الأحداث اللي مريت بيها في الطفولة من أذي نفسي كان له أثر سلبي
على شخصيتي لما أتجوزت وأقصد هنا (حماتي )أذتني جدا الأذي النفسي اللي أتسببت ليه فيه كان كبير جدا علي أن أنا أتحمله
أنا حبست الأذي ده جوايا ولا قولته لأهلي ولا لجوزي
يمكن علشان شايفة أن أهلي شبهها
ولا قولت لجوزي علشان كنت عاوزه أعيش حياة هادية وأختار يكون ليه مكان أهرب ليه من كل الدوشة دي
يمكن تفكيري معرفش صح أم خطأ بس كل اللي أعرفة أنه تفكير بنت عديمة خبره في الحياة
بس الحمد لله تخطيت ده
واخترت أن أتجاهل وأتناسي
واختار راحة بالي و بيتي وجوزي وولادي وبس وأبعد عن كل الدوشة دي
سؤالي هنا أنا تخطيت الماضي المؤلم لكن للأسف ردود أفعالي مع ولادي لاإرادية مني تجاه ولادي
وللأسف ده نفس اللي كان بيحصل معايا سواء من (بابا وماما أو حماتي)
بلاقي نفسي بقول نفس الكلام نفس التعنيف
للأسف مش عارفة أعمل كنترول على العقل الباطن وعلى اللي مريت بيه
رغم أنه الحمد لله الماضي ده انتهي وعدي وربنا رضاني كتير الحمد لله رب العالمين ليه مش عارفة أمحي ده كله
و هل أنا كده أوهمت نفسي أن تخطيت الماضي
ولا الشرخ اللي حصل ليه مش سهل أنه يلتئم بسهولة ...سؤالي هنا أمتة هعرف أتحكم في ردود أفعالي تجاه ولادي؟
وهل أنا فعلا تخطيت الماضي ولا أوهمت نفسي؟
اتوقع انك تجاوزت الامر وتخطيتي الماضي على المستوى الشخصي الداخلي ولكن في تعاملك مع اولادك ربما انت لم تتعلمي طريقة تربوية اخرىني انت بتطبقي طريقه التعامل الوحيدة ال انت شفتيها في حياتك ولم تتعلمي غيرها عشان كده ممكن يكون الموضوع ملهوش علاقه بالماضي ولا بحاجه هو بس محتاج تقرأي شويه في التربية واسمعي فيديوهات تربوية كتير وحاولي تطبقي اي فكرة حلوة تتعلميها هتلاقي علاقتك باولادك تحسنت وبقيت افضل وهتتعلمي كتير وتذكري حديث النبي صلى الله عليه وسلم ( ما كان الرفق في شئ زانه وما نزع من شي الا شانه ) كل حاجه بهدوء وضحك وعالم الاطفال ده اقل حاجه بتبسطهم ربنا يصلح لك حالك
تم النشر الثلاثاء، ١٣ فبراير ٢٠٢٤
انتي اقنعتي نفسك انك نسيتي بس انتي لم تتخطي الامر .. لان ده باين جدا في معاملتك ل اولادك .. سؤالك بقى ازاي تعرفي تتعاملي مع اولادك .. لما تتصالحي الاول مع الماضي المؤالم بتاعك. تاني شئ، لما تتعلمي ازاي تتعاملي مع اولادك بطريقة صحيحة. اللي حصل انك عملتي عملية كبت ل اللي حصلك، ولا اتناقشي ولا عبرتي عن اللي جواكي، وده اللي كان لازم يحصل.
تم النشر الثلاثاء، ١٣ فبراير ٢٠٢٤
انتى نوعا ما بتقولى لنفسك انك نسيتى خلاص الحقيقة انك منسيتيش ولا تخطيتى ..وغالبا هيكون جواكى جملة ( ياريت ده مكانش حصل ليا ) او ( ليه انا حصلى منهم كده) الانسان بشكل لا واعى لما ميعبرش عن وجعه بيوجع غيره عشان حد يحس اللى هو حسه انتى مش قصدك ده طبعاا الافضل انك تعبرى وتخرجى اللى حصل ده من جواكى وتتكلمى عنه وتعرفى ان فى ناس هتتفهم وجعك ده ....بعدها هيكون اسهل انك تعالجى الجرح وميطلعش اثره على اللى حواليكى زى اولادك .
تم النشر الثلاثاء، ١٣ فبراير ٢٠٢٤
ربنا يسعد قلبك يارب🥺
تم النشر الثلاثاء، ١٣ فبراير ٢٠٢٤
التراكم مش حل وأن حضرتك تسكتى دايما مش صح والغلط مينفعش نعتبره شئ اعتيادى وكتر التراكم ممكن يسبب لا قدر الله شئ فاتكلمى وقولى أحسن من الكتمان وأن تعثر عليكى الأمر اتكلمى مع ربنا المهم متكتميش التعب والكلام ده عن تجربة بجد لأنى أنا من كتر الكتمان بسبب مشاكل البيت وكمان ضغط المذاكرة علشان كنت وقتها فى ثانوية عامة عملتلك كدة حالة بتجيلى حالة أنى مش بعرف اخد نفسى وببكى من غير سبب وساعات بتغلب عليها وأوقات لا احساس صعب بجد بحس أنى بموت بجد لغاية دلوقتى وأنا فى رابعة جامعة بتجيلى .
تم النشر الثلاثاء، ١٣ فبراير ٢٠٢٤
قصدي بدل م تراكمي ي اما تاخدي موقف يا اما تتجاهلي الموضوع كأنه محصلش و فالحاله دي بتكلم ع اهلك مش ع حماتك حماتك لازم تاخدي معاها موقف و تحطيلها حدود
تم النشر الأربعاء، ١٤ فبراير ٢٠٢٤
حاولي تتجاهلي الأفكار دي
تم النشر الأربعاء، ١٤ فبراير ٢٠٢٤
لا طبعا مش تخطيتي
تم النشر الثلاثاء، ١٣ فبراير ٢٠٢٤
وقلبك يارب اللهم آمين
تم النشر الثلاثاء، ١٣ فبراير ٢٠٢٤
لعرض السؤال في فدني اضغط هنا