لو سمحت انا جالي برد م 4 ايام راقد ف السرير وجسمي مكسر وخدت حقنه امبارح فولتارين وديكسا باين والدكتور قالي هتهدي معاك الأعراض شويه انا فوقت شويه بعدها واداني واتحسنت امبارح والسخونيه اللي كانت عندي نزلت شويه حلوين ولكن مبنمش كويس نوم متقطع بالنهار وبليل مبقتش اعرف انام وحالياً زوري واجعني وبموت حرفيا بتنفس م بوقي ومش قادر اخد نفسي حتي والاهم ان عندي امتحان بكره ومليش نفس اذاكر خااالص وانتكست بسبب فيديو اباحي شوفته وحالتي النفسيه اتدهورت ومكنتش عايز اعنل كده بس مقدرتش اقاوم الرغبه الملحه دي واعصابي سايبه وعندي صداع وماسك الموبايل دايما والوقت خطر جداً والامتحان الصبح شفوي والدنيا بايظه معايا ممكن تساعدوني ف موضوع التنفس ده والمذاكره انا باخد دوليبران وسبترين كمان ولكن حاسس ان مفيش فايده والشئ الصعب ان البيت كله عنده نفس الدور نفسي اقدر اخد نفسي اعمل اي دور صعب ياريت رد سريع حالتي بتسؤء وشكراً
حمام بخار وضع فيه بعضا من اوراق النعناع الخضراء وملعقة من الملح الابيض واستنشق البخار تناول ملعقة من العسل وحبة البركة نسأل الله لك الشفاء العاجل
تم النشر السبت، ٢٣ ديسمبر ٢٠٢٣
بص ده لبلاء أو إبتلاء البلاء بيبقا انت مش ماشي علي صراط مستقيم (بعيد عن ربنا) فده بيبقا تحذير ليك الإبتلاء بيبقا خير ليك ومصلحة ليك وبيرفعك في مكانك في جنة وربنا بيبقا مبدرلك الخير ليك وعارف مصلتحك كويس فأنت بتقرر لو انت صاحب بلاء فبص لو انت أساسا عايز الهداية عايز طريق ربنا ده كويس وربنا هيهديك آخر ما جاء في الفاتحة اهْدِنَا الصِّرَاطَ الْمُسْتَقِيمَ مرتبطة ببداية سورة البقرة ... هُدًى لِلْمُتَّقِين فأنت لو عايز الصراط المستقيم وعايز تبقا من ناس صالحة دي فكتاب ده أو القرآن ده الي هيهديك وطبعا لو إبتلاء فده مصلحة ليك ولازم تصبر لحد ما ييسرلك أمرك ربنا
تم النشر السبت، ٢٣ ديسمبر ٢٠٢٣
لازم تعرف ان مستقبلك اهم بكتير من اي حاجه ولازم نتعب عشان نوصل و ربنا معنا اكيد مش هيسيب حد مهما هو ابتعد و الدليل انك حي واستغل فتره التعب في الاستغفار والاستماع للقرآن. وربنا بيبتلي عشان تتخلص من ذنوب تانيه فتوب لرحمه الله
تم النشر الأحد، ٢٤ ديسمبر ٢٠٢٣
يارب خير ان شاء الله
تم النشر السبت، ٢٣ ديسمبر ٢٠٢٣
سوايل دافية كتير ينسون حلبة بابونج وغيره.. بعد كده قوم اتوضى وصلي ركعتين حتى لو وانت قاعد وقول يا رب كن معي وأعني واغفر لي ذنبي ولا تحرمني فضل ما عندك بسوء ما عندي.. حاول تاخد حقنة مسكنة قبل ما تنام وحقنة تانية وانت رايح الصبح الامتحان عشان تقدر تقف وتمشي.. ربنا يشفيك ويعافيك ويتوب عليك
تم النشر السبت، ٢٣ ديسمبر ٢٠٢٣
لعرض السؤال في فدني اضغط هنا