السلام عليكم ورحمه الله وبركاته طيب اولا سن سبع سنين ده صغير ان هو يعني يبقى مندمج كده مع الفيديو جيمس اه طبعا الموضوع مش غلطه وحل الموضوع مش ان احنا نقول له لا ما تتفرجش فهو كده هيسمع الكلام يعني خلاص هو اندمج مع اللعبه دي ولقى ان في اللعبه دي بالنسبه له ونس اللعبه دي بتونسه لان زي ما انت بتقولي كل واحد مشغول يعني طبعا ده مش عذر ما ينفعش انه يكون في طفل عندنا في البيت او ايا كان عمره الفرد اللي موجود في البيت ده وان احنا نقول ان احنا مشغولين عنه فسبناه لاي حاجه انها تجي لان لو بصيتي لنفسك او لاختك الثانيه اممم حتى لو انتم في اموركم بقيتوا عارفين بتديروها ازاي لكن ده مش معناه ان انتوا تقدروا تكونوا لوحدكم وتديروا اموركم لوحدكم. فحاليا. هيكون ضروري جدا ان احنا نبدا نرجع الصح ولكن بالتدريج يعني هنقول له تمام مفيش مشكله العب اللعبه ويفضل على نفس اللي هو بيعمله لكن هنطلب منه ان هو يلعبها ولكن لحد الساعه كذا يعني بعد الساعه مثلا 8 مش هينفع تلعب اللعبه دي خلاص وهنبدا نمشي الموضوع بالتدريج طيب بعد ثمانيه هيعمل ايه بعد 8 بقى ضروري احنا نكون عاملين لنفسنا كده كلنا زي جدول حد يقعد معاه ويهتم بيه ها بتعمل ايه تعال نقرا قصه مع بعض تعالى نقرا الكتاب تعال كده نشوف فيديوهات برده بس الفيديوهات دي تكون فيها حاجه تعليميه او يكون فيها استفاده ضروري جدا ان احنا نعمل ده علشان نبدا نرجع الحياه للتوازن المضبوط بتاعها ولو العيله كلها دايما مشغوله كل واحد في حاله فده برده مش صح ضروري العيله كلها يكون في عندها اوقات. بتتجمع فيها بيعيشوا فيها الاجتماعيات لانه سواء انت او اختك او اخوك لو افتقدته الاجتماعيات جوه العيله كل واحد هيبقى بيدور على الحته دي بره وممكن تتملي غلط زي ما حصل مع اخوكي ان هي دلوقتي اتمللت غلط لعبه يعني ده رايي واتمنى اكون افدتك.
لعرض الإجابة في فدني اضغط هنا