السلام عليكم ....انا البنت الكبيره وليا اخ صغير انا اكبر منه ب ٨ سنين ...
والدتي تعبانه ومش بتقعد معاه كتير وانا خايفه انه يكبر مش فاهم حاجات كتير زي الدين والدنيا بما فيها ...حاولت اكون انا اللي بوجهه بحسب خبرتي المتواضعه ...بس ف حاجات ف شخصيته فعلا مؤذيه..هو عنده ٨ سنين ...
اولا هو مادي جدا مش بيحب يصرف اي حاجه من اللي محوشها..ثانيا اي حاجه تجيله هديه بقي عزومه كشري حتي لازم يسأل بكام مش عارفه ايه الهدف من كدا ...قولتله علي الموضوع دا غلط وان الفلوس اتخلقت عشان تتصرف فبقي حافظ مش فاهم....ثالثا ..في اي لعبه اي كانت لازم هو اللي يكسب مش عارفه هل دا طبيعي ف الاطفال ولا انا اللي مكبره الموضوع ..ف بحاول دايما انه يخسر لو انا بلعب معاه ....رابعا ...دايما هو عارف كل حاجه ف اي حاجه ...لا انكر انه عارف حاجات انا كاخته الكبيره مش اعرفها بحكم المنهج الجديد بس دا اداله نسبه كبر .....لا انكر انه متفوق علي زمايله ف حاجات زي الدراسه وحب المدرسين له وشهرته في المدرسه لانه ف الاذاعه ...بس بقيت بحس منه انه شايف نفسه محدش زيه .....كمان لكاك بيتكلم كتير ...عاوزاه يبقي راجل يكبر راجل ..هو هادي جدا بالنسبه لسنه ومش بيحب الدوشه ..بس دا انا حساه مش طفل عوزاه يلعب ويتنطنط ويتشقلب ..المشكله انو مش ليه صحاب ..حتي جاريننا يلعب معاهم شويه ويتخانقوا ممكن عشان هما اكبر منو ..وهو عامل انو عارف كل حاجه ..مش اعمل له ايه ؟
وعليكم السلام اخوكى عادى وتصرفاته مفيهاش مشكلة بالنسبة لسنه ....انتى كده اللى بتضغطيه شويه هو فى سن بيتعلم واكتر حاجة تعمليها انك تقوى علاقتكم ببعض انك تكونى بتسمعى منه وبتمدحيه على مميزاته وبتدعميه فى الغلطات وتفهميه ما شاء الله الولد شخصية مش تافه يعنى ..وانه يكون بيسأل على سعر الحاجة مش معناها انه مادى ....دايما اسأليه على سبب سؤاله ولما يعرف هيعمل ايه ..ولو لقاها غاليه هيعمل ايه ولو رخيصه هيفكر فى ايه وهكذا اعتقد انك سنك بردوا صغير فمحاولاتك فى التوجيه تحترم وانتى نعم الاخت فعلا انك خايفه على اخوكى ..بس التوجيه الافضل انك تسمعى الاول منه وتفهمى وتعرفيه الحاجات دى بيتعمل فيها ايه ( لو انتى تعرفى بالظبط ومش وجهة نظرك ) او تروحى انتى وهو تستفسروا من حد كبير ويفهم انه لازم يسأل الكبار بالتجربة الحقيقية هو كمان طبيعى يحس انه فاهم اكتر من اللى فى نفس سنه ..لان ممكن غياب اب او اخ ذكر تانى فى البيت بيخليه شايف وبيتكرر عليه طبعا انه راجل البيت فهو واخد الوضع ده ببساطة .
تم النشر الثلاثاء، ٥ مارس ٢٠٢٤
وعليكم السلام ورحمة الله وبركاته بصي أولا كدا ربنا يبارك ف مامتك ويديكي الصحة ، بتقولي خايفة ليكبر وميفهمش حاجات كتير اقولك متقلقيش الدنيا مدرسة وكلنا بنتعلم منها كبير وصغير وبعدين أمور الدين لو تقدري ساعدية علمية يصلي ودية مقرأ يحفظ القران شجعية علي حفظة وكل م يحفظ كافئية ب شوكولاتة مثلا اي حاجة طفل بيفرح وهو اللي هيحب وهيطلب منك يروح المقرا ، بعدين بتقولي مادي طيب دا حلو بيحوش😂 بخصوص انو بيحب يكسب ف اي لعبة بيلعبها دا نا شيفاه طبيعي اخواتي من نفس عمرة بيحبوا يكسبوا ف اي لعبه وعلمية عادي لو خسر ف لعبة بلص كملي علي كدة بتقولي بخسرة لما بلعب معاة دا صح كدا هيتعلم زي م فية مكسب فية خسارة ازي بقي هنا بتقولي فاهم كل حاجة وضحيلي😂 الاطفال عقليتهم محدودة ف السن داا إنما ف الدراسة عادي قلقانة لي بتقولي متفوق ف دراستة محبوب وسط مدرستة وكمان لي شهرتة في المدرسة يعني بجد مشاء الله مش شايفها حاجة تقلق دا غير بتقولي شايف نفسة اسمها واثق من نفسة طيب حلو فين المشكلة ، وبتقولي رغاي كل الأطفال رغاين في السن دا وبتقول هادي مش شرط كل الأطفال اشقية فية الهادي وفية الشقي وبعدين بتقولي بيتخانق مع ابن جاركم يعني برضو فية من الشقاوة
تم النشر الثلاثاء، ٥ مارس ٢٠٢٤
اخوكي ماشاء الله عليه و ان شاءالله هيكبر و هيبقي شخصية قوية ، حاولي انتي تسأليه و تفهمي منه اي حاجة هو بيعملها و تقومي سلوكه يعني هو بيسأل علي سعر الحاجة اسأليه هو ليه بيسأل و حاولي تصاحبيه و ربنا يديمكم لبعض ❤️
تم النشر الخميس، ٧ مارس ٢٠٢٤
قوليلي ازاي. قولتيلي ا اي.
تم النشر الثلاثاء، ٥ مارس ٢٠٢٤
اذا كنتي انتي سائله مسؤليته كامله. فاتطمني ده اخوكي مفعوش حاجه. ده هيطلع شخصيته قويه انا بصراحه كوول الكلام اللي انتي قولتيه ده مشيفه ش عيب. انا شيفاه مزاييا فيه
تم النشر الثلاثاء، ٥ مارس ٢٠٢٤
السلام عليكم حبيبتي. هو والدك ربنا يديلو طولت العمر عايش
تم النشر الثلاثاء، ٥ مارس ٢٠٢٤
لعرض السؤال في فدني اضغط هنا