السلام عليكم، إذا كان شخص محترم فعلا ودينيا وأخلاقيًا كويس ومشكلته الوحيدة مادية فممكن تتكلمي مع مامتك إذا مش هتقدري تناقشي والدك في الموضوع. الأهل طبيعي يقلقوا على بنتهم من الناحية المادية خاصة مع الظروف الاقتصادية الحالية لكن طبعًا منقدرش نجزم إن الشخص اللي مستواه المادي كويس جدًا ممكن يكون زوج كويس أو العكس. ممكن يكون لوالدك أسباب تانية غير الأسباب المادية، فإذا الموضوع هيفضل مضايقك ممكن تستفهمي وتزيلي حيرتك. *** السؤال دلوقتي، تعلقك بالشخص ده عشان فيه مشاعر مسبقًا من ناحيتك ولا عشان فكرة إنه تمسك بك وتقدم أكثر من مرة؟ لأن لو السبب الثاني، فأعتقد مش سبب كافي إنك تفضلي تفكري في الموضوع وتوقفي حياتك عليه وتتعبي نفسيًا. المهم، تفهمي موقف والدك وإنه أكيد عاوز لك الأفضل وادعي ربنا يكتب لك الخير سواء مع الشخص ده أو غيره ويرضيك به. بالتوفيق.
وعليكم السلام ، انا فعلا فكرت اكلم ماما لكن اكتشفت ان بابا عصبي جدا فبمجرد اما ماما تقوله هييجي علطول يزعقلي. ايوا انا اتعلقت بيه للأسف بسبب السبب التاني اللي هو تمسكه بيا ومحاولاتهم معايا، لكن خلاص هادعي زي ماحضرتك قولتي وهسيبهم يعملوا اللي هم عايزينه وخلاص
تم النشر الخميس، ٢٧ مارس ٢٠٢٥
لعرض الإجابة في فدني اضغط هنا