انا شخصية بتاثر اوي باللي حواليا وانتقاداتهم وبتصرف فيها غلط حاسة ان اخويا بيكرهلي الخير في دراستي وشغلي فنتيجة لده اي قرار يخص الحاجات دي بحاول اخفيه عنه اختي كمان بحسها عاوزة تكون احسن مني فانا ببقي الاوحش ولما بتيجي خناقة بستغل ده واطلع اللي في قلبي مش عارفة اشتغل بدماغ صافي دايما بفكر انه لو بقي معايا فلوس اكتر منه هياذيني مع ان اخواتي البنات بيشتغلوا واختي الصغيرة بتدرس برضه اكيد يعني فايه الحل لده وازاي اتجاوزه ده
ممكن الي حساه صح وممكن لا في ناس مبتعرفش تعبر عن مشاعرها بأنه مبسوط فيكي أو بنجاحك بس المهم انك متخليش الخوف من انك تعتقدين أنه بيتمنى لك الشر يكون سبب توقف نجاحك في الاخير هي سنوات وسنة الحياة كل واحد حيعيش في بيت ثاني إن شاء الله فشدي حيلك وحافظي على اذكارك واحسني الظن فيه أنه لايستطيع أن يعبر عن مشاعره بأنه مبسوط بنجاحك فبيكابر لاني اعرف أشخاص كده هم مبسوطين بنجاح أخواتهم بس مبيعرفوش يقولوا مبرك بتلاقي وجه تقلب وكده وابتسامه صفراء يمكن لانه جواه اصلا احساس انه بيقول أنه فكرك حتحسي أنه غيران منك فأنتي فكراه بيتمنى لك الشر فتفكيره داخل على بعضه بيقول جواه لو قلت لها مبروك حيبان اني كده طب لو ابتسمت لها ممكن يبان كده فمش عارف يعبر لك عن فرحته بيكي فيبان عكس كده ومش مشكلة انك متقوليش انتي حتعملي ايه او انجازاتك ايه استعينوا بقضاء حوائجكم بالكتمان
تم النشر الثلاثاء، ١٣ أغسطس ٢٠٢٤
أهلاً بيكي، بجد أنا فاهمة مشاعرك، التوتر اللي بتحسيه من حولك ممكن يكون صعب أوي. أول حاجة لازم تعرفي إن تأثير الآخرين علينا شوية بيكون طبيعي، بس مهم نحاول نتحكم فيه. حاولي تشتغلي على ثقتك بنفسك. ممكن تبدي تتجاهلي الانتقادات السلبية وتحاولي تركزي على أهدافك. حاولي تقولي لنفسك إنك قوية وكفءة، ومش محتاجة تقارني نفسك بحد أو تستخبّي منه. كل واحد عنده طريقته وأسلوبه في النجاح، ومافيش داعي للمقارنة. حاولي تشوفي الإنجازات اللي عملتيها، حتى لو كانت صغيرة. احتفلي بيها! وكمان حاولي تتكلمي مع أخوكي وأختك بوضوح. قولي لهم إنك محتاجة دعمهم بدل ما تحسي إنهم ضدك. التواصل بيساعد في فهمهم لمشاعرك. وأهم شيء، اتذكر دائمًا إن النجاح هو رحلة، وكل واحد عنده مرحلته الخاصة. حاولي تشتغلي على نفسك وتطوري مهاراتك، وهذا هو المكان اللي هتحسي فيه بالثقة والسلام النفسي. خلي عندك إيمان بنفسك، وإن شاء الله الأمور هتتحسن. لو محتاجة دعم أكتر أو نصيحة، أنا هنا وسعيدة أساعدك!
تم النشر الثلاثاء، ١٣ أغسطس ٢٠٢٤
حاولي تجنبيهم تمام ومش تخليهم يأثرو ع نفسيتك ركزي ع نفسك وع نجاحك صعب انك تحس ان الي حواليك مش بيتمني ليك الخير بس دا واقع لازم تتعايشي معاه حاولي بقدر الإمكان تجنبهم وتجنب المشاحنه معاهم حتي وقت الغضب حاولي تماسكي واستجمعي نفسك وما تقولي اي حاجه من الي بتحسيها منهم بختصار ركزي ع نفسك وسيبك من الكل
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا