مساء الخير
هو عادي اني أبقى فاقده شغفي في حياه كده مش قادره اعمل اي حاجه مش قادره احط مجهودي في اي حاجه مش عايزه اعمل اي حاجه في حياه وببقي شايفه نفسي بضيع وببقي عادي عندي كميه برود مش طبيعيه وطول وقت تايهه وطول وقت انا مش فاهمه اي حاجه في حياه ما عني عندي ١٨ سنه مفروض اكتر وقت يبقى عندي فيه طاقه وشغف وحاجات جديده اعرفها واتعلمها
واكتر فتره انا تهت اوي وبعدت عن ربنا اوي ومش قريبه منو خالص واي حاجه حرام قدامي بقت عادي انا مش عارفه حاجه وحاسه أن روحي مستهلكه اوي وتعبانه استنيت رمضان عشان اصلي واحس بالراحه لقتني بالنسبة لي زي اي ايام مبصليش يدوب بصوم بس وبلبس لبس ضيق وبيبن شعري وعادي 😑😑بقيت فاقده شغف في كل حاجه حتا صلاه حتى ابسط حاجات مش عايزه اعملها
فالمفروض اعمل ايه عشان افوق
السلام عليكم ورحمه الله وبركاته بصي مسألة فقدان الشغف دي كده يعني حدوته لوحدها خالص ويعني مش اي وقت هنحس ان احنا مش قادرين نعمل فيه الحاجات اللي ورانا او اي حاجه عموما هنقول ان احنا فاقدين الشغف يعني ده كده مفهوم خاطئ خلينا نتكلم على كل التفاصيل اللي انت بتقوليها وانك حاسه ان روحك مستهلكه والكلام ده هنا احنا في عندنا نقص في التوازن بتاع كل حاجه يعني وارد جدا تكوني عدت عليك الفتره اللي قبل دي تكوني كنت بتدي كتير جدا جدا جدا جدا وكنت مستنيه حاجات وما جتش فلذلك جايلك الاحساس بانك مستهلكه كده. وارد جدا برده تكوني في عندك احتياج عاطفي حصل فيه مشكله. فجأة حسيت انه خلاص بقى إنك متضايقه جدا ومسيطر عليك الاحساس ده من وقتها ومش قادره تكوني في حاله احسن. وارد جدًا تكوني بدأت تفقدي معنى انك موجوده بتعملي ايه اصلا؟ ده ممكن يكون له أسباب كثيره جدا في حياتك و ضروري بقى نسترجع المعنى انا موجود في موجود في الحياه عشان اعبد ربنا وانا موجود في الحياه عشان خاطر لازم يكون لي دور ايا كان انا سني قد ايه ايا كان انا بدرس دلوقتي ولا بشتغل لازم يكون ليا دور فعال من ساعة ما بصحى من النوم مش موجود وخلاص مش باكل وبشرب بس مش ماسك الموبايل بس لازم احس بقيمتي من خلال الحاجات اللي انا بقدمها اصلا ففكري كده انت بتقدمي ايه عموما وفكري برده انت بتاخدي ايه علشان تشوفي اذا كان في توازن ما بين اللي بتقدميه وبتاخديه ولا لا؟ ونبدأ من هنا ان شاء الله.
تم النشر الجمعة، ٢١ مارس ٢٠٢٥
اول حاجه السلام عليكم ورحمه الله وبركاته تاني حاجه عايز اقولها لك مساء النور. يعني بصي هو كويس انك انتي بتدوري على انك ان في حاجه مضايقاك في حاجه مزعلاكي عايزه عايزه تغيري عايزه تغيريها فدي حاجه كويسه. يمكن 18 سنه فطبيعي تكوني تايهه دي سنه يعني بنتعلم في نضج في حاجات بتبقى غلط في حاجات بتبقى صح في حياتنا. بس عايز اقول لك ان ان الحل الامثل، ان الحل الصح لكل مشاكل حياتنا الصلاه الصلاه والصبر حاجه كويسه. فهي يعني هي دي اللي هتعدل حياتنا هتعدل قلوبنا هتعدل اسلوبنا هتعدل كل حاجه. وان الصلاه هي الحاجه اللي هتخلينا مكملين في الحياه يعني اهم يعني ربنا عز وجل بيقول ليك وما خلقت الجن والانس الا ليعبدون يعني احنا ربنا خلقنا في الدنيا دي العباده. عادي بنشتغل وعادي نذاكر وعادي نعمل كل حاجه بس اهم حاجه الصلاه. بصي طبيعي انك تكوني تايهة بصي هو انا بقول الكلام ده عشان انا متضايق برضه بس بحاول أعدل الغلطات اللي عندي. ما هو عشان انت تعدي من اللي انت فيه ما ينفعش انك تفضلي في نفس النقطه لازما تغيرت فانت لو هو ورقه وقلم طب انا ايه الحاجات اللي مش بتخليني اصلي كذا كذا كذا الحاجات اللي مانعاني فلو انا اللي هو افرز حياتي كده من صحابي من من ان انا ما بصليش ليه من تليفوني انا اللي محطوط فيه ومذاكرتي اللي هو انا عندي لكل ده واشوف الحاجات الغلط اللي فيها اكتب مش هقول لك هتعدلي كل ده مره واحده. لا ده عادي ممكن نغلط نغلط بس كل ما نغلط نتوب ونصلي. الحسنات يذهبن السيئات فلازم ولازم نصلي ولازم ندعي بس. انت اقعدي كده بينك وبين نفسك؟ انا ليه بعمل كده او انا ليه في الطريق ده افهم يعني عبي نفسك وفهمي انت ايه الحاجه اللي انت غلطانه فيها؟ انا ليه بعمل كده فانت لما تعرفيني غلط وانك انك تعرف انك ازاي تخرجي من الحاجه دي هتبقى حاجه كويسه ليكي بس فانا دلوقتي الحاجات يعني مثلا انا بسمع اغاني لاسمع قران. ما بقراش قران اخصص وقت في يومي ان انا اقرا فيه قران بصلي في البيت اقوم اتوضا في حاجه ممكن اسيبها اللي هو ده انا ممكن اسيبها واقوم اكتب في ورقه انا هعمل كذا وبعدين اعمل كذا اخصص وقت. فانا ابص على الحاجة اللي زعلاني والحاجه اللي مضايقني بحاول ان انا ابعد عنها. نستحمل. ممكن في كلام ماثر عليك من اهلك في ضغط في الدراسه في حد من صحابك مش كويس؟ يمكن. فلازما تعدلي كل حاجه اللي هو كل ما يفرز فانا دلوقتي انا قعدت مع نفسي بالليل مثلا يعني انا من شويه كان عندي كذا حاجه كده انا مش عارف ايه الحاجات اللي عندي في الجامعة قعدت اكتب واحد اثنين ثلاثه اربعه خمسه سته فلو انا كتبت سبع حاجات دول اللي هو مش معناهم ان انا هعملهم كلهم اهو هخلصهم كلهم او كل حاجه هنجح فيها او كل حاجه هتبقى صح لا مش كده. خالص والله بس على الاقل انا عندي اقسم الحاجه اللي عندي انا عندي كده انا النهارده انا عندي شيت وعندي ميدترم كذا كذا وعندي ده بعد العيد فانا دلوقتي المفروض ان انا بكره خلاص اجي بكره اخلص حاجه يمكن الحاجه دي اغلط يمكن الحاجه دي مادهاش بس على الاقل انا بقى ابقى نيتي صافيه وابقى موري لربنا ان انا حاولت ان انا عملت اللي عليا لان ربنا قال لك ايه بس يا عبده. اعمل اللي عليك والباقي عليا. ما ينفعش ان انا ابقى قاعد ابقى عايز النجاح ما ينفعش قاعد وعايز اتغير ما ينفعش ان انا قاعد تعبان. وما اخدش علاج واقول هبقى كويس ما ينفعش. واحكي لحد يكون فاهمك تكوني مطمنه ليه حد هيفهم كلامك يقول لك يعني من الكلمه اللي انت بتقولي فاهم كل اللي انت بتمري به ده عادي والطبيعه على فكره. يعني وكلهم تكبري حاجات بتتغير وكل ما تكبري تفكيرك بيبقى مكان ثاني بيفكري في حاجه ثانيه. بس كل ما تحصل حاجه الحمد لله، بصي ربنا مش هيحطك في حاجه ومش هيحطك في مكان. حلو وربنا عارف ان الحاجه دي كويسه ليكي ان الحاجات دي هتقدر عليه. "إن الله مع الصابرين". "الذين أصابتهم قالوا انا لله وانا اليه راجعون". نركز في الحاجات دي كلها نركز في كذا كذا انا مش بقول لك انك هتضغطي على نفسك تعملي ده كله بس على الاقل انا عندي الاساسيات والاساسيات اللي في يومي ان انا هقرا قران هصلي اقوم اذاكر هنام افطر اساسيات في البدايه
تم النشر الخميس، ٢٠ مارس ٢٠٢٥
هتصلي لما تبعدي وتبطلي الحاجة إلى بعداكي عن ربنا وقتها هتحسي انك قادرة تقربي من ربنا وامورك تمام حاولي تشغلي وقتك انك تقري كتب مفيدة وتاخدي قرار كدا قوي انك تبعدي عن اي حاجه مش كويسه اقنعي نفسك انك قويه وقادرة تاخدي قرار لأن طول مانتي شايفه نفسك ضعيفه عمرك مهتبقي كويسه
تم النشر الجمعة، ٢١ مارس ٢٠٢٥
مادام إنتى بتفكرى كده يبقى ضميرك صاحى و مش مستريح لبعدك عن ربنا.. حاولى تقربى من ربنا تانى.. اسمعى بودكاست لحد موثوق فيه و اقرى قصص الأنبياء مثلا و اقرى قرآن.. هتلآقى نفسك وآحده وآحده رجعتى تانى تصلى و تحسنى من لبسك و أسلوب حياتك و ترضى عن نفسك إن شاء الله.. وربنا يصلح لنا الحال جميعا يارب.
تم النشر الجمعة، ٢١ مارس ٢٠٢٥
اهتم بصحتك النفسيه واتكلمى مع حد بتثقى فيه وابدائى خطوه بخطوه مثلا لو المشكله فى الصلاه ليها حل ابدائى حاجه بسيطه واظبى على فرض معين لفتره هتلاقى نفسك اتسستمتى انك تصليه وبقى عاده يوميه وابداى زودى حاجه بحاجه وصدقنى متستقليش بكده حاولى قدام ربنا وإن شاء الله ربنا هياخد بايدك هتلاقى نفسك خلاص الخمس فروض بتمارسيها باريحيه خالص ومعاهم السنن كمان انا شخصيا بدأت كده وجاهدت نفسى خطوه بخطوه لحد ما بقيت اعمل جدول للصلوات فروض وسنن لو قعدت فتره نقول شهرين مثلا وضعك متحسنش يبقى ساعتها تلجئى لمعالج نفسى وربنا يريح بالك يارب أما اللبس فأنا لست اهلا للنصيحه فى الموضوع ده للاسف .
تم النشر الجمعة، ٢١ مارس ٢٠٢٥
تفتكري ان الحياه لازم تمشي حتي لو مفيش شغف وان احنا موجودين هنا لسبب واحد وهو عبادة ربنا ودا احسن طريق تمشيه لو عايزة حياتك تبقي كويسة وفي شغف وفي طاقة رضا ربنا اهم من كل شئ وبيجي بعده كل شئ حاولي تفوقي وتعرفي ان الحياة سواء زي ماحنا عايزين او لا هي بتمشي ولازم تمشي فا عالاقل تبقي زي ماحنا عايزين
تم النشر الخميس، ٢٠ مارس ٢٠٢٥
مساء النور، عزيزتي. أشعر بحزنك وفقدان الشغف الذي تعانين منه، وهذا أمر طبيعي يحدث للكثير من الأشخاص في مختلف مراحل حياتهم، خاصة في سن المراهقة. الارتباك والشعور بالضياع قد يكون نتيجة لمجموعة من التغيرات النفسية والعاطفية. أولاً، من المهم أن تعرفي أن العودة إلى الشغف تتطلب بذل جهد، وقد تتطلب بعض الوقت أيضًا. هناك خطوات يمكن أن تساعدك على استعادة هذا الشغف: العودة إلى الله : حاولي أن تعيدي علاقتك بالله، فالصلة الروحية يمكن أن تعيد لك الإلهام والشعور بالراحة. يمكنك البدء بالصلاة بانتظام، وقراءة القرآن، والاستغفار. تحديد الأهداف : احرصي على تحديد أهداف بسيطة يمكنك العمل نحوها. سواء كانت أهدافاً دراسية أو مهنية أو شخصية، سيساعدك ذلك على استعادة حماسك. التواصل مع الآخرين : انخرطي في أنشطة اجتماعية أو انضمي لمجموعات تشارك اهتماماتك. يمكن أن تساعدك المناقشات مع أصدقائك أو أفراد عائلتك في إعادة شغفك. التجربة والاكتشاف : جربي أنشطة جديدة لم تعملي بها من قبل، مثل الهوايات المفضلة أو المشاركة في ورش عمل. هذا قد يساعدك على اكتشاف شغف جديد. العناية بالنفس : تأكدي من أنك تعتنين بنفسك جسديًا وعاطفيًا، سواء من خلال ممارسة الرياضة، تناول الغذاء الصحي أو حتى الحصول على قسط كافٍ من النوم. تذكري أن كل شيء يحتاج إلى وقت، وكوني لطيفة مع نفسك خلال هذه الرحلة. استغلي رمضان كفرصة للتقرب إلى الله واستعادة الشغف، ولا تترددي في طلب الدعم من أصدقائك أو أسرتك إذا شعرتِ بالحاجة لذلك. أنتِ لستِ وحدك، وأنصحك بالصبر والمثابرة.
تم النشر الخميس، ٢٠ مارس ٢٠٢٥
انا نفس سنك وف تالته ثانوي وعندي خوف طول الوقت ومش بقدر حتي ازاي يا ريت لو حد يقدر يفدني
تم النشر الجمعة، ٢١ مارس ٢٠٢٥
لعرض السؤال في فدني اضغط هنا