لو سمحتم ازاى اتعامل في موقف زى ده
والدتى تكلم رجال زمايل والدى وهو ميعرفش وانا كلمتها قبل كد ووعدتني ان مش هتعمل كد تانى ولكن رجعت والبداية بسبب انسان حقير قريبها من بعيد وقعد يستدرجها ويتكلمو في حجات مش كويسة وانا الموضوع مدايقني وكل شوية بقت نشيطه وتخرج تطول بره وتروح تجيب طلبات عشان تتكلم بحرية ومحدش يسمعها وتتكلم بصيغه انها بتكلم واحده ست وبتدخل تقفل الباب علي نفسها كتير وسايبه عيالها وتعليمهم والعيال محتاجين حد يساعدهم وانا شخصيا مش عارف اساعد نفسي انا مدمن عاده سرية وسوشيال ميديا وداخل اولي جامعه نفسي اطور من نفسي ولكن مش عارف عندي كتابين منهم العادات السبع للمراهقين الاكثر فاعليه بس مش بقرا فيه الا لما انزل اقعد ف كافيه او مكان هادي ونفسي اخلصه وعايز ارتب غرفتي وادهنها ولكن مقيد كل يوم زي اللي قبله ومن ساعه مخلصت امتحانات وانا بضيع وقتي علي الفون من غير ماتعلم اي مهارة ساعدوني من فضلكم ، مش عايز اقول لخالي علي موضوع امي لانه هياخدها يحبسها ف اوضه وهيعذبها حرفيا انا مش عارف اتصرف بكره بابا يروح شغله وهكلمها مش عارف اقول اي لانه بابا متغرب طول الاسبوع بيجي يومين فقط خميس وجمعه ارجوكم ساعدوني بالله انا نفسي انزل جيم واظبط جسمي لان جسمي بايظ حرفيا بس مفيش فلوس والعيشة صعبه اصلا وتجي هيا تصعبها اكتر باللي بتعمله وكمان علاقتها بوالدي مش قوية كلها مشاكل وغير ان في مشاكل في البيت مع مرات عمي لدرجه اني قولتلهم انا هشوف اوضه فوق اي سطح اعيش فيها لوحدي انا اتحطمت واتدمرت نفسياً
انا نفسي اطبق الايه دي ف حياتي
"عليكم انفسكم لايضركم من ضل اذا اهتديتم "
بس مش قادر وبعاني من التفكير الزايد ومبقتش عارف الاقيها منين ولا منين ساعدوني ي اخواتي وشكرا ليكم مقدما
بص الاول اتكلم مع مامتك بالراحة وتفاهم، مش لازم تنزل جيم عشان تعمل رياضة اتمشي ف الشارع انزل اجرى، نزل تطبيق للرياضة وطبق اللى فيه، ده هيشتتك شوية عن العادة وانت عندك فراغ كبير عشان كدة هتفضل تعملها كتير الفكرة كلها انك تشغل نفسك بأى حاجة، امسح اى حاجة ممكن ترجعك للدايرة دى، اتعلم حاجة جديدة ليها علاقة بمجال كليتك مثلا اللى هتدخلها، اعمل ربع ساعة بس تقرأ فيها او اسمع الكتب زى قناة دوباميكافيين دى جامدة ف تلخيص الكتب، الفكرة كلها انك تبدأ وتتحرك من مكانك
تم النشر الجمعة، ١٨ أغسطس ٢٠٢٣
ازاى تتعامل ....كل اللى انت بتعمله هى محاولات كلها توتر ايوه البداية من عند نفسك الاول تقييم الوضع ووصفه بشكل مناسب : امى مضطربة نفسيا بسبب نقص احتياجات واضح جدا ( ده مش مبرر ) احنا بنوضح الامر بس . اابتلاءات يمكن ان تكون فى الاباء او الابناء ....انت فى ابتلاء متمثل فى وضع والدتك هذا . تعمل ايه ؟....تبدأ بنفسك ...عملا بالايه الكريمة ( إن الله لايغير ما بقوم حتى يغيروا ما بأنفسهم ) .....مفيش حاجة هتبدأ تتغير الا لما تغير اللى فى نفسك انت من خلل . متطلبش من حد يعدل مساره وانت نفسك غير منضبط ...ع الاقل تعرف تخليه يتكسف حتى من نفسه ....لعل ده يكون السبيل لتستفيق امك من غفلتها. بعد ما تكون انت افضل واهدى باذن الله ....ابدأ قرب لامك وخليك زى خيالها ....انت راجل ..بتسيبها تروح مشاوير يه لوحدها ...اعمل ده برحمة وبنوع من الالفه بينك وبينها ....دون ذكر الموضوع الغلط ...عشان فى حته عند الاباء ممكن تكون شبه العند كده ...فبلاش نتعامل فيها خالص .
تم النشر السبت، ١٩ أغسطس ٢٠٢٣
انظر يا أخي استغفر كثيرا جدا وصل علي النبي بآلاف المرات في اليوم وسوف تري المعجزات وصلي الفروض الخمس
تم النشر الجمعة، ١ سبتمبر ٢٠٢٣
• أنصح والدتك بالطلاق من والدك إذا كانت لا تُريد أن تُكمل مع والدك ، أفضل من أن تخونه بهذا الشكل ، وبالنسبة للعادة السرية أغتسل وصلي ركعتين توبة للَّه واعد ضبط هاتفك ولا تدخل هذه المواقع مرة أُخرى وكلما شعرت برغبة في أداء هذه الفاحشة أنزل من المنزل ، وعليكَ بغض بصرك عن النساء ، وأرى أنكَ كبير كِفاية لتعمل ، وتعتمد على نفسك حتى تأتي بمصاريفك الشخصية ، ومن الممكن أن تعتني أنتَ بأخواتك نفسيًا طلما أن الوالدة مُهملة.
تم النشر الخميس، ٢٥ يناير ٢٠٢٤
لعرض السؤال في فدني اضغط هنا