حاسة ان دماغى مشتت جداً .. ايه الحل ؟ المشكلة دى مأثرة على حياتى اليومية و دراستى بشكل ملحوظ
لو فيه افكار كتير جدا في دماغك وبتلاقي علطول دماغك بتروح لكذا موضوع في نفس الوقت. او بتحسي انك عايزة تعملي حاجات كتير .. بس مش عارفه تعملي ايه ولا ايه. مش عارفه تبدأي ب ايه او ترتبي اولوياتك ازاي؟ الحل انك تفرغي كل الشحنة اللي في دماغك ديه على الورق .. وتبدأي تنظمي حياتك .. وطريقة مذاكرتك يعني مثلا .. ايه رأيك تعملي مذكرة كده للفضفضة .. اه تتكلمي فيها بقى عن كل حاجه بتحصل معاكي .. شعور حلو .. شعور سئ .. مواقف .. اي حاجة تطرأ على دماغك. تاني حاجة تعملي مذكرة ليومك قبل ما تنامي .. او بعد ما تصحي من النوم علطول .. شوفي اللي يريحك عموما واعمليه. هتحسي بفرق جامد جدا .. سواء لمذاكرتك او لحياتك عموما .. ان الانسان يكون مشتت وجواه حاجات كتير لو مستخدمش افكاره وكل الحاجات اللي بتطرأ عليه ومكتبهاش هيبقى ملغبط .. وافكار ودوشة في دماغه ومفيش اي حاجة فيهم منظمة. جربي الموضوع ده وقولي لنا تجربتك بعدها كانت ازاي وبالتوفيق
تم النشر الأربعاء، ١١ يناير ٢٠٢٣
الافكار الكتير الي في دماغك وبتشتتك ممكن تكتبيها زي مهي موجوده وبتفكري فيها عشان تفرغي جزء من الافكار الي معاكي بعد كده اختاري حاجه وحده تنفذيها وكل متفكيرك يوديكي لأفكار تانيه رجعيه للفكره الي انت محدداها تخلصيها وتدخلي للي بعدها ممكن تستعيني بحد معاكي في ده عشان كل متيجي تتكلمي ف كذا موضوع ويدخلوا في بعض ينبهك ترجعي للنقطه الاولى تخلصيها وتدخلي علي بعدها وفي المذاكره هتحطي كتاب واحد لماده واحده قدامك وشيلي من حوليكي اي حاجه تشتتك وتختاري مكان مفيهوش ضوضاء وتخلصي ماده تدخلي عالي بعدها وهكذا وفي تمارين تقدري تعمليها موجوده في لعبه شعله بتحمليها وبتحددي محتاجه تنمي ايه عندك الانتباه مثلا وبيدوكي العاب وتمارين مناسبه لسنك بتشتغليها وهتساعدك كتير
تم النشر الأربعاء، ١١ يناير ٢٠٢٣
يبقي خدي بريك و حاولي تحلي مشاكلك او تواجهيها، و تتعلمي تبقي عندك إمكانية انك تفصلي الحزن او التشتت او اي مشاعر سلبية ممكن تأثر علي ادائك لأعمال تانية و مفيش شيء بيفضل علي حاله مخنا كان وحش و اي مشكلة بتاخد وقتها و تتحل.
تم النشر الأربعاء، ١١ يناير ٢٠٢٣
انا مش باخد أدوية.. الحقيقة أن انا ماكنتش كدا خالص بس بسبب شوية مشاكل حصلتلى مؤخراً هى إللى قلبت حياتى كدا
تم النشر الأربعاء، ١١ يناير ٢٠٢٣
اي حد بيبذل المجهود ده علشان يشكل اسمه بحروف symbols اكيد هيبقي مشتت 😂.. ركز معايا.. 3 حاجات مهمة ساعات نوم كويسة تتراوح من 6 الي 8 مش اقل ولا اكتر، رياضة و نشاط الصبح حتي لو هتنزل تجيب طلبات للبيت او تجري شوية او تعمل مجهود، و اكل وجبات غذائية صحية صباحا و جبة الفطار مهمة.. بعد التلات نقط دول هات ورقة و قلم و اكتب عايز تعمل ايه النهارده و خصص لكل مهمة وقت معين، ثانيا لو مش عايز تكتب يبقي تلقائيا ركز في مهمة واحدة بس في المرة و متنقلش الا لما تخلصها.. اسباب التشتت نفسها.. هيه عدم الحصول علي ساعات كافية للنوم، عدم تناول الإفطار، عدم تناول غذاء صحي، الإكثار من تناول السكريات، و اخيرا التشتت بسبب الأعراض الجانبية لبعض الأدوية. و الاكتئاب.
تم النشر الأربعاء، ١١ يناير ٢٠٢٣
لعرض السؤال في فدني اضغط هنا