صباح الورد عليكي ... أولا اهدئي ورورقي كل مشكله وليها حل ... ثانياً مفيش حاجة بتبقي علي حال ولا ثابته يعني قلوب العباد بين ايدين الرحمن يقلبها كيفما يشاء يعني النهارده هي رافضه بكره هتوافق لكن نعالج الأسباب الرئيسية...اولا لازم تشوفي العلاقة الأسرية بينكم كأفراد عاملة ازاي ؟ علاقتك بالأب عاملة ازاي ؟ طفولتها كانت شكلها ايه وطريقة معاملتكم ليها ازاي ؟ عندها كام أخ وأخت ؟ طريقة التعامل معاها ازاي؟ يعني من الاخر لازم تشوفي ايه العقده الي سببت ليها كره لإنجاب الاطفال وركزي أوي علي كلمة " يتعذب" معني كده أن أما البيت نفسه دائم الخلافات الأسرية، أما التعامل معاها كان قاسي . ولو فشلتي في فهم السبب حاولى تعرضيها علي مختص نفسي تثق فيه وتقدر تفتحله قلبها علشان يعرف السبب وبلاش تحسسيها باللوم أو الكلام الناقد طول الوقت ، وبلاش تقابل اي عريس غير بعد ما تخضع للعلاج النفسي ، بعدين هي هتقرر لسه علي رأيها ولا لا. من ناحية تانية لازم تهيئوا الجو الأسري علشان تعديل سلوكها وعلاجها يجي لفائدهمن ناحية تالتة موضوع الحجاب متضغطيش عليها وواضح أن مفيش صله قوية بينك وبينها فشوفية حد هي بتثق فيه يقدر يووجهها ويرشدها أكتر وادخلولها من باب حب الله مش الخوف والعقاب. فمشكله بنتك مشكله نفسيه ليها أساس من الصغر بسبب المحيط يا داخل الاسره وده الإطار يا اتعرضت او سمعت لتجارب لأطفال اتعذبوا نفسيا من أهاليهم أو اتعرضوا لكل أشكال العنف... وربنا يارب بطمنك عليها
تم النشر الجمعة، ١٨ نوفمبر ٢٠٢٢
وعليكم السلام ورحمة الله وبركاته.. مش عيزاكي تقلقي من ناحية الحجاب فا ادعي ربنا يرزقها الهدي وتاخد القرار من ناحية الخلفة فا اللي بيخلي بعض أفكارها غريبة بالنسبة لحضرتك إنها بتفكر بمنطق غير مناسب للفطرة وان اي بنت بفطرتها تحب الإنجاب جايز يكون عندها مخاوف من الحمل والولادة ومخاوف من الزواج نفسه عشان كده بترفض او بتفكر بطريقة غريبة جايز مفتقدة الحب الحقيقي ويمكن بتفكر بطريقة سلبية عشان اللي بتشوفه من مشكلات الزواج وحالات الطلاق المنتشرة في مجتمعنا حاليا حاولي تفهمي مخاوفها وانصحيها إنها ما تعممش التجارب السيئة عليها وان لو فيه حالات كتير فاشلة شافتها تتعلم من اخطائهم وتحاول تاخد الأمور بشكل إيجابي.. الاحتواء والتفاهم يحل أي مشكلة ما تعارضيش أفكارها لأنها هتعند معاكي افهمي أفكارها الأول وبدلي الأفكار السلبية بإيجابية
تم النشر الاثنين، ٧ نوفمبر ٢٠٢٢
اهلا بحضرتك .. بالنسبة للحجاب اديها وقتها، من الواضح أنها عنيدة، أو فكرها حر. اديها وقتها، لكن بلاش تحاولي تجبريها على حاجه، حضرتك ممكن تحاولي تتكلمي معاها ولكن بصورة توجيهية مش أكتر، قربي منها أكتر حاولي تعرفي تفكيرها وناقشيها بالمنطق. وفي الاول والاخر ايا كان هي المسؤولة عن قرارها. بالنسبة للموضوع الثاني من ناحية الأطفال، فعلا في فئة تفكيرها اللاانجابية، فكرهم فعلا أن ليه نجيب اطفال في عالم سئ! علشان حضرتك تقدري تتكلمي معاها، فكرة أن تقولي لها الكلام ده اللي هو مفيش عريس هيرضى أو كلام ما شابه، هي هتعند أكتر، وهتصمم على وجهة نظرها. محاربة الفكر هتبقى بالفكر الحل انك تقربي منها وتسمعي لها، وتناقشيها ولكن بالمنطق، مش هي تفكيرها بالنسبة إليها منطقي، يبقى حضرتك هتدخلي إليها من الناحية ديه. ممكن تقولي لها، يعني مثلا مين قال إن العالم جميل كل الوقت، مين قال إن العالم اللي احنا عايشين فيه جنة .. احنا مش في الجنة ! علشان نقول إن العالم لازم يبقى حلو علشان احقق كذا وكذا. بالعكس، هي ممكن تحاول تخلي العالم ده أفضل، يأنها تنجب أطفال تربيهم تربية سوية وكويسة، يبقوا هما المستقبل الجميل اللي بتحلم بيه. هل ربنا مش عارف إن العالم سئ ؟ ليه أساسا اتوجدنا، ليه الناس بتعمل أسرة وتنجب، ليه وليه وليه؟ ليه بتحصل أشياء سيئة في المجتمع، مع إن ربنا قادر على كل شئ وقادر أنه يخليها متبقاش ليها أي وجود، ليه في شر؟ لأنها الدنيا، إحنا يعتبر في مسرحية .. كل واحد بيمثل المشهد بتاعه في وقته لحد ما يخلص. عمر ما الدنيا ما هتكون الجنة، حتى في أحسن بلاد العالم اللي ممكن تكون كويسة كمان من وجهة نظرها، برده فيها حاجات مش لطيفة. ببساطة لاننا على الأرض.! كمان حاجة .. مش معنى إن في أشياء سيئة حواليها يبقى هي هتمر بنفس التجارب، بالعكس، كل واحد ليه تجربة مختلفة تماما عن التاني. احنا مش زي بعض... هتبقى بتظلم نفسها أو قارنت تجارب الناس بتجربتها هي. حضرتك اتكلمي معاها يالمنطق، وحاولي تقربي من تفكيرها، هي مش عايزة حد يهاجمها، هي محتاجة تطمن اولا، وحد يقرب منها، ويفهمها، علشان تقدر تحكيله اكتر. ولكن لو متغيرتش هي برده مسؤولة عن نفسها مسؤولية كاملة، مقدرة خوف حضرتك عليها، ولكن حسسيها أنك بتديلها المساحة، وناقشيها بهدوء في النقاط الأخرى. دمتي بخير وبأفضل حال
تم النشر الثلاثاء، ٨ نوفمبر ٢٠٢٢
ربما حضرتك عاملة أكثر من حساب وبتحاولي تعدلي السؤال من حساب غير الحساب اللي كتب السؤال من البداية
تم النشر الاثنين، ٧ نوفمبر ٢٠٢٢
لو سمحتوا ازاى اعمل تعديل للشكوى
تم النشر الاثنين، ٧ نوفمبر ٢٠٢٢
والله هي كدا معندهاش مشكله هي ممكن عشان البيئه اللي فيها موصللها حاجه غلط وكدا بس انشاء الله تلقلها ابن الحلال يارب
تم النشر الاثنين، ٧ نوفمبر ٢٠٢٢
قدر لو واحد اتقدملها وهو سنه كبير ورافض الانجاب هل هتوافق
تم النشر الاثنين، ١٤ نوفمبر ٢٠٢٢
بضغط بيجيلى حاجتين بس) مشاركه وابلاغ (
تم النشر الاثنين، ٧ نوفمبر ٢٠٢٢
حضرتك بتضغطي على الزرار اللي فيه ٣ نقاط (...) وهتلاقي فيه زرار لتعديل السؤال
تم النشر الاثنين، ٧ نوفمبر ٢٠٢٢
مهتم
تم النشر الاثنين، ٧ نوفمبر ٢٠٢٢
لعرض السؤال في فدني اضغط هنا