انا متزوجة منذ سنة تقريبا وزوجي من وقت ما تزوجته لا اسمع اي كلام جميل منه دايما يسكت لو انا متكلمتش ما يتكلمش ولو غلطت اي غلطة بسيطة يتمني ويزعقلي ويقولي انه غلطان انه اتجوزني وانه يستاهل احسن مني بكتير وانه حاجة كبيرة ويهددني بالطلاق وطلقني مرتين قالي انتي طالق علشان حاجات متستهلش ودايما يتعصب عليا ويكثر في وشي مع انه مع زمايل العمل غير ذلك ومش بيبصلي نهائي دايما ينظر في مكان آخر وهو يتحدث معي حتي العلاقة الحميمة عمر ما بادر هو دايما انا اللي بطلب ولو مطلبتش ميطلبهاش انا حاسة اني ولا حاجة ولا حاسة اني ست افقدني انوثتي وثقتي بنفسي ودايما يتمني ويقولي روحي في داهية ويخليني انام علي الكنبة ويشتمني بأهلي وانا الخطإ الوحيد اللي أفعله اني اقوله اني مش مرتاحة وحاسة انه يعرف حد تاني غيري لان تصرفاته معايا بتدل علي كده افيدوني ماذا افعل
الراجل دائما بينظر للشكل فلو انتى ما بتهتميش بنفسك فده هيخليه يبص بره
تم النشر الجمعة، ١٧ نوفمبر ٢٠٢٣
من وصفك للمشكلة ولتعليقاتك واضح ان بعد الجواز هو محسش برجولته بشكل كافى انتى بتتعاملى معاه انه مش احسن حد ف الدنيا والحته دى ما بيحسها الراجل بيتجننه وبيفقد رغبته فى التقرب من الست الشك ده بقى قصة لوحده : ولا عمر حياة هتكون مريحة بدون ثقه طالما مفيش اى دليل يبقى متتكلميش فى اى حاجة شاكه فيها .. واستوعبى زوجك شوية وبلاش اى تلميحات فى داخلها شكوك. اى تعامل منه فيه نوع من الاهانه طبعا لازم ترفضية بكل السبل ..وتكلمى الكبار فى ده عشان يتحط لده حدود
تم النشر الخميس، ١٦ نوفمبر ٢٠٢٣
حضرتك في موقف انتي شايفة فيه ان المشكلة مش عندك انتي، فبالتالي التغيير المطلوب لتحسين الوضع مش هيكون عندك انتي، لانه لازم هو الي يتغير بالصورة الي حضرتك عاوزاها. فالحل حضرتك ترسمي مشهدين وتختاري الأنسب ليكي ما بينهم انك تطالبي بحقوقك وبالحياة الي انتي شايفاها مناسبة، وتتخيلي هذا المشهد وعواقبه ونتائجه انك تأقلمي حياتك على هذا الوضع وتتعايشي مع الواقع فالحل عند حضرتك مش عند حد تاني، في مشهدين وحياتين حضرتك فكري فيهم واختاري الانسب الي هتحسي فيه بالراحة
تم النشر الخميس، ١٦ نوفمبر ٢٠٢٣
حضرتك عندكو اولاد؟ انتي بتشتغلي؟
تم النشر الخميس، ١٦ نوفمبر ٢٠٢٣
يعني هو كان دايماً كده ؟ ولا الفترة الي انتي شاكة فيها انه بيكلم واحدة تانية بقا كدا ؟
تم النشر الخميس، ١٦ نوفمبر ٢٠٢٣
مع كل المشاكل المكتوبة دي آخر حاجة تفكري فيها هل هو على علاقة مع حد تاني أو لا. - هل انتو قرايب او جواز صالونات؟ - ايه المستوى التعليمي ليكو؟ - هل المستوى المادي بينكم متقارب؟ - فترة الخطوبة كانت ازاي؟
تم النشر الخميس، ١٦ نوفمبر ٢٠٢٣
شكر لك
تم النشر الخميس، ١٦ نوفمبر ٢٠٢٣
حضرتك اقرا الباقي
تم النشر الجمعة، ١ ديسمبر ٢٠٢٣
وايه هي الحاجات اللي تعرفني انه علي علاقة بحد تاني يمكن اللي انا بفكر فيه غلط
تم النشر الجمعة، ١٧ نوفمبر ٢٠٢٣
حضرتك هو متغير يعني ساعات يبقي فرحان من غير سبب ويكون راجع من الشغل وأيام يجي يزعق من غير سبب ده ايه افهم وكمان موضوع الخيانة ده مش خيانة جسدية علشان مظلمهوش هو باله مشغول بحد دايما حتي لما بكلمه مش بياخد باله من كلامي
تم النشر الجمعة، ١٧ نوفمبر ٢٠٢٣
حاولي ياحبيبتي تقعدي معااه ومثلا قوليله هو انت لي بتتعامل معايا كدا او ليه مش بتحب تحكي معايا او مثلا اي الحاجه اللي عيزني اغيرها فيا وكدا وممكن تحلو مشاكلكم دب ب النقااش والله ياحبيبتي ولدي وولدتي كانو كدا بس مع الوقت بقوا معندهمومش اغلي من بعض مفيش بيت خالي من المشااكل والله ف انتي متزعليش نفسك وحاولي تتعاملي معاه بكل حب ولو برضو فضلت معملتو معاكي زي ماهيا متدايقيش نفسك ولا تحطي ف دماغك اي حاجه وصلي ادعي لربنا انه يهديه ليكي صلي قيام الليل وادعي ربنا بكل اللي ف قلبك وان شاءلله ربنا عمره ماهيردك مخزوله او مكسوره ابداا بس نصيحه مني عليكي بقيام الليل والله هتشوفي الفرح والسعاده ف حياتك لو صليتي القيام كل ليله وربنا يفرحك ويسعدك ويهديه ليكي يارب ياحبيبتي ويبعد عنك كل الشرر ❤
تم النشر الجمعة، ١٧ نوفمبر ٢٠٢٣
ايا كان قرارك، متخلفيش الااا اما يتغير وعلاقتكم تتحسن. انتو اول سنه وواقفين ع طلقه، فالانفصال لا قدر الله بدون أطفال افضل من وجودهم، وربنا ما يجيب انفصال ان شاء الله وتكملو حياتكم بسعاده وشيلي من دماغك فكره الخيانه دي ومتتكلميش ولا حتى تلمحيله بشكك طالما مفيش معاكي ادله ماديه تواجهي بيها، واظن انها الخيانه دي وهم ونسج شيطاني، لانه صدقيني لو كان بيخونك كنتي هتعرفي.
تم النشر الجمعة، ١٧ نوفمبر ٢٠٢٣
واضح جدا أن مشاعرة مشغولة بطرف اخر انت بتحبيه لكن هو تغير عشان كده مش قادر ينظر اليكى لان عيونة هاتظهر مابداخلة من تغير فى الاحساس والقول وخاصة أنه بعيد عنك وانتى الساعية لو عندك القدرة على التحمل تحملى حفاظا على البيت حاولى االتزام الهدوء والصمت ولا تطلبى منه العلاقة كااختبار لكى تعرفى تواجهه أنه تغير معك واكيد مشغول بأمر ما وبعد ذلك القرار لكى بعد كلامة من معرفة أسباب التغير لعلك ظلماه ربنا يفعل الصالح والخير لكى بأمر الله
تم النشر الخميس، ١٦ نوفمبر ٢٠٢٣
انتظرى حد م الخبراء وهما هيفيدوكى بطريقه افضل منى وان شاء الله ربنا يصلحلك الحال.
تم النشر الخميس، ١٦ نوفمبر ٢٠٢٣
عايزني اثق فيه وهو تصرفاته غريبه ومثيرة للشك
تم النشر الخميس، ١٦ نوفمبر ٢٠٢٣
اتكلمت معاه كتير وهو كل اللي تاعبه اني بفكر انه علي علاقة بحد تاني غيري لان تصرفاته بتقوى كده
تم النشر الخميس، ١٦ نوفمبر ٢٠٢٣
معلش بس علاقتكوا كدا ومدتها سنه بس !! بصى حاولى لاخر مره انك تتكلمى معاه وتفهموا بعض وتعرفى اى المشكله اللى هو مضايق منك فيها ع عامل كدا حاولوا تفهموا بعض، وتشوفى هو عايز اى وناوى يتغير ويكون كويس معاكى وم بيته ولا لا، وانتى فكرى م نفسك كويس وتشوفى نفسك وراحتك عايزه اى شوفى هو يستاهل انك تستحملى كل دا عشانه، وانه يستاهل انك تكملى معاه ع الوضع دا، ادى لنفسك فرصه اخيره لو متغيرش وانقذ العلاقه دى يبقى اختارى نفسك وراحتك ع اللى زى كدا ميستهلش انك تستمرى وتضحى بحياتك عشانه.. دا من وجهة نظرى .
تم النشر الخميس، ١٦ نوفمبر ٢٠٢٣
لعرض السؤال في فدني اضغط هنا