ممكن اذاكر لمدة ساعتين بس واحس تركيزي قل وأشعر بالنعاس مع العلم اني انام من ٨ إلى ٩ ساعات ومش بسهر اللي عنده حل يفدني ):
لو مفيش معاكي اي مشاكل صحيه او بتاخدي ادويه ليها اثر جانبي... ف انتي نامي عادي ٨ او ٩ ساعات وذاكري ساعتين زي منتي وقومي افصلي العبي رياضه او اتمشي ف البيت واعملي حاجه تاكليها او تشربيها وارجعس ذاكري تاني وغيري مكان مذاكرتك عن مكان النوم وخليها ف مكان تهويته جيده وبيدخله شمس كتير وبعيد عن الضوضاء وممكن تنامي ساعه نص اليوم وتقومي تكملي عادي الاهم كمان انك اول متلاقي تركيزك قل ذاكري بصوت عالي وحاولي تشرحي لحد قدامك الجزء الي بتذاكريه عشان تركزي اكتر ف محاوله ايصال المعلومه وطبعا اكلك الصحي وتعرضك للشمس يوميا مفيد جدا ف نشاطك وتركيزك
تم النشر السبت، ١٨ فبراير ٢٠٢٣
خليكى فى وضع مستقيم اثناء المذاكرة وبعيدا عن الجلسات المريحة اوى ...زى السرير والكنبة وبلاش الدفا الزيادة ....كل دى حاجات بتؤدى لوضع مريح بيؤدى للشكل ده من قلة التركيز . بردوا فكرة المذاكرة ساعتين مش قليلة ....ممكن بعد كل ساعتين نقوم نتحرك اى حركة او نغير مكاننا ...ونرجع نذاكر ساعتين تانيين .
تم النشر السبت، ١٨ فبراير ٢٠٢٣
ممكن نص ساعه أبرك من ساعتين إزاي ! *الاسلوب ال بتذاكري بيه إعملي دايما ملخصات وخرايط والوان تشجعك وتبهجك هيئي المكان من حواليكي وابعدي عن كل المشتتات كل ساعه افصلي ربع ساعه حركه وقرآن وتسبيح نوعي ف الراحه حسيتي بكسل قومي فوقتها أكلمي مع حد أو انزلي السلم مرتين تلاته واغسلي وشك وارجعي كملي مش مطلوب منك لو في دروس غير ٤ ساعات تركيز مذاكره ولو مفيش دروس يبقي ٨ حاولي تتبعي أسلوب الامتحانات كتير هيحفزك لما تعملي جدول أول اليوم واخر اليوم تنجزيه إحساس الانجاز هيعلي إرادتك جدا ولازم تكافئي نفسك **وارجعي بردو لاجابات اسئله كتير شبيهه هتفيدك
تم النشر السبت، ١٨ فبراير ٢٠٢٣
ممكن تاخدي اوميجا ٣ تعينك علي التركيز و بلاش ساعتين علي بعض قللي شويه يعني ساعه الا ربع و قومي ربع ساعه افصلي و عليكي بالدعاء ادعي ربنا كتير انه يزيد من تركيزك .. عادي علفكرا... كان السلف الصالح بيسألوا ربنا ف كل شئ حتي في علف الدواب 😌
تم النشر السبت، ١٨ فبراير ٢٠٢٣
غالبا لو معندكش برد و لو صحيا تمام فده راجع لان الطريقة اللي بتذاكر بيها مملة او ممكن يكون فيها ضغط كتير و ده بسبب انك دماغك مشغولة بكتر تفكير لازم تصفي ذهنك ، مفيش مانع تفصل كل نص ساعة او ساعة و تروح تعمل حاجه تتشرب او تتاكل او حتي تخرج في البلكونة تفصل شوية و ترجع تكمل ، لازم تقلل شوية من الإجهاد العقلي في مواضيع تانية فرعية و تحاول تحل المشاكل اللي مضايقاك او مأثرة عليك او تتجنب التفكير فيها .. المذاكرة بالكيفية اللي بتذاكر بيها مش بالكمية يعني بالطريقة هل بتجيب نتيجة ولا محتاجة تتغير مش بعدد الساعات اللي بتقضيها قاعد بتحفظ و تحشر في عقلك معلومات بالعافية .. الحفظ اللي نابع من الفهم بيكون اقوي من الحفظ من اجب الحفظ .
تم النشر السبت، ١٨ فبراير ٢٠٢٣
غير أني محتاجة أكثف مذاكرتي وأصحى بدري لأني في تالتة ثانوي أفيدوني🙂
تم النشر السبت، ١٨ فبراير ٢٠٢٣
لعرض السؤال في فدني اضغط هنا