الامر اكيد مزعج ومؤسف للغاية . ولكن هو برة حدود سيطرتك او قرارك الاب والام ناس كبيرة ومسؤولين عن تصرفاتهم ... وطريقة تنبيه الام زي ما شوفتي مش بيفيد ، بالعكس بيضر ، وبيبوظ علاقتكم بامكم الاصح هو توجيه مامتك لاهتمامها بنفسها اكتر .. بنفسيتها وشكلها وصحتها ، يكون ليها علاقات تانية مع قرايبها وصلة ارحامها واصحابها التانيين .. لان دا مهم جدا لنفسها ، عشان يوم ما تعرف بحقيقة علاقة باباكم بصديقتها ، هتبقى محتاجة تكون قادرة نفسيا تسند نفسها من الصدمة اللى هتتصدمها في زوجها وصديقتها. اهتمي بتقوية العلاقة بينك وبين مامتك ، ولو ينفع تلمحي لباباكي انكم عارفين اللي بينه وبين صديقة مامتك .. فينتبه ويبعد عنها .. والله اعلم ، يمكن باباكي يكون متزوجها ، وبالتالي هو معملش حاجة حرام ، وتدخلك في الموضوع ، او ان مامتك تعرف دا ( ولا دا مسؤوليتك ولا دورك ) ممكن يبوظ الحياة بين باباكي ومامتك ويخرب البيت وتتحرمو من الهدوء فيه. طالما بابا وماما حياتهم مع بعض مستقرة .. يبقى متدخليش بينهم ... لان في امور كتير هي اكبر من فهمك وتصورك ، وبرة حدود تصرفك وتدخلك فيها هيخرب الدنيا وهتبوظ حياتكم، والاصح انك تحافظي على ان علاقتك بباباكي تكون كويسة ، وعلاقتك مع مامتك تكون كويسة ، بحب ورعاية وحافظي على احترامك ليهم هما الاتنين. وهما ككبار مسؤولين عن حياتهم مع بعض ، وانتي ليكي ان الاتنين يكونو بيعاملوكي انت واخواتك معاملة طيبة وبابا غير مقصر تجاهكم في حاجة وادعي لبابا وماما ربنا يؤلف ما بينهم ويكفيهم كل شر من نفسوهم ومن الناس، ويرزقكم بيت مليان بالسكينة والرحمة والمودة.
لعرض الإجابة في فدني اضغط هنا