معنديش حد يسمعني اتعودت ان اخلص نفسي بنفسي لكن طفح الكيل مش قادر اكمل ولا أهل ولا صحاب الواحد حاسس انو بعالم كداب ومنافق ودلوقتي ٣ ثانوي خايف من الجاي ومش عارف اخد خطوه البدايه محتاج حد يقومني لكن مفيش اللي حوليا مستقلين بيا ومش فاضين مش عاوز يحسو بضعفي لحظه لكن من جوه ضعيف ومهموم هم بيبقوا أحلامهم وانا مكاني مع ان ده الوقت اللي لازم أنجز فيه
وفى جملة الشيخ الشعراوى كان بيقولها اذا رأيت الناس يتخلون عنك فى وقت الشدة فاعلم ان الله يتولى أمرك
تم النشر الجمعة، ٢٩ مارس ٢٠٢٤
فعلا بيجى علينا وقت ونتحمل مسؤليه نفسنا اه الفترة دى محتاجة دعم نفسى ومساعدة من الى حواليك وبذات اهلك بس لو هاتقعد تفكر فى كدة وانت خلاص على أبواب الامتحان سيبك من كل دة وركز فى السنة دى ازاى تطلع كسبان وتحقق حلمك إلى بتحلمو من سنين الناس كدا كدا موجودة مش معاك النهاردة هايكونو معاك بكرة لاكن السنة دى والحلم دة مره واحدة مش بيكرر متخليش فرصة لنفسك انك ترجع تقول يارتنى سعتها هاتحس بالذنب انك أثرت وربنا معاكو و ميضيعش تعبكو وتفرحو بالنتيجة ان شاءالله
تم النشر الجمعة، ٢٩ مارس ٢٠٢٤
من وقت ما الانسان بيبلغ معناها انه قادر يشيل نفسه لانه اكتمل نموه عقليا وجسديا وبيبدأ يتحاسب قدام ربنا على افعاله انا مقدرة ان احتياج الدعم ده مهم واساسى فى حياة اى انسان لكن مش بتقف عليه الحياه المشكله هنا مش الاحتياج للدعم المشكله انك ضعيف...ايه سبب الضعف ده اللى انت حاسه؟ العالم والحياه والناس وحشين ..طب وانت ايه ؟ عملت ايه عشان تبقى الحلو وسطهم ؟ النبره واللهجة اللى كلها لوم للظروف الخارجيه عشان تحسس نفسك انك مغلوب على امرك ومش ذنبك اى تقصير فى حياتك ..دى نغمه كدابه بيضحك عليك بيها شيطان نفسك عشان يخليك واقف مكانك
تم النشر الجمعة، ٢٩ مارس ٢٠٢٤
حاولي تتعرفي على ناس ليه متبعديس عن الناس الي بتقلل منك وتقربي من ناس تانيه وتجربي صداقات جديده وصلي وقرب يمن ربنا لان الحياه عمرها ما هتصلح وانت مش صالحه علاقتك مع ربنا
تم النشر الجمعة، ٢٩ مارس ٢٠٢٤
ركز في دراستك في تالتة ثانوي لأنها مستقبلك شعورك بالوحدة والنفاق ده هتنساه لما تقابل ناس تهتم بأمرك الناس تتعوض وهتلاقيهم لكن الوقتي الأهم مستقبلك لازم تركز فيها
تم النشر الأربعاء، ٢٧ مارس ٢٠٢٤
لعرض السؤال في فدني اضغط هنا