هو إللي عايز يبقى عنده شلة يعمل إيه ؟ انا معرفش حد انا مهم عنده او ثابت في حياتي ، و نفسي يكون عندي ناس اروح و اجي معاهم و ألعب معاهم رياضة و كدة ، مع العلم اني مش لاقي شغل و كنت عايش برة مصر طول عمري فمعرفش حد حرفيا
العلاقات الاجتماعيه عشان تتكون محتاجه شويه وقت ومعافره ومجهود انك تروح مناسبات مع ناس قرايبك او انك تنزل الجيم لوحدك وتبدأ تكون علاقات من هناك وممكن انك تعمل اي عمل خيري تطوعي هيخليك تحت اطار الجماعه ويسهل عليك تلاقي اصحاب وممكن تاخد كورس وف الكورس تتعرف ع ناس وتكون علاقات معاهم
تم النشر الخميس، ٩ مارس ٢٠٢٣
مش هتعمل ده وأنت قاعد ع النت لا لازم تنزل وتنوع نشاطك وتعرف ناس وتتعلم منهم وال يكمل وال لا وممكن سفريه يبقي ليك صاحب فتره وبعدين ينشغل وممكن حد من عيادة يبقي أقرب ناس ليك فبجد انزل واتعامل لو انت مش اجتماعي آوي عادي جدا لو مكان زي شغل أو تمرين أو تطوع هيبقي الجو العام موفرلك تتعرف علي زمايلك
تم النشر الأربعاء، ٨ مارس ٢٠٢٣
شوف انت مثلا بتحب تعمل ايه وابدء اشترك فيه .. ووقتها هتلاقي ناس تشاركك نشطاتك والحاجات اللي بتحبها، وهتتعرف على ناس جديدة ويكون كمان عندهم نفس حب هواياتك. مثلا لو بتحب الرياضة .. روح مثلا الجيم او مارس لعبة معينة. او انزل انشطة تطوعية .. هتعمل علاقات كتير وهتتعلم كمان. او اتعلم حاجة جديدة خد كورس معين حابه مثلا.
تم النشر الأربعاء، ٨ مارس ٢٠٢٣
لعرض السؤال في فدني اضغط هنا