لو سمحت هو انا لو بحب شخص بقالي اربع سنين بس هو مش بيكلمني وعاوز يبقي في حاجه رسمي ع طول لما يبقي قادر وجاهز ونا قعدت اربع سنين بحبو وبدعي ربنا يجعله من نصيبي وجت فتره ضعفت فيها وكلمت شخص تاني بس الشخص دا احنا اخوات وممكن يحبني ويتقدملي وممكن نفضل اخوات او نبعد اصلا بس انا لسه بحب الشخص ال بحبو بقالي اربع سنين ومتعلقه قوي وبدعي ليل نهار ربنا يجعلو من نصيبي هل كدا ربنا مش هيستجيب دعوتي بسبب اني كلمت شخص تاني وعملت كدا ولا اعمل اي عشان اغفر حاجه زي كدا وربنا يجعلو من نصيبي
انتي زي أختنا الصغيرة شوفي: 1- لا يجوز أساسًا يكون فيه كلام بينك وبين راجل، الأول قالك هاجي أتقدملك لما أكون جاهز. خلاص كده كلامكم يخلص متكلميهوش تاني لأنه محرم وعلشان متقلليش من كرامتك. 2- لو اتقدملك في الفترة دي حد وهو مناسب وافقي عليه لأنك مش عارفة التاني هيصدق في كلامه ولا لأ! وهل هيقدر يكون جاهز في الوقت المناسب ولا هيقعد كتير على ما يكون جاهز! 3- أه عادي إن ربنا لا يقبل دعاءك خاصتًا لو الشخص الأول ده مؤدب ومتدين ومحترم، قد ربنا يبعدك عنه للسبب ده أو لسبب آخر. الذنوب عمومًا ممكن تتسبب إن دعاء الواحد لا يستجاب حتى في أوقات الإستجابة. 4- خليكي مع نفسك بلاش تكلمي ولاد، النهاية دايمًا بتبقى معروفة النهاية وهتبقى نهاية سوداء لأننا مشينا في طريقك ده وندمانين وبنضرب نفسنا 100 جزمة على الماضي. 5- اعرفي إن كلامك مع أي ولد هو خيانة لثقة أهلك، وبتظهري للي بتكلمية إن والدك لم يحسن التربية وإنه شخص لا يتحكم في أهل بيته كما ينبغي! كلامي جاف بس والله احنا خايفين عليكي ومحدش هيصارحك بده لكنه حقيقي، انتي فاكرة إن الولاد لو حصل مشكلة بينك وبينهم مش هيجيبوا سيرة والدك إنك بتكلمي ولاد وإنه معرفش يربي!! الحاج أكيد ربّاكي لكن انتي بتظهري والدك بالشكل السيء ده قدام الناس. وهقول تاني أنا مش بشتم والله -احنا مش أهل سوء- لكن أنا بقولك اللي بيحصل وبيدور وسط الناس.
تم النشر الأحد، ١٦ أبريل ٢٠٢٣
اتركي الأمر كما قدره الله أن يكون. على حد علمي بالدين، مفيش قدر الا وهو خير لينا مهما كانت صعوبة القدر ده علينا لأن كله بيد الله.. ويبقى دورنا في إطار الأخذ بالأسباب، اعتقد انك بصلواتك ودعواتك "عملتي جزء من اللي عليكي" .. الجزء التاني في حالة ان فيه تواصل مع الشخص ده، وهو أنكم تعيدوا اتفاقتكم بمعنى تسهيل الأمر ( الزواج ) قدر المستطاع ما بينكم وما بين الأهل.. أما في حالة ان الشخص ده ذاته لا يملك الرغبه في أنه يدخل في علاقه معاكي أو يرتبط بشخصك .. فهنا الأمر مختلف تماماً، وهو أنك تنسحبي بهدوء وتبعدي تماما عن العلاقه بيه، وتركزي على نفسك. *نصيحه/ -بلاش العلاقات العابرة خاصة ليكي كبنت لأن مشاعرك رصيد عاطفي مهم جداً في حياتك فحافظي عليه.. -عززي ثقتك بنفسك، وفكري في أمورك بعقلانيه اكتر. . اتمنالك التوفيق 🙂
تم النشر الأحد، ١٦ أبريل ٢٠٢٣
الشخص اللي قالك انه مش عايز يكلمك غير لما يبقى جاهز، هو كتصرف، تصرف محترم ... ولكن انتي بتكلمي الشخص التاني ده ع سبيل الاخوات ازاي؟ وفي نفس الوقت هو ممكن يجي يتقدم؟ اكيد لازم تقطعي كلام .. وتنهي الموضوع ده فورا .
تم النشر الأحد، ١٦ أبريل ٢٠٢٣
أولاً، دائماً علينا أن نتذكر أن ربنا هو الذي يحدد لنا طريقنا ويجعل الأشياء حسب رضاه وخطة له لكل واحد منا. ولكن في الوقت نفسه يجب علينا أن نفهم أن اتخاذ الخيارات الصحيحة في حياتنا هي من مسؤوليتنا. بالنسبة لحالتك، فمن الصعب اتخاذ القرار الصحيح بين الشخص الذي تحبه والشخص الذي تحدثت إليه. ومع ذلك، فالأمر المهم هو أن تتابعي بالدعاء والصلاة لربك وصبرك على ما سيحدث في المستقبل. جربي أن تتحدثي مع الشخص الذي تحبيه وتعبري له بالصراحة عن مشاعرك واهتماماتك. قد يكون عليكِ أن تسأليه ما الذي يشغله في الحياة وقد يساعد هذا على فهم انتظاراته وعليكِ أن تعبري أيضاً عن انتظاراتك. أخيراً، حافظي دائماً على الإيمان بربك وحد، واعتمدي عليه في كل خطوة تخطويها في الحياة. عندما تتابعين في الدعاء سوف تشعرين بالطمأنينة والسلام الداخلي، وستكون النتائج تأتي بما يتماشى مع معطيات هذه الدعاء وخطة ربك الرحيم.
تم النشر الأحد، ١٦ أبريل ٢٠٢٣
لعرض السؤال في فدني اضغط هنا