هل اعتراف البنت لشخص مشاعرها اتجاه يقلل منها مع العلم انها لا تعرف مشاعره اتجاها وهو دايما يشغل تفكرها وحاولات مرات نسيانه ولكن لا تسطيع ويؤثر على حالتها النفسيه
في الحقيقة الجزء ده يرجع للشخص نفسه، هو اللي هيحكم عليكي او بمعنى ادق هو اللي بنظرته هيقدر يشوفك بأنهي نظرة بعد كده. حاولي تلمحي له من بعيد لبعيد في الموضوع ده، تاخدي رأيه يعني في الموضوع ده، ايه وجهة نظره ف اعتراف البنت للولد بمشاعراها؟ هيشوفها ازاي؟ ولو حسيتي ان الموضوع مفيش فيه امل، يبقى احسن لك تبعدي عن الشخص ده نهائي، ولو كان زميل في الدراسة او العمل، يستحسن يتم تسطيح العلاقة ديه وديه تكون علاقة زمالة فقط.
تم النشر الثلاثاء، ١٩ سبتمبر ٢٠٢٣
أهلًا بكِ عزيزتي.. أتفهم شعورك جيدًا هذا يعود لأخلاق الشخص نفسه ونظرته للأمور، فما اعتدنا عليه أن هذه الفكرة غير مقبولة بالمرة، ولكن تختلف الآراء لإقبالك على المصارحة بذلك. كما قلت لكِ هذا يعود لقدرتكِ على الاعتراف بذلك أولا، ثم شخصية الشاب نفسه لكن يمكنكِ توسيط شخص ثقة (ولا بد أن يكون وسيط ثقة بالفعل) ليتأكد من أن ذلك الشخص قد يبادلك ذلك الشعور. أعلم أن شعور الحب ليس بيديكِ، ولكن لقلبك عليك واجب بأن تصونيه وتحفظيه بعيدًا عن العبث به، فإن لم يكن ليحفظك وقادر على أن يجعل علاقتكما في رضى الله، فاعفِ عن قلبكِ وحاول نسيان ذلك، واشغلي قلبك بالاهتمام بنفسك لتكوني أفضل حتى يأتي من يستحقه ويحفظه. حفظ الله قلبك يا غالية ❤️
تم النشر الاثنين، ١٨ سبتمبر ٢٠٢٣
السلام عليكم يا اختى فعلا الحب جميل بس برده لاننكر انه سيف له حدين الحد الايجابى منه (الكويس يعنى)انه يكون بالحلال وده اكيد يشمل انه يكون فيه صله رسميه وشرعيه بينك وبين الطرف التاني،اما السلبي (المش كويس)انه يكون فيه شبهه تحريميه تؤدى الى فساد الاخلاف وكسر العرف والتقاليد، فحضرتك انك كنتى بتحبيه بجد من قلبك فأنتظريه يخش البيت من بابه،اما اي حاجه غير كده تدور حول(الكلام في الهاتف,المقابلات)فهو ده اللى يقلل منها ويرخصها. وربنا يجبر بخاطرك ان شاء الله
تم النشر الثلاثاء، ١٩ سبتمبر ٢٠٢٣
لو شايفه انه شخص يستاهل انك تبدأي انت الاول أبدأي ، لو شايفه انه ممكن فى وقت يقولك سيبيها عليه وده الحل اللى انصح بيه
تم النشر الأربعاء، ٢٠ سبتمبر ٢٠٢٣
بلاش أفضل الصبر
تم النشر الثلاثاء، ١٩ سبتمبر ٢٠٢٣
هو اللي انا عارفه ان الراجل اللي بيبادر ويبدأ بالاعتراف وكدا ... بس اللي اقدر اقوله ل حضرتك حافظي عل قلبك ومتخليش اي حاجه تأذيه بجد عشان هتندمي لو لقيتي رد فعل حضرتك مش متوقعاه ف ليه نأذي نفسنا ... اه الحب مش ب ايدينا بس ب ايدينا نحافظ عل نفسيتنا وحياتنا من مشاكل الحب وكدا ... وتأكدي ان الشخص دا لو نصيبك ف هيبقي ليكي من غير اي حاجه . وبالتوفيق ي رب وربنا يريح بالك وقلبك ان شاءالله
تم النشر الثلاثاء، ١٩ سبتمبر ٢٠٢٣
لعرض السؤال في فدني اضغط هنا