نشوف المميزات الاول ( انك صادقة مع نفسك وبتصارحيها بالعيوب) انك عندك نيه حقيقية للتغيير وبتدورى على حلول اى حاجة بداية حلها انتى عملتيه خلاص واعترفتى بالمشكلة الخطوات اللى جايه اسهل ان شاء الله الاول تحددى سبب العصبيه مثلا ليه بتتأثرى للدرجة دى وموضوع الكلام مع اى حد محتاج تدريب وقرار مع نفسى انى هعبر مع شخص محدد وهلتزم بده او هعر لوحدى ولنفسى الاول وبعدين اشوف واقرر ايه ممكن اشاركه وايه لا الكنترول ده هيجى بقرار ومسؤولية تجاه نفسك وحفاظ على خصوصيتك
تم النشر الاثنين، ٩ يناير ٢٠٢٣
مش عيب انك تتكلمي وانك تفرغي طاقه جواكي الكلام مفيد بس لازم تعرفي امتى نتكلم ومع مين وهنقول ايه ده لازم تتابعيه ازاي؟ ممكن تعملي قائمه بالناس المقربه ذات ثقه وانك مش هتتكلمي بأستفاضه غير معاهم وبعد متتكلمي معاهم ابدأي قيمي نفسك هل انا كان صح اني اكلمه ف موضوع معين طيب انا غلطت لما قلتله كذا وبعدين تحاولي تاني مره تتعلمي من التقيم الي عملتيه وهكذا الاهم انك تعرفي مش اي شخص بكلمه وبحكيله كل حاجه وبرغي كتير هم كام شخص مقرب يستحق الثقه وانك تتحكمي في عصبيتك وانفعالك بحاجتين قبل متاخدي رد الفعل خدي نفس عميق ل ١٠ مرات وتوقعي دايما ان الناس مش مضطره تتحمل عصبيتك وممكن تخسري كمان حقك بأنفعالك رغم ان ممكن تاخدي حقك بهدوء والافضل طبعا في مواقف كتير متردش في نفس الوقت عشان اعيد حساباتي وردود افعالي وده في المواقف الي ينفع اجل فيها الرد
تم النشر الثلاثاء، ١٠ يناير ٢٠٢٣
زي ما قال فوق عمر الناس ما رح تفيدك او تضرك الا بإذن الله، فحاولي تتجنبي الحديث عن نفسك لاحد لانك كده بتكشفي نفسك للناس وممكن عند اي موقف يكشفوا كل شي عنك، فلو حابه تحكي صلي وشكي لربك، او ممكن تحكي لنفسك يعني تتكلمي مع نفسك سواء داخليا او بصوت وتحاولي تحلي المشكله، بالنسبه للتعصب فحاولي تتحكمي باعصابك بحيث تتعاملي مع المواضيع اللي بتدايقك ببرود شوية عشان مش كل حاجه مستاهله انك تتعصبي عليها.
تم النشر الثلاثاء، ١٠ يناير ٢٠٢٣
طالما عصبي و مبتعرفش تعمل كنترول علي نفسك، و كل شيء بتاخده علي أعصابك، و حتي لو بتتكلم في الصح بتلاقي الناس سابت الموضوع الرئيسي و مسكت في اسلوبك، يبقي انت كده بتتكلم عني.. اقولك عملت ايه.. هديت اعصابي خالص و فكرت لقيت سبب العصبية شوية مشاكل في حياتي مش قادر احلها و مأثرة عليا.. اخدت هدنة مع نفسي و تفرغت علشان أواجه المشاكل دي و احط لها حد و نهاية او حل.. مع الوقت بقي مودي و نفسيتي مالهاش دعوة بحالة الآخرين مش معني كده اني اكون انسان بارد او عديم الاحساس بس برضه مش لازم ابقي متطوع في الدفاع عن أي حد خصوصا لو معرفش الموضوع بالكامل او لو فيه ناس تانية بتحاول تحل، احيانا من الحكمة ان الانسان ميتعصبش احسب ردود الفعل المتوقعة للي حواليك لو انتم في وسط مشكلة و جهز نفسك لكن.. بلاش تبقي اول من يستجيب. ثانيا خليك ريلاكس لان كل شيء مقدر و مكتوب و كل اللي عليك انك تفهم ايه اللي يستحق أن اعصب نفسي علشانه و ايه لاء، مع الوقت عايزك تمرن نفسك علي انك تسمع اكتر مما بتتكلم، محدش بيغير الكون لوحده، بس مبدئيا تقدر تبدأ بنفسك.. لا يغير الله ما بقوم حتي يغيروا ما بأنفسهم.
تم النشر الثلاثاء، ١٠ يناير ٢٠٢٣
لا غلط متعتزليش الناس اعتزلي ما يؤذيكي لكن البعد عن الناس غلط لأني طبيعتنا ك بشر ربنا خلقنا جماعات عشان نبقي سوا ولو بعدتي عم التعامل لما ترجعي تاني هتفقدي المرونه ف التعامل وهتبقب صعبه وهيسببلك مشكله نفسيه اتعاملي بحدود
تم النشر الثلاثاء، ١٠ يناير ٢٠٢٣
بس أن شاء الله هحاول ما اتكلمش مع حد واشوف الطريقه اللي تخليني اعتزل الناس
تم النشر الثلاثاء، ١٠ يناير ٢٠٢٣
حلو انك تهتمي بكل شئ بيحصلك بس بدرجه زياده ده هيأثر علي حياتك حاولي ترتبي اولوياتك ايه يستحق وايه عادي وافتكري دايما ان اي لحظه غضب وراها الشيطان ف استغيني بالله عند الغضب .. حته انك بتحكي لأي حد دي هتوقعك ف حاجات كتير حلو ان الانسان مننا يفضقض من وقت للتاني بس بقدر وحدود بحيث محدش يمسك عليك نقط ضعف ويعرف يملكك او يعايرك قدام بحاجه حكتيها ف لحظه ضعف وخصوصا انك ممكن تحكي لأي حد وصدقيني اكتر الوقت الناس معندهاش حلول غير هيسمع وبعد دقايق مش هيفتكر اصلا انتي قولتي ايه
تم النشر الثلاثاء، ١٠ يناير ٢٠٢٣
بعمل كده واقعد انب نفسي وأندم علي كلامي وشكوتي للناس واستغفر ربنا واول ما يحصل موقف تاني اعمل نفس الغلط
تم النشر الاثنين، ٩ يناير ٢٠٢٣
لا الارادة موجودة محتاجة تقوة شوية بوصي شوفي اي الموقف الي ضايقك جدا بسبب ردود افعالك وحطي دايما قدامك وقالي لنفسك انا مش هعمل كدا علشان مضايقش او علشان مغلطش نفس الغلطة
تم النشر الاثنين، ٩ يناير ٢٠٢٣
هحاول
تم النشر الثلاثاء، ١٠ يناير ٢٠٢٣
ياااااارب
تم النشر الثلاثاء، ١٠ يناير ٢٠٢٣
مظبوط ربنا يريح بالك
تم النشر الثلاثاء، ١٠ يناير ٢٠٢٣
تمام وانا كده كده التعامل بحدود اريح
تم النشر الثلاثاء، ١٠ يناير ٢٠٢٣
يارب وإياكم شكرا
تم النشر الثلاثاء، ١٠ يناير ٢٠٢٣
ربنا يوفقك يارب
تم النشر الثلاثاء، ١٠ يناير ٢٠٢٣
صح وانا فاهمه ده
تم النشر الثلاثاء، ١٠ يناير ٢٠٢٣
انما بالسبة لطبعة هيتغير مع الوقت هيتغير
تم النشر الاثنين، ٩ يناير ٢٠٢٣
ويمكن الطبع صعب تغيره بسهوله
تم النشر الاثنين، ٩ يناير ٢٠٢٣
والله عاوزه وحاولت كتير بس الفكره في الاراده شكلها ضعيفه
تم النشر الاثنين، ٩ يناير ٢٠٢٣
لو انتي فعلا محتاجه تتغير هتقدري
تم النشر الاثنين، ٩ يناير ٢٠٢٣
مش بعرف وبيتحرق دمي والمشكله اني مش بعرف ارد
تم النشر الاثنين، ٩ يناير ٢٠٢٣
حاول تتملك اعصابك ومتخدش اي مرضوع ع اعصابك واسمع من هنا ولا كانك سمعت حاجة
تم النشر الاثنين، ٩ يناير ٢٠٢٣
لعرض السؤال في فدني اضغط هنا