تعبت من كتر ما بعجب بأشخاص باردة و نرجسية و مش بتبادر و بتتجاهلني أو بتمثل إنها مش مهتمه..... كل مرة بعجب أو بحب أشخاص باردة مش بيظهروا مشاعرهم ممكن يكونوا مش اذكياء عاطفيا أو باردين و مش بيظهروا مشاعرهم لكن اذكياء عاطفيا بس بيستخدموا الذكاء ده بطريقة يتلاعبوا بيها بيا و للأسف اكتشفت ده متأخر بعد ما دخلت في اكتئاب لفترة و الحمد الله خفيت و فهمت و بعدت و تخطيت لكن مازال موضوع اني لحد الآن بنجذب من غير ما أحس للأشخاص الباردين أو إلي مش بيظهروا مشاعرهم أو إلي مش مهتمين ليا من الأساس أو الي مش معجبين بيا ذي ما أنا معجبة بيهم للأسف من و انا صغيرة لحد الآن بيحصل معايا كده رغم اني قرأت كتير في الموضوع ده و انه ممكن يكون بسبب صدمات الطفولة و لكن مش عارفة اذاي ممكن أعالج ده يعني برضو قرأت إنه ممكن يكون بسبب الاستحقاق القليل و اشتغلت على الموضوع و استحقاقي بنفسي زاد لكن برضو بنجذب من غير ما اقدر اسيطر على الموضوع للأشخاص دول رغم اني بكون فاهمه و عارفة ان انجذابي بيهم ده غلط و انه بسبب صدمات الطفولة و لكن مش بعرف أسيطر على مشاعري
مع احترامي لكي بس في فرق كبير بين الاعجاب والحب واللي أنا شايفه إن كل اللي بتمري بيه سببه إن انتي من الصغر عندك نقص حنان واهتمام بيكي علشان كده حاولى بقدر الإمكان إنك ما تدخليش في علاقات أو ترتطبي إلا بالشخص فعلا المناسب لكي واللي تحبيه بجد مش تُعجبي بيه وحاولى تعملى إنجاز في حياتك زي مثلا لو لسه بتدرسي ذاكري واجتهدى وخدي كورسات علشان تتفوقي في مجالك ولو انتي خلصتي دراستك حاولى تنمى نفسك في مجالات كتير زي تعلم لغة أو رياضة أو موهبة لديكي المهم إنك تشبعي نفسك بحاجات تفرحك عالطول ولو هترتبطي أو هتحبي فحبي الشخص اللي فعلا هيتجوزك ومش بتلاعب بمشاعرك يعني من الاخر اللي هو الحب الحلال
تم النشر الثلاثاء، ١٨ يونيو ٢٠٢٤
الانجذاب طبيعي بكونك بشر، لكن الاشخاص النرجسيه مش هتنفعك في جواز اصلا يعني مجرد التخيل كدا في المعيشه هتلاقي عيشتك كزوجه محتاجه اهتمام عيشه كلها خنقه وفاشله، لان في طرف لا يهتم اصلا ليه بقا ترهني حياتك بناس مش هتسعدك اصلا؟؟! على العكس بقا لو طرفين هما الاتنين اختاروا بعض واحد دخل البيت من بابه عجبه اخلاق بيتك واهلك وتدينك هو دا اللي ممكن يعمل اي شيء عشان يناسب ناس كويسه لأن قيمتك محفوظه واللي جالك راجل عارف قيمتك بجد اتمنى تكون وصلت
تم النشر الاثنين، ١٧ يونيو ٢٠٢٤
أنا حاسّة كده إنه الوضع فعلًا بيوجع ومش سهل تتعاملي معه. دايماً أول خطوة لحل أي مشكلة هي الوعي بيها، وده اللي انت عملتيه بالفعل. حبيت إنك عرفتي تشوفي السبب وتحاولي تفهمي ليه بتنجذبي للأشخاص الغلط، وقراءة كتير في الموضوع وكمان اشتغلتي على تحسين استحقاقك لنفسك، ده كله شيء رائع. خلينا نحاول نركز على كذا نقطة: التواصل مع ذاتك العميقة: خدي وقت لنفسك لتفهمي أكتر تفاصيل مشاعرك ودوافعك. التأمل أو الكتابة اليومية (الجورنالينغ) ممكن يكونوا أدوات قوية جدًا لفهم أعمق. تحليل الأنماط السابقة: حاولي تفكري في العلاقات السابقة بموضوعية. إيه اللي كان يجذبك في الآخرين وفيه علاقة بالنمط ده؟ في حاجات معينة كانت بتلفت انتباهك؟ ده ممكن يساعدك تشوفي الأنماط والتصرفات اللي ممكن تتجنبيها في المستقبل. وضع حدود واضحة: اعرفي حدودك وما تقبليش أقل من اللي تستحقيه. لما حد يبدأ يظهر علامات إنه مش مهتم أو بارد، الجرأة في إنك تبعدي وتوقفي العلاقة ممكن تنقذك من ألم كبير بعدين. الشغل على نفسك: استمري في تطوير نفسك وزيادة وعيك العاطفي. خدي دورات تدريبية، أو حتى جلسات مع معالج نفسي لمساعدة أكتر. الأصدقاء والدعم: دايماً خلي حواليكي ناس بتدعمك وبتديكي طاقة إيجابية. الأصدقاء ممكن يكونوا مرآة تعكس ليكي حاجات انتي مش شايفاها بوضوح. تحديات صغيرة: جربي تتحدي نفسك تدريجيًا بالتعامل مع أشخاص مختلفين عن نمط اللي بتنجذبي ليه عادةً. يمكن مع الوقت تكتشفي إن فيه جهات أخرى بتجذبي ليهم. دايماً افتكري إن الشفاء والوعي هما رحلة، مش وجهة ثابتة. خدي وقتك، وكوني رقيقة مع نفسك. وإلو احتجتي لأي دعم، أنا موجودة هنا ليكي بأي وقت. 💖
تم النشر الأحد، ١٦ يونيو ٢٠٢٤
لعرض السؤال في فدني اضغط هنا