انا ف تانية جامعة وكان ليا زميل ف ثانوي كنت بساعده بس هو حبني واعترفلي وحسيت اني مشدوداله هو كان باين انه كويس وطبيعي ف الاول مكنتش اعرفه كويس لمن لما عرفته كويس لقيت انه متشائم دايما وكاره الحياة والدنيا والناس هو محترم جدا جدا وبيحبني اوي لكن من كتر ما هو مكتئب خلاني اكره الحياة والعيشة ودايما عايش في دور الضحية ف تعبت منه وسبته وبعدت ولكن هو لسه بيحبني ولسه لغاية دلوقتي عايزني وبيحبني ولكن لسه زي ما هو متغيرش وانا حاسه اني بطلت احبه بسبب طبعه دا بس خايفة اسيبه ومرجعلوش تاني اندم او يحصله حاجة واشيل انا ذنبه هو مستعد يعمل اي حاجة عشاني مش عارفة اعمل اي
لنضع جانبًا أن علاقتك به خارج الإطار الشرعي لا تصح ولنعتبر أنه سيتقدم لخطبتكِ والزواج منكِ... اسألي نفسكِ الآن، هل تعتقدين أن الحب يكفي لينجح هذا الزواج؟ حتى هذا الحب سيختنق مع الوقت وستكرهينه أكثر ولن يبقى أي شعور داخلكِ سوى كراهيته والنفور منه. وانزعي من رأسكِ تمامًا فكرة (I can fix him) لأنها فكرة حمقاء ولن تجدي من وراءها غير الوقوع في فخ علاقة سامة تمتص روحك وتدمر نفسيتك. شخص كاره للحياة وهذه طريقة تفكيره سينعكس هذا عليكِ وقد حدث بالفعل وأنتِ تحاولين النجاة بنفسكِ... ابتعدي إذن. إن تنبه للخطأ في نفسه والمشكلة لديه وبدأ يتغير وقرر العلاج وتغيير نفسه للأفضل وما زال متمسكًا بحبه لكِ فليتقدم وقتها وساعتها تفكرين أما الآن فلا أنصحكِ بمتابعة هذه العلاقة، أولًا لأنها لا ترضي الله... ثانيًا لأنك تتأذين وستتأذين أكثر إن استمريتِ معه بدافع من الشعور بالذنب تجاهه.
تم النشر الأربعاء، ٣١ يوليو ٢٠٢٤
السلام عليكم ورحمه الله وبركاته القرار اللي انت قررتيه هو قرار الصح. ده شخص مش مناسب معاكي لان هو مش هيخليك استقبلي الحياه بشكل افضل ولا تعرفي تتعاملي بشكل متفائل ولا تتحركي خطوات لقدام لان هو في صفات بتعمل لك انت بشخصيتك انت بنفسيتك انت بتعمل لك شكل من اشكال الاحباط وهت هتاثر عليك تاثير سلبي فايه الداعي ما فيش اي داعي وااا الحاجات اللي انت خايفه منها دي حاجات تخص هو ان هو بقى يعني. يزعل اوي او ان هو ما يستحملش قرارك ده او تشيلي ذنبه هو مفيش ذنب هنا اصلا كل الكلام ده يعني حاجات انسيها خالص وتندمي يا تندمي على ايه يعني شخص محترم وكل حاجه مش دايما بنرفض الناس عشان خاطر هم مش محترمين ومش كويسين وفيهم صفات بشعه لا هو ممكن يكون الانسان اخلاقيا كويس جدا واجتماعيا كويس جدا ولكن فيه صفات شخصيه مش هتناسب مع صفاتي انا الشخصيه انا ده اللي بنسميه التوافق بس فهنا مفيش توافق موضوع بسيط جدا فخليك يا بنتي على نفس طريقك واقفلي الموضوع ده نهائي. مفيش داعي تفكري فيه ثاني خالص.
تم النشر الأربعاء، ٣١ يوليو ٢٠٢٤
بصي حاجه من الاتنين يا إما تعرفي تغيري تفكيره وطريقته وأسلوبه ويبقي انسان كويس وترجعيله أو انك تبعدي عنه لأن الصفه السلبيه دي هتأثر عليكي فما بعد تأثير سلبي
تم النشر الأربعاء، ٣١ يوليو ٢٠٢٤
أولًا، حبيبتي، حاولي تهدي نفسك وتفكري في مشاعرك كويس. واضح أنك تحبينه بس كمان بتحسي أن طبيعته السلبية بتأثر عليك. كونه متشائم وكاره الحياة ممكن يكون عبء كبير على أي حد معاه، ومش لازم تشيلي مسؤولية مشاعره. صحيح أنه محترم وبيحبك، لكن عشان تكوني سعيدة في العلاقة، لازم يكون في توازن بينكم. فكري: هل تقدري تقبلي طبع شخصيته كما هو؟ أو هل تقدري تساعديه يتغير ويتحسن؟ إذا كنت متأكدة إنك محبة له فعلاً وبتقدري تدعميه، ممكن تفكري في وضع حدود صحية للعلاقة. بس إذا كانت مشاعرك تغيرت خلاص، فممكن اختيار الانفصال يكون الأفضل. طول ما أنتِ متعبة من هالموقف ودايمًا خايفة من شعور الندم، يبقى أكيد في حاجة محتاجة تتغير. أحيانًا البعد عن شخص متشائم ممكن يساعدك تلاقي سعادتك. ومن الممكن أنه هو، مع الوقت، يتعلم يعتمد على نفسه ويتغير. في النهاية، اختاري بما يريح قلبك وعقلك. ولا تنسي، انتِ تستحقين السعادة والدعم كمان!
تم النشر الثلاثاء، ٣٠ يوليو ٢٠٢٤
ابتعدي عنه !
تم النشر الأربعاء، ٣١ يوليو ٢٠٢٤
لعرض السؤال في فدني اضغط هنا