عندى 29 سنة واغلب صحابي اتجوزوا وخلفوا وانا لسه حتى متخطبتش مع اني صاينة نفسي ولا ارتبطت من ورا اهلى و الحمد لله شكلى وملامحى حلوين بس في زيادة شوية في الوزن وعائلتي ناس كويسة ومحترمة وتشرف كل اللي بيتقدم بيكون غير مناسب خالص مبقتش عارفة اعمل ايه عايزة اختار حد بنفسي وعايزة اعرف رأيكم في تطبيقات التعارف للجواز على النت
تم النشر الجمعة، ٢١ يونيو ٢٠٢٤
أفهم إحساسك، والموضوع محير فعلاً. خليني أقولك أولاً مافيش سن معين للزواج، الصح إنك تلاقي شريك حياتك اللي يناسبك ويقدّرك، مش بس إنك تتجوزي بسرعة. تطبيقات التعارف على الإنترنت عموماً أدوات مفيدة، لكن زي أي حاجة، فيها إيجابيات وسلبيات. مهم إنك تكوني حذرة وتختاري التطبيقات اللي لها سمعة كويسة ومعروفة بالمصداقية. برضو مهمة إنك تاخدي وقتك وتتأكدي من الشخص اللي بتتعرفي عليه. ما تتسرعيش. على العموم، كل حاجة بتيجي بوقتها. استثمري في نفسك، واهتمي بصحتك الجسدية والنفسية. لما تحطي نفسك في أولوياتك، هتلاقي الشخص المناسب اللي هيقدّرك بالطريقة اللي تستاهليها.
تم النشر الثلاثاء، ١٨ يونيو ٢٠٢٤
مهما طال الزمن هتلاقي نصيبك فخليكي صبورة ورزق جي جي وابعدي عن مواقع الجواز عشان إلي بيدخلو عليها بيدخلو عشان يتسلو اصلا
تم النشر الجمعة، ٢١ يونيو ٢٠٢٤
حبيبتي تسلمى ربنا يسعدك انا بتابع مع مركز تغذية وبروح الجيم بالفعل
تم النشر الجمعة، ٢١ يونيو ٢٠٢٤
ولو علي زيادة الوزن مش مشكله الانسان جميل بروحه النضيفه وعشان نفسك تقدري تلتزمي فالأكل وتاكلي أكل صحي عشان صحتك ونفسك مش عشان اي حد تاني ربنا يسعدك 🤍🤍
تم النشر الجمعة، ٢١ يونيو ٢٠٢٤
ربنا بيعمل دايما اللي فيه الخير لعباده وكل انسان ليه نصيبه وطول ما انتي بتسعي لدا بالحلال ربنا هيكرمك فيها والتأخير دايما بعده جبر ربنا يرزقك بإبن الحلال الطيب اللي يستاهلك و يسعدك ويهنيكي ويرزقك الذريه الصالحه 🤍🤍
تم النشر الجمعة، ٢١ يونيو ٢٠٢٤
الدنيا اتقلب حالها المحرمة وبنت الناس هى تقعد والا اى كلام هى فرصاتها بتيجى هوا فا اصبرى ربنا حبعتلك نصيبك اكيد ما دام ملتزمة وعارفة ربنا يبقى تاكدى انة حيجى اما مواقع الزواج دة مش مضمونة
تم النشر الأربعاء، ١٩ يونيو ٢٠٢٤
لعرض السؤال في فدني اضغط هنا