ما سبب تجاهل ولد ليا بعد اهتمامه الكبير؟ في ولد معايا فالكلية كان بيعاملني حلو جدا فالشات لدرجة اني استغربت وانا مفيش بيني وبينه حاجة ففاكرته معجب بيا وبصراحة اعجبت بيه عشان حسيت انه بيقدرني جدا وانا كنت برد عادي ومن غير ايموشنات ولا اي حاجة لكن هو مهتم بزيادة واتعلقت بيه بس بمجرد ما كلمته انا من نفسي بعد كده وسألته لي مجتش النهردا تجاهل المسدج وفجأة تجاهلني تماما نفسي اعرف لي انا عملتله اي ولي اتعامل معايا بالطريقة الغريبة دي!!
الحياة ( مواقف ) مش موقف واحد .. اولا اسمحي لي أبدي اعتراضي علي اي علاقة برا إطار الجواز او الارتباط الرسمي و قولي عليا رجعي متخلف دقة قديمة و كل ده و ده عن تجربة و حرصا علي مشاعرك انها فيما بعد تدمر او انك تمري بتجربة فاشلة فتسبب لك احراج أو أنك تستهلكي مشاعرك و طاقة حبك علي انسان مش من نصيبك و بعد كده تنفصلوا بدون توفيق و لما تلاقي نصيبك قلبك يبقي مستهلك و مش قادر يبادل الحب و المشاعر بصدق لأنه استهلكها و خلصها في تجربة سابقة ( للشباب الذكور أساليب عجيبة علشان ( يجروا ) بيها رجل البنت للحب او لأي غرض ما في دماغهم ) خليكي حذرة بلاش في رحلة بحث عن فارس أحلامك تنسي حذرك ، و من ثم أشياء اخري ، نصيحة أخوية سيبك منه و ركزي في مستقبلك أفضل ..
تم النشر الأربعاء، ٢٥ سبتمبر ٢٠٢٤
من كلامك غير مفهوم هل كلامه في الشات كان فيه اهتمام مبالغ زي عاملة إيه وروحتي وذاكرتي ولا لأ والجو ده ولا كلام عادي بس انتي تهيألك إنه لطيف ومهتم؟ يا إما هو كلامه كان عادي وانتِ فسرتِه غلط ولما أحس إنك بتسألي بطريقة شخصية فيها اهتمام قرر يوقف الموضوع قبل ما يتطور. يا إما هو بالفعل كان فيه اهتمام ولطف زيادة بالطريقة اللي بيتبعها الشباب في إنهم يبدوا اهتمام كبير ويعلقوا البنت بهم وبعد كده يختفوا لفترة ويرجعوا بعدها تكون البنت خلاص تعلقت ومشتاقة وبعدها طريقه معها هيبقى سهل ومش هتحب تزعله في أي حاجة بعد كده عشان ميختفيش. يا إما زي ما كوتش ياسمين قالت عادي الشباب بيهتموا قوي بالبنت وبعدين بتبقى عادية بعد كده وفقدت رونقها وبيدور على واحدة غيرها يهتم بها شوية لحد ما يمل. أيًا كان هو إيه من الاحتمالات دي فمتضيعيش وقتك في التفكير فيه ولا في التعلق ومش الكلام في الشات هو اللي هيحدد علاقتك بالناس خاصة الشباب. خلي قلبك ومشاعرك محفوظة بأمان لحد ما يجي اللي يستحقها واللي لما يعرف إنه بيحبك وعاوزك في حياته هيجي لحد بيتك ويطلبك من أهلك، غير كده طنشي أي اهتمامات وكلام معسول من الشباب وخلي علاقتك بهم في حدود الاحترام وآداب الاختلاط الشرعي في ديننا. بالتوفيق.
تم النشر الأربعاء، ٢٥ سبتمبر ٢٠٢٤
لا اتعودى ان الولاد بيكونوا لطاف اوى مع اى بنت لسه بيتكلموا معاها جديد وبعد كده خلاص بتبقى عادية وبيروحوا بنفس اللطافه لبنت اتعرفوا عليها جديد بردوا اتعودى انتى تتعاملى مع اى ولد للضرورة بس وهيكون ليكى شخصية تخليهم هما اللى يتسائلوا هو ازاى البنت دى هى اللى بتتجاهل كده ومش بيفرق معاها الصناره بتاعت الكلام الحلو بتاعنا
تم النشر الأربعاء، ٢٥ سبتمبر ٢٠٢٤
اي قصدك بيعاملك حلو جدا في الشات ؟ بعدين كلامه في الشات مش هو اللي يحدد اهتمامه بيكي يمكن شاف انك انتي كمان مهتمة بيه فقرر يتجاهلك او ممكن مضغوط علي كلام ذكيه بس انا بشوف ان ولا ضغط ولا اني مش في المود يخليني أتجاهل غيري بعدين انا هكلمك بصراحه متزعليش مني يمكن نصيحه من اختك الكبيره بعض الشباب بعد م يوصلوا لغرض عندهم بيبان طريقتهم وأسلوبهم الحقيقي يمكن كان عايز يلفت انتباهك في الاول وشاف انه صعبه ان يكلمك، ولما شافك مهتمة وسألتي قرر يظهر لك جزء من اسلوبه بعدين هو كدا خلاص وصل للي عايزه انه كلمك بعدين معلش يدخل شات ليه دا زميل جامعه يعني لو في حاجه عايز يقولها ف تبقي في حدود الكليه وفي الجامعه نفسها مش في الشات
تم النشر الأربعاء، ٢٥ سبتمبر ٢٠٢٤
لعرض السؤال في فدني اضغط هنا