الموضوع بدأ من ٣ سنين تقريبا لما حد من اهله كلمني وقالي قريبك فلان عايز يتقدم موافقة ولا لأ قلتله انا مش هقول حاجة قبل بابا، بعدها بيوم جالي حد تاني قلت نفس الكلام فاتقدم رسمي وبابا رفض، السنة اللي بعدها اتقدم تاني وبابا رفض تاني فأهله بعتوا ناس كبيرة في العيلة كذا مرة وكل مرة بيتكلموا في الموضوع والقاعدة بتخلص بدون آه او لأ،
وخلال السنتين دول انا ماكانش فارق معايا الموضوع لكن اللي فرق معايا ان بالرغم ان هو حد من أهلي وبسهولة جدا يقدر ياخد رقمي ويدخل من الباب اللي كل الشباب بتدخل منه ويقنعني ويأثر عليا.. لكنه ماعملش كدا! هو مالوش دعوة بيا تماما!!! المهم من كذا شهر كدا هو اتقدم للمرة التالتة ويعز عليا اقول ان بابا رفضه برده لمجرد ان حالته المادية اقل مننا وبابا مش عايزني اعيش في مستوى اقل من دلوقتي. انا مش قادرة ألوم بابا وفي نفس الوقت خلاص مابقيتش قادرة انساه حرفيا😔
فبقيت اقوم من اي قعدة يجيبوا اسمه فيها اخاف حد يلاحظ عليا حاجة خصوصا بابا، وبقيت اتجنب اي مكان اعرف هو فيه. ولما اقول الحمد لله نسيته ييجي حد من اهله يفكرني تاني وهم عارفين ان مش في ايدي حاجة ومتأكدين اني مستحيل أقف قدام بابا وزعلانة منهم حرفيا لإنهم تعبوني نفسيا كنت اتمنى الموضوع يخلص من برا برا بدون مايدخلوني في الموضوع. أنا خلاص بقيت بعاني وانا ماليش اي ذنب !!!!
بصي هو باين عليه محترم جدا و لو انتي مرتاحه له اكلمي مع مامتك بحيث تفاتح باباكي في الموضوع و هقولك حاجه الراجل المحترم خيرا الف مره من الغني المحترم مسيروا ربنا يرزقوا و هيعرف يحافظ عليكي انتي و أولادك اما اللي معاه فلوس مع أول مشكله ممكن لا قدر الله يتجوز عليكي و اللي لفت انتباهي اصراره عليكي و دي حاجه نادره الايام دي انا من رأي صلي استخاره و لو شايفه انك لسه مياله له كلمي والدتك زي ما قولتلك و خير متقلقيش
تم النشر الأربعاء، ٢٦ مارس ٢٠٢٥
السلام عليكم، إذا كان شخص محترم فعلا ودينيا وأخلاقيًا كويس ومشكلته الوحيدة مادية فممكن تتكلمي مع مامتك إذا مش هتقدري تناقشي والدك في الموضوع. الأهل طبيعي يقلقوا على بنتهم من الناحية المادية خاصة مع الظروف الاقتصادية الحالية لكن طبعًا منقدرش نجزم إن الشخص اللي مستواه المادي كويس جدًا ممكن يكون زوج كويس أو العكس. ممكن يكون لوالدك أسباب تانية غير الأسباب المادية، فإذا الموضوع هيفضل مضايقك ممكن تستفهمي وتزيلي حيرتك. *** السؤال دلوقتي، تعلقك بالشخص ده عشان فيه مشاعر مسبقًا من ناحيتك ولا عشان فكرة إنه تمسك بك وتقدم أكثر من مرة؟ لأن لو السبب الثاني، فأعتقد مش سبب كافي إنك تفضلي تفكري في الموضوع وتوقفي حياتك عليه وتتعبي نفسيًا. المهم، تفهمي موقف والدك وإنه أكيد عاوز لك الأفضل وادعي ربنا يكتب لك الخير سواء مع الشخص ده أو غيره ويرضيك به. بالتوفيق.
تم النشر الخميس، ٢٧ مارس ٢٠٢٥
عزيزتي، أقدر مشاعرك وما تمرين به من صراعات نفسية. من الواضح أن هذا الموضوع أثر عليك بشكل كبير، ومن الطبيعي أن تشعري بالتوتر والقلق نتيجة للضغوط التي تواجهينها. دعيني أقدم لك بعض الأفكار التي قد تساعدك في التعامل مع هذه الموقف. تقبلي مشاعرك : من المهم أن تعترفي بمشاعرك وتقبليها. من الطبيعي أن تشعري بالحزن أو الإحباط تجاه الوضع الحالي. كوني صادقة مع نفسك وامنحي نفسك الوقت للتفكير في مشاعرك. حددي أولوياتك : فكري في ما هو الأفضل لك وما تحتاجينه في شريك الحياة. طموحاتك وأهدافك في الحياة يجب أن تكون في المقدمة، ولا تدعي الظروف المحيطة تؤثر عليك بشكل سلبي. تواصلي مع أسرتك : إذا كان هناك إمكانية، يمكنك التحدث مع والدك بحذر حول مشاعرك وآرائك. قد يساعدك ذلك في فهم رأيه بشكل أفضل أيضاً إذا كان لديك وجهات نظر أو اقتراحات. تعزيز انشغالاتك : ابحثي عن الأنشطة والهوايات التي تشغلك وتعزز من ثقتك بنفسك. كلما كنت مشغولة بشيء مفيد، كلما ساهم ذلك في تخفيف المشاعر السلبية. بدأ صفحة جديدة : حاولي التفكير في مستقبلك بدلاً من التركيز في الماضي. ابحثي عن الفرص الجديدة التي قد تأتي في حياتك دون النظر للماضي. تجنبي الضغوطات : إذا كان هناك أشخاص في محيطك يقومون باسترجاع ذكريات هذا الأمر، يمكنك محاولة تقليل التعامل معهم لفترة من الوقت. تذكري أن الحياة مليئة بالفرص والتجارب الجديدة، وفيما يخص هذا الموقف، تأكدي أن الله يخطط لك الخير. استثمري وقتك وجهودك في بناء نفسك وأحلامك الشخصية، لأن هذا هو ما يستحقه قلبك ونفسك.
تم النشر الثلاثاء، ٢٥ مارس ٢٠٢٥
متزعليش هو عمل الصح أنه مكلمكيش وانتى الصح انك متدخلتيش ولو والدك رافضة بس عشان الفلوس دى مش ممكنه هتلاقى اسباب تانيه والدك مش عايز يفصح عنها
تم النشر الأربعاء، ٢٦ مارس ٢٠٢٥
والله لو هو مكتوب لك لو ابوكى عمل اللى ما يتعمل هتاخديه ،والعكس لو مش من نصيبك وحاولتي انت وابوك والعيله كلها ان يكون من نصيبك والله ما هتخديه ،،
تم النشر الخميس، ٢٧ مارس ٢٠٢٥
تعلمي واتأكدي ان ربنا مش هيعمل حاجه وحشه ارضي بقضاء ربنا واكيد في حكمه هتفهميها بعدين
تم النشر الأربعاء، ٢٦ مارس ٢٠٢٥
لعرض السؤال في فدني اضغط هنا