جماعه ضروري بليز
هو عادي خطيبي يكون عنده اخوات من باباه وكل م اجيب سيرتهم بيلاغيني او يقفل الموضوع وميتكلمش عنهم
طيب هو عادي معرفش سبب طلاق مرات ابوه
ولا حتي اعرف اسماء اخواته ولا سنهم ولا اي حاجه عنهم 🙂🙂🙂🙂🙂 فيدوني
طالما بيقفل كلام ف اي موضوع يخصهم ف وارد جدا مأذي منهم او في مشاكل عموما ومش قريبين من بعض ..اديله حريته ف انه يحكي وقت ميحب لانه وارد حابب صورته وصوره عيلته دايما تكون كويسه ولو حكالك ف ده هيهز صوره العائله المثاليه الي هو حابب يظهرها ..مع الوقت والعشره والثقه هيقولك ولو مقالش احترمي رغبته دي ودايما حسسيه انك متقبلاه مهما كان وضعه ومشاكله واديله وقته يحكي فيه براحته
تم النشر الأربعاء، ٨ فبراير ٢٠٢٣
يمكن فعلا مش عارف حاجة عنهم دة شئ وارد ووارد تكون السيرة بتضايقه او بتفكره بموقف مش كويس
تم النشر الأربعاء، ٨ فبراير ٢٠٢٣
هو حضرتك بتقولي انه اقل منك في كل حاجه وعيله مش كبيرة وفي غموض من ناحية اعمامه واخواته من باباه ووووو في الحاله دي مش المفروض تسألي السؤال ده انت محتاجه تجاوبي على سؤال تاني خالص وهو ليه انت متمسكه به وانت باصه له البصه دي ؟؟ لو فيه كل مميزات الدنيا وانت شايفاه اقل منك فهتفضلي شايفاه اقل منك في امور ومواقف كتير وده من الحاجات ال بتعمل مشاكل فيما بعد بين الازواج لانها بتتحس في التعامل وبتتلاحظ في التصرفات .. بالنسبه لعلاقته باخواته من باباه فده شئ وارد ان الاب بيتزوج زوجه ثانيه وبينعزل تماما بابنائه الجداد عن اسرته الاولى ولا يعطيهم اي تفاصيل عنها فوارد يكون هو فعلا ميعرفش اي شئ عنهم وفي رجاله بيتزوجوا ومش بيعرفوا زوجاتهم اصلا ان والدته زوجه ثانيه او ان له اخوات من باباه لما تكون العلاقات شبه منقطعه كده ... اما علاقته باعمامه فدي ممكن تحتاج علامة استفهام ولكن مش كل الناس بتهتم بالنقطه دي هل والده على خلافات مع الاعمام ..هل في انقطاع لاسرته عن باقي عيلتهم لاسباب بقى ورث او خلافات عائليه او قطيعه او او او ..ده بيكون شئ مقلق شوية لو انت اصلا اسرتك على علاقات متبادله مع الاعمام والاخوال وووووو اما لو اسرتك زيه كده انتوا حلوين مع بعض كأسرة صغيرة ومنقطعين تماما عن باقي فروع العائله لاي اسباب فدي بتكون نقطة توافق بينكم نوعا ما ولكن انصحك لو انت مش قابلاه متظلميهوش بالاستمرار
تم النشر الاثنين، ٦ فبراير ٢٠٢٣
هو واضح ان الموضوع فيه مشاكل كتير ومواقف مؤذية فهو بيتعامل كأنهم مش موجودين من الاساس. لو الموضوع هيفرق معاكى فى قرارك انك تكملى معاه ولا لا وانتى عندك مثلا شك فى حاجة معينة ...اسأليه بوضوح وفهميه اهمية ده عندك. انا منصحكيش تعملى كده بصراحة لانه الضغط فى المسائل اللى من النوع ده مش حلو وممكن نتايجة تكون مؤذية اوى للشخص وتأثيرها يكون سلبي عليكم جدا.....الافضل احترمى الحاجة اللى فيها خصوصية عنده بالشكل ده وكل ما هتقربوا لبعض ممكن يحكيلك ويعرفك بس بدون ضغط منك.
تم النشر الأحد، ٥ فبراير ٢٠٢٣
عادي ممكن يكون بعيد عنهم لانه شايف ان مرات ابوه واخواته اخدو مكانه من بباه ف هو مش حببهم او حابب يجيب سيرتهم بس انتي حاولي تحسسيه انك مش مهتمه علشان ممكن الموضوع دا يكون بيوجعه وهو مش حابب يتكلم فيه هو بس تلاقيه مش متقبلهم في حياته وعادي بتحصل علفكره كتير
تم النشر الأحد، ٥ فبراير ٢٠٢٣
لعرض السؤال في فدني اضغط هنا