انا متقدم ليا عريس صالونات بس معنديش خبره او تجربه مسبقه في نوعية الاسئله او المواضيع للي ممكن اتكلم معاه فيها وازاي اقدر اعرف شخصيته كويسه ولا وازاي اتكلم في ان هو يعني منتظم في صلاه ولا وعلاقته بربنا اتمني لو تقدروا تنصحوني يعنى اعمل ايه
ربنا يوفقك ويقدر لك الخير اللقاء ده مهم جدا فحاولي تستعدي له بشكل كويس ومتكونيش متوترة ولا مرتبكه مهم جدا تكوني بطبيعتك وتكوني تلقائية متكونيش متكلفه في كلامك ولا لبسك ولا اي شئ مهم جدا جدا تعرفي وضعه الديني واساليه اسئله مياشرة زي ايه اخبارك مع الصلاة محافظ عليها بانتظام ولا بتقطع بتصلي في المسجد ولا لا حافظ حاجه من القران اسأليه عن طبيعة شغله وهل شغله مختلط مع رجال ونساء ولا رجال بس علاقته باخواته ووالدته واهله عموما هل بيحب السفر والانتقال ولا بيحب الاستقرار من كلامه هيبان ان كان شخص طموح وبيجدد في معلوماته وبيسعى لمستوى افضل ولا لا وهو كمان هيسالك عن حاجات تانيه تهمه فعتلاقي نفسك بداتي تكوني فكرة بسيطه عنه وعن شخصيته وهتشوفي نفسك مرتاحه ولا لا
تم النشر الأحد، ٣٠ يونيو ٢٠٢٤
أكيد يا حبيبتي، ممكن أفيدك ببعض النصائح: التعرف العام : اسألي عن شغله، هواياته، وأماكن السفر اللي حبها. دي حاجات تخلي الحديث خفيف وطبيعي. مثلاً: "بتشتغل إيه؟ وإيه أكتر جزء بتحبه في الشغل بتاعك؟" القيم والمبادئ : دي نقطة مهمة، زي علاقتك بالدين والحاجات اللي بتهمك في شريك حياتك. ممكن تسأليه زي: "إيه القيم اللي بتحبها في حياتك وحابب تتواجد في شريكة حياتك؟" الأسرة والأصدقاء : مهم تعرفي على علاقاته بأهله وأصحابه. اسأليه: "إيه علاقتك بأهلك؟ وصحابك مقربين منك؟" التخطيطات المستقبلية : اسألي عن خططه وأحلامه للمستقبل. مثلا: "فين نفسك تكون خلال خمس سنوات؟" الروحانية والدين : ممكن تسأليه بطريقة غير مباشرة عشان ما تحسسيه إنه امتحان. مثلا: "الدين عندك ليه دور مهم في حياتك اليومية؟" أو "بتحب تصلي في جماعة دايماً؟" الاحتياجات والتوقعات : مهم تعرفي آراءه في الحياة الزوجية. مثلا: "إيه اللي تتوقعه من شريكة حياتك؟" وفي النهاية، اتكلمي بطبيعتك جداً وخليكي على راحتك. الورقة والقلم وسجلي النقاط اللي عاوزة تناقشيها لو حبيتي، دي هتكون عون ليكي. فالك طيب يا حبيبة قلبي وربنا يسعِدك.
تم النشر الأحد، ٣٠ يونيو ٢٠٢٤
لعرض السؤال في فدني اضغط هنا