السلام عليكم ورحمة الله وبركاته
مشكلتي هي في حب الشباب وازاي اتخلص منه بشرتي فيها حب شباب وتارك أثر ما بيروح وأثره علي نفسيتي قبل بشرتي
انا بنت بتعاني من حب الشباب في وشي ابتدأ معايا من سن المراهقة علي تالته اعدادي وكل مادا كان بيزيد لحد ما كشفت وانا في اولي ثانوي ادتني علاج وقالتلي ابطل اكلات معينه وقالتلي عوامل نفسيه وتغير هرمونات في السن دا داومت على العلاج وكنت متابعه معاها وكان الفرق طفيف لا يذكر رغم اني كنت متضايقة لان مافيش تحسن بس حطيت في دماغي إنه فتره وهايروح وعشان ضغط المذاكرة ومشاكل البيت كله عامل على نفسيتي وسبت الدكتوره لاني كنت داخله 3 ث وكان عندي هدف في مجموع معين وكليه معينه ومش عايزه حاجه تشغلني وربنا مأردش ليا إن اجيب مجموع كويس في الثانويه العامه يوم النتيجه كان صدمه بالنسبالي والحمد لله علي كل حال واديكي في 3 كليه مشكله الحبوب مستمره معايا انا مش مضغوطه اطلاقا زي الاول زعلانه اه بس تمام مش فاهمه ليه بشرتي بتزداد سوء
بعتذر للأطاله انا زي ما قولت علي مشكلتي عايزه اتكلم عن انها مأثره علي نفسيتي جدا مش بخرج إلا كل فين وفين اي أفراح أو مناسبات مش برضا اروحها بيتوجهلي نقد دايما من نوع اي اللي في بشرتك دا مقلل ثقتي في نفسي جدا
مش عايزه اكشف تاني عايزه روتين كويس للبشره أو اي اللي المفروض اعمله
سيرم كويس حد كان بيعاني من نفس المشكله وجرب حاجه فادته خصوصا اني جربت واستعملت حاجات كتير
وعليكم السلام ورحمه الله وبركاته انا يعني هقول لك تجربه شخصيه لان كان عندي نفس المشكله وانا صغيره وخليني اقول لك الصابونه بتاعت الكبريت دي حلوه جدا علشان بتنشف حب الشباب بس عموما عموما بلاش تاخذي اي ترشيحات للادويه معينه او حاجه من دي لانها هتفرق على حسب درجه حب الشباب اللي عندك لان وفي جل اسمه ادبلين حلو جدا هو بيتحط على الوش وبعدين بيتغسل واخلي وشك مترطب ودائما بانثينول حطيه بالليل بس ما تخرجيش بيه خالص في الشمس ده الحاجه اللي انا جربتها الصراحه وجبت فرق يعني حلو جدا في موضوع حب الشباب انصحك انك تعملي ده وبلاش. هم مش كلهم زي بعض على حسب الحبايه طالعه عامله ازاي يعني الحبايه بيطلع فيها. راس صفرا او بيضه ولا هيامح مره يعني الموضوع ده بيفرق بس انا هقول لك على تجربتي الشخصيه ايه يعني خلى الدنيا؟
تم النشر الخميس، ٢٩ أغسطس ٢٠٢٤
وعليكم السلام ورحمة الله وبركاته، أشعر بمعاناتك وأفهم تمامًا كم يمكن أن تؤثر مشكلة حب الشباب على النفسية والثقة بالنفس. من المهم أن نعرف أن هذه المشكلة شائعة بين الكثير من الفتيات، خاصة في فترة المراهقة. إليك بعض النصائح العملية التي قد تساعدك في التعامل مع حب الشباب: العناية اليومية بالبشرة : احرصي على غسل وجهك مرتين يوميًا باستخدام غسول مناسب للبشرة الدهنية أو المختلطة. تجنبي الصابون القاسي الذي يمكن أن يهيج بشرتك. استخدام مرطبات : استخدمي مرطبات خالية من الزيوت، حتى لو كانت بشرتك دهنية. ترطيب البشرة يساعد في توازن إفراز الزيوت. منتجات العلاج : يمكنك البحث عن سيروم يحتوي على مكونات فعالة مثل حمض الساليسيليك أو الزنك أو النياسيناميد، حيث أنها تعتبر مفيدة لعلاج حب الشباب وتقليل الالتهابات. تجنب المواد الكيميائية القاسية : تجنبي استخدام المنتجات التي تحتوي على مواد كيميائية قاسية، والتي يمكن أن تسبب تهيج البشرة. التغذية السليمة : حافظي على تناول غذاء متوازن، مع التركيز على الفواكه والخضروات، وشرب كميات كافية من الماء. تجنبي الأطعمة الغنية بالسكر والدهون غير الصحية إن أمكن. التقليل من الضغط النفسي : حاولي إيجاد طرق للتخفيف من الضغط النفسي، مثل ممارسة هواياتك المفضلة أو ممارسة أنشطة يمكنك الاستمتاع بها. استشارة طبيب جلدية : إذا استمرت المشكلة رغم استخدامك للروتين المذكور، قد يكون من الجيد مراجعة مختص جلدية للحصول على تقييم شامل ومشورة متخصصة. تذكري أن الاعتناء بنفسك وببشرتك هو جزء من احترام نفسك، ومن المهم أن تتعاملي مع هذا الأمر برفق وصبر. لا تترددي في النظر إلى نفسك برؤية إيجابية، فالدهون والعيوب ليست تعكس جوهرك. أسأل الله أن يرزقك الثقة بنفسك ويعطيك النتائج التي تسعين لها. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٢٨ أغسطس ٢٠٢٤
يُفضل ألا تستخدمي أي منتج طبي دون الرجوع لطبيب مختص تجنبًا للأعراض الجانبية كمخاطر الحساسية من مكونات الدواء وغيرها.
تم النشر الخميس، ٢٩ أغسطس ٢٠٢٤
بالله استخدمته عمتا شكرا لحضرتك جدا
تم النشر الأربعاء، ٢٨ أغسطس ٢٠٢٤
شكرا لحضرتك بس الليذر غالي وحاجات الصيدليه مجرباها
تم النشر الأربعاء، ٢٨ أغسطس ٢٠٢٤
تمام شكرا
تم النشر السبت، ٣١ أغسطس ٢٠٢٤
لو اثار الحبوب دي عامله حفره مش مجرد لون غامق دي كدا محتاجه فعلا دكتوره غير كدا ابدئى روتين لبشرتك هتبقى حلوة اوى بس استمرى انا استخدمت حاجات كتير اللى جاب نتيجه فعلا محلول كلندسول كنت بجيب قطن بتاع الودان واحط كميه صغننه ف غطا الازازه وبالودانه واحط على بشرتى منها مهم طبعا ازاى تستخدميه بس مش لاقياه ف الصيدليات حاليا احلى تركايه بقا انك تغسلى وشك بغسول فيه شاى اخضر قبل ما تنامى او اى غسول عموما
تم النشر السبت، ٣١ أغسطس ٢٠٢٤
فيه محلول ملحي اسمه كليندا سول كنت بستخدمه وكنت بنصح بيه اصدقائي وهو مش غالي وعموما هيا فترة وبتنتهي
تم النشر الأربعاء، ٢٨ أغسطس ٢٠٢٤
استشري دكتور صيدلي في بعض الكريمات المساعدة في علاج حب الشباب وفيه جلسات ليزر بس الموضوع مش في اكل ونظام غذائي فقط كمان في هرمونات الجسم .. وكلنا مرينا بالفترة دي هيا ممكن تطول من شخص لشخص فلو هيا مسببالك مشكله لازم تداومي علي كورسات علاجية بمشورة طبيب
تم النشر الأربعاء، ٢٨ أغسطس ٢٠٢٤
لعرض السؤال في فدني اضغط هنا