انا عندي مشكله في التواصل مع الناس
communication
عندي مش احسن حاجه ازاي أطور من نفسي
اولا: ثقه بالنفس ...كلمة السر وهى اول خطوة فى تعزيز مهارة التواصل ثانيا : التقبل اننا نعود نفسنا نكون زى الاسفنج فينا مرونه تتحمل كل اللى هنتلقاه ...مش دايما المردود من الناس هيكون زى توقعاتنا فلازم نقدر نقبل كل الاحتمالات. ثالثا: التجربة والمتابعة مش فجأة هبقي بعمل تواصل حلو كل تجربة وموقف هعدى بيهم هتابع نفسي حصل ايه وكان حلو وايه ممكن يكون احسن....فالموقف اللى بعده يكون تصرفى فيه احسن. رابعا: التعبير عن النفس التواصل افضل شىء فيه انى اكون مبادر واعرف اعبر عن نفسي...مش بس انا عاوز ارد واكون رد فعل. ركزى على النقط دى وان شاءالله يكون تواصلك افضل بالوقت زائد ان فى كورسات تساعدك على بعض النصايح فى التواصل فى مختلف المجالات
تم النشر الجمعة، ٢٣ ديسمبر ٢٠٢٢
ديه مش مشكلتك انتي لوحدك! ديه مشكلة عند ناس كتير ولكن لو هنتكلم بشكل عام في الموضوع ده. ف احتكي كتير جدا بالناس اشتركي في أي نشاط اجتماعي أو تطوعي .. ده هيساعدك كتير جدا وهتكتثبي مهارات كتير طبعا واهمهم مهارة التواصل. نمي نفسك اكتر، ونمي معلوماتك .. كل ما يكون عندك معلومات اكتر في حاجات كتير هتزيد ثقتك بنفسك وهتتكلمي اكتر مع الناس ومع فئات كتير. متحاوليش تبقى لوحدك كتير .. انخرطي مع الناس، وحتى في البيت .. اقعدي معاهم كتير . واعملي أنشطة وشاركي معاهم. متضايقيش لو فشلتي في حاجه من دول، أو لو مكانتش البداية قوية لو عايزة ده، متيأسيش، التغيير مش بيجي مرة واحدة .. خلي نفسك طويل علشان تنجحي لازم تفشلي . بتمنى ليكي التوفيق
تم النشر الجمعة، ٢٣ ديسمبر ٢٠٢٢
ثقي تماماً أن مفيش حد يزيد عنك ف حاجه وأن البشريه كلها واحد وتعاملي وتأقلمي
تم النشر الجمعة، ٢٣ ديسمبر ٢٠٢٢
لعرض السؤال في فدني اضغط هنا