنى من 7 سنين ولحد النهاردة بيتبصلى فى البيت ومن أهل بلدى على إنى مجرد رقم وهو رقم نتيجتى فى الثانوية العامة وللأسف ملقيتش اللى ينصحنى ومفهمتش قد إية الناس اللى هما أهلى وغيرهم ضللونى ب جهل منهم وإنهم قالول. انها نهاية الحياة تكون او لا تكون وفعلا مهما احكى عن ازمات وضغط نفسى فى احسن سنين عمرى وتاثير ده على صحتى البدنية والنفسية مش ممكن ل درجة انى من بعد ماكنت رياضى ومتدين وصحتى حلوة احسن من اغلب زمايلى تعبت جدا بسبب الجهل والضغط النفسى اللى عيشته لدرجة ان جالى السكر ماشى دلوقتي فى ال 26 وتحت عينى اسود من بعد ماكان وشى منور النصيحة اللى هقولهالك ماتعتدمش كلامهم وسامح جهلهم انت لقيت اللى ينصحك اشتغل على نفسك فى اللغه واتعلم مجال مطلوب وصدقنى أقسم بالله حياتك ختبقى احسن من زمايلك اللى دخلو كليات بتتسمى قمه مش قصدى اقلل منهم هما ناس مجتهده ومجهودهم يخترم لكن بعد ماتخرجت اشتغلت الحمد لله دلوقتي فى شركات اجنبية وبدأت اشم نفسى شويه وكل سنه بعد كل السنين دى فى موسم النتيجة ده بيحصلى خنقه وافتكر التضليل اللى اتعرضتله . انا دايما كنت راضى بس لما تعيش حياة انت مش متقدر فيها بسبب حاجة ملكش دخل بيها ده بيبقا ظلم وجهل وانا عن نفسى مسامح فى حق نفسى بس اتمنى محدش يمر باللى نريت بيه لانها فعلا سنه زى اى سنه وانت اعمل اللى عليك دايما وسيب ربنا يختارلك لان عمرك ماهتختار لنفسك احسن من اللى ربنا هيخترهولك
تم النشر الأربعاء، ٧ أغسطس ٢٠٢٤
بصى انا برضو ادك و الحمد لله يعنى جبت مجموع كويس بس للاسف مش هلحق الكليه إلى عايزاه على واحد ولا اتنين فى الميه عايزه اقولك أن ربنا لى حكمه فى كدا انتى مش عارفه ربنا كاتبلك الخير فين إلى جابوا فى التسعينات دول والى مزاكرش ودخل كليه ميستحقهاش ربنا مش هيوفقه فى حياته حتى لو عده فى الكليه ربنا مش هيوفقه فى حياته العمليه عارفه انك مضغوطه و إننا اتظلمنا بس يا بخت من كان درجاته حلال أن شاء الله ربنا يوفق كل من اتقى الله و حل بمجهوده وخلى عندك يقين بالله أن الخير فى إلى هتدخليه أن شاء الله أيا كان اى هى الكليه واهم حاجه دلوقتي ملكيش دعوه بكلام الأهل ولا الناس بصى قدام احنا قدها وان شاء الله ندخل الكليه ونجتهد فيها ونصلى وندعى أن ربنا يجبر بخاطرنا فى إلى جاى 🌸
تم النشر الأربعاء، ٧ أغسطس ٢٠٢٤
السللم عليكم ورحمة الله وبركاته لوم الأهل شئ صعب خصوصًا لو في فترة ضعف زي كدا من حقك تتعبي وتتألمي م حاجه ز كدا بس لو سيبتيها توصل لأخر نفسيتك تبقي آه غلطانه ف حق نفسك عافري عافري لحد ما الفترة دي تخلص تأكدي ان ربنا هيراضيكِ يا حبيبتي دي حاجه باقي الماسج غلط بقا تعرفي ياما بيبقوا شاطرين وهما صغيرين والآيه تتقلب ف الكبر متوقع ااه ان ييجي يوم نتعب فيه تجد ظروف فمتكونش في مصلحتنا والظروف سيدة الحكم في الحاجات دي كونك لسه عديمه الخبرة مع انك في الكلمه دي جايه ع نفسك بزياده لانه أكيد انتِ شاطرة ف حاجات كتير والظرف الحالي مخليكِ م شايفاها ز اللي بيتعامي ع رؤية النعم اللي ربنا رزقهاله لما يجييله دور برد! عاوزة اقولك فيه ناس مش بتكون خبرة الا بعد التخرج وبتبقى هى الخبرة الحقيقيه في المجال اللي اخترته وف قصتك اللي بتكتبيها تقدري تسيبي القلم عن الكتابه تاخدي بريك الفترة دي انما لازم تعرفي انك هترجعيله بعدين لان صدقيني لسه مخلصتيش وفيه امور كتيرة تاني هتجد عليكِ والثانويه والمجاميع احنا اللي عملناها بعبع انما عي م فيصل في حياتنا بلاش تفقدي كل شغفك وحبك للحياه بسبب ظروف هيجد عليكِ غيرها بعدين وم هتأدي نفس الآداء لأنك هتكوني اتعلمتي وعرفتي انك غلطتي ف حق نفسك بسبب نظرة الناس والأهل وخصوصًا انك بتقولي م متعلمين التمسيلهم العذر وكملي وابدعي ووريعم نتايج تانيه متزعليش م هتعطل ع دي ده كفايه خبرة الحياه وحدها تخليكِ جبل متبصيش لحد م صحابك ولا لمجاميع غير ربنا بيقسم الرزق ولا يكلف الله نفسًا الا وُسعها ربنا عارف انك هتجاهدي وهيرزقك اليسر بإذن الله ع كدا كلفك بالمهمه دي والحياه تجارب خليكِ شاطرة واتعلمي م تجربتك م غير م تألمي نفسك استني تنسيقك بكل هدوء قدمي في الكليه اللي هترتحيلها بعد تعرفي معلومات عنها وهناك اجتهدي ويمكن ربنا يرزقك ظروف غير تيسرلك طريقك بالتوفيق ومتزعليش أبدًا
تم النشر الأربعاء، ٧ أغسطس ٢٠٢٤
كله بيعدي ومع الوقت هتلاقي ربنا يسسرلك حياتك ويسسرلك كليتك وكله هيبقي كويس انا مريت بنفس التجربه السنه اللي فاتت والحمد لله دلوقتي في احسن مكان ليا
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا