أنا كنت متجوزة واحد وكان عنده سرعة قذف ومكنتش بقدر اوصل للأورجازم ودكتور نفسي نصحني أمارس العاده السرية وارتحت وحصل طلاق ودلوقتي بقيت أكلم ناس على النت وامارس الجنس معاهم على النت ومش قادرة اتوقف عن هذا السلوك ومعنديش القدرة الماديه ولا الصحية اني اروح أكشف ومحدش في البيت عارف الموضوع ده انا كده مدمنة وإيه الحل
شكرا علي شجاعتك علي المشاركة 🌷 في مقياس بسيط للتأكد من الحالة دي وصلت للإدمان ولا سلوك متكرر ولو كان ادمان بنطبق مع بعض خطة علاجية للتعافي والأفضل تتابعي مع نفس جنسك ولو احتاجتي مساعده أنا معاكي
تم النشر الاثنين، ٢٩ يوليو ٢٠٢٤
أولًا، حابّة أقولك إن مش لوحدك في كده. كتير من الناس بيمروا بتجارب مشابهة وصعب عليهم يتعاملوا مع مشاعرهم. الجنس عبر الإنترنت ممكن يكون وسيلة للهروب أو للشعور بالراحة، لكن أحيانًا نحتاج نوقف ونسأل نفسنا عن السبب ورا السلوك ده. فهم أسباب السلوك : حاولي تفكري إيه السبب اللي خلاك تمارسي الجنس على النت، هل هو الهروب من مشاعر الوحدة؟ أو رغبة في تحقيق شيء كان ناقص عندك في زواجك؟ حاولي حط حدود : لو حسيت إنك مش قادرة تسيطرّي على الأمر، حاولي تحددي وقت معين تقضي فيه على النت. أو ممكن تقرري تقللي من الدردشة مع الناس. بدائل صحية : جربي تلاقي ممارسات أخرى تشغلك زي ممارسة الرياضة، أو قراءة كتب، أو الرسم. أي نشاط يشغل جسمك وعقلك ممكن يكون مفيد. تحدثي مع شخص تثقين فيه : حتى لو مش عايزة تروحي دكتور نفسي، ممكن تحكي لحد قريب منك أو صديقة تَفتكيني، بس تحاولي تلاقي حد تثق فيه. الشغل على الذات : حاولي تبحثي عن مصادر لتطوير نفسك وتعلم كيفية السيطرة على المشاعر، في كتير من الفيديوهات والكتب المتاحة أونلاين. إذا حسيت إن الأمر بدأ يخرج عن السيطرة بشكل أكبر، حاولي تعطي نفسك فرصة للمساعدة من مختص، حتى لو كان عبر الإنترنت. لازم تحافظي على سلامتك النفسية. أنا معاك في أي شيء تحتاجينه!
تم النشر الاثنين، ٢٩ يوليو ٢٠٢٤
السلام عليكم اممم للاسف النصيحه اللي انت اخدتيها من الدكتور النفسي ده كانت نصيحه سيئه جدا لان ده ممكن يكون حاجه مؤقته حاجه تتعمل مره لكن مش هي دي الحل في الموضوع خالص وكان في حلول تانيه اخرى للتعامل مع الموضوع ده. قدر الله وما شاء فعل. وبما انك حاليا مش متزوجه لازم اولا نكون عارفين احنا بنتعامل في كل الاوضاع سواء متجوزه او مش متجوزه بناء على ايه يعني الحدود اللي بتوقفنا او ايه الحدوده اللي بتخلينا نتحرك جواها المفترض ان الحدود دي تكون حدود الحلال والحرام قبل اي حاجه ثانيه طيب احنا تعدينا الحدود نعمل ايه نرجع ثاني نشوف الحدود من اول وجديد نرجع عن ناكد الحدود نشوفها كويس نقويها نشوف تعدي الحدود ده العواقب بتاعته ايه لانه لما نفوسنا تتعدى الحدود وتكمل وتتمادى ده معناها ان هي مش مدركه للعواقب بتاعه الموضوع ده وااا ثالث في بحر المتعه الزائفه يعني. في جزئيه مهمه جدا جدا جدا وهي انك تقفي واقفه مع نفسك تعرفي فيها انت عايزه توصلي لايه. في الحقيقه في الحقيقه انت عايزه تثبتي ايه في شخصيتك واللي انت هتحبي تثبتيه في شخصيتك هو ده هيكون اول دافع لك كانك توقفي سلوكيات مش هتساعدك في انك تخلي شخصيتك بالشكل اللي انت قررتيه. ااا انت مش مدمنه بس انت وصلتي لدرجه انك مش عارفه تعملي اشباع وبقيتي جعانه طول الوقت. فالموضوع ده بيبقى محتاج نظر على الاحتياجات ونعرف الاحتياج الاساسي ايه هو انا محتاجه ايه فعلا لانه مهما عملتي ومهما وصلتي الى الاورجازم ده مش هيخليكي تكوني مبسوطه لانك نوعا ما بتحاولي تعملي تعويض لنفسك عن اللي انت ما وصلتلهوش ودي كلها افكار غلط يعني دي كلها افكار غلط بتسبب سلوكيات غلط. لو معندكيش مقدره ماديه ففي متابعات بتكون مجانيه مع اطباء انا هسيب لك يعني الكونتاكت احنا عارفينه في حاجه تبع حاجه حكوميه بتبقى عن طريق التليفون وبتكونش مكلفه هي اصلا مجانيه الخدمه وفي حاجات بتكون تكلفتها بسيطه في دكاتره بتقدم استشارات بتكلفه بسيطه يعني 100 جنيه و150 جنيه. فاعتقد لما بيكون في اولويه في حياتنا. وانا اسفه ان انا هقول لك كده بس ممكن بدل ما نشحن النت ونروح نتصرف تصرفات هتاذينا ممكن ناخذ الفلوس دي نعمل بها حاجه ثانيه تفرق معانا وتحركنا لقدام فقه الاولويات ده مهم جدا وفي كل فتره من حياتنا بنحط اولويات لمصاريفنا هنصرفها في ايه علشان تبقى فعلا بتحقق لنا نتايجك احنا عايزينها.
تم النشر الثلاثاء، ٣٠ يوليو ٢٠٢٤
كلمي طبيبة نساء +طبيبة نفسية مش طبيب ومش معالج نفسي وحاولي تكوني صدقات ناجحة مع نساء طبعاً
تم النشر الاثنين، ٢٩ يوليو ٢٠٢٤
لازم تروحي الطبيبة النفسية وتوقفي الكلام ده فوراً
تم النشر الاثنين، ٢٩ يوليو ٢٠٢٤
معنديش إمكانية المادية اتابع مع دكتورة نفسية
تم النشر الاثنين، ٢٩ يوليو ٢٠٢٤
لعرض السؤال في فدني اضغط هنا