أنا بقالي سنين في فشل مستمر وتعطيل ونفسية متدمرة ..بحاول أرجع لنفسي كتير وبحاول أحفز نفسي كتير بس مبقاش في حاجة بتأثر فيا حاسة كإني عايشة ميتة حتى لما بيعدي وقت حلو لازم تحصل حاجة تخليني أنتكس نفسيًا ..مشكلتي كلها بتتلخص في فشل مبينتهيش في كل شيء مع ذلك أنا عايزة أكمل محاولات بس مبقتش قادرة
انتي حكمتي علي نفسك بالفشل وده من أخطاء التفكير اللي بتعطلنا وتوقف حياتنا قولي انك عملتي حاجات مش ناحجه او مشيتي في الطريق الغلط وده امر طبيعي وارد يحصل لاي حد الاول جددي نيتك واستعيني بالله انه يساعدك من الحاجات اللي تساعدك حددي فين المشكله حللي كل المحاولات اللي منجحتش معاكي وشوفي فين الخلل ايه اللي اتسبب في فشلها ياتري طريقه تفكيرك او الطريق الغلط الخطوات اللي عملتيها مثلا او صحبه كانت معاكي فكري كويس وشوفي ايه المشترك واخرجي بنقاط اكتبيها عشان متكرريهاش تاني الخطأ اننا نحاول نحل مشكلاتنا بنفس الطريقه كل مره اللي مش بتوصلنا لحاجه واينشتين قال لن تستطيع ان تجتاز المشكلات بنفس العقليه اللي اتسببت فيها من الحاجات اللي بتحفزنا اننا نحاول نحفز ونشجع حد تاني ده بيرجع مردود عليكي كمان ممكن تحاوطي نفسك بالناس الايجابيه اللي تدعمك وتسندك وتشجعك ده هيفرق معاكي وربنا يوفقك ويكتبلك الخير يارب
تم النشر السبت، ٤ نوفمبر ٢٠٢٣
ربنا يحققلك على الي نفسك فيه ويجبر بخاطرك ويريح بالك ❤️ لما الإنسان بيكون ماشي طول حياته ف نظام كويس وبيكون ناجح وسعيد وفيه طاقه كبيره وفجأة الموضوع بيتغير بنقسم الموضوع لحاجتين دين ودنيا يعنى بالنسبه للدين ف ممكن يكون حسد ف لازم تنتظم على سماع رقيه شرعيه وكمان نحفظ الاذكار ونقرب من ربنا اكتر وبعدين مش كل حاجه لازم ننجح فيها والله الحياه مش دايما ف صالحنا واكيد ربنا عاوز يوصلك رساله لأى فشل ممكن تكون حاجه مش ربنا راضي عنها بالنسبه للدنيا ف ممكن بجد حضرتك تكونى بتبدأى دايما بالتركيز على حجات كبيره ف بتفشلي فيها جربي تحققي حجات صغيره وانشاء الله هتنجحى يمكن بتطلعي على الي فوق اكتر ما بتركزى علي الحجات الي مناسبه ليكى بالنسبه لموضوع التحفيز بصراحه انا بشوف أن التحفيز ده زى الدوا لازم تنتظم عليه مينفعش نقطع فيه لازم كل يوم نشوف فيديو ولا اتنين عن التحفيز وكمان ياريت لو تشوفيهم ف اول اليوم عشان يكون عندك طاقه حاولى تصاحبي نفسك مس هتحتاجى لحد ولا تزعلي لحد ايه رأيك تنزلي تخرجى لوحدك واشترى حجات حلوه لنفسك وتبسطى لنفسك وتفرحيها وبعدين تبدأى رحله تقلب الذات لأن حقيقي انتى لو عرفتى ازاى تحبي نفسك مش هيفرق معاكى انتى خسرتى ايه الحياه محاولات اهم حاجه راحه بالك ♥️
تم النشر الخميس، ٢ نوفمبر ٢٠٢٣
و ليه مسمياها فشل؟ سميها محاوله وخلاص مش شرط تنجحي ولا لا المهم انك بتحاولي و صدقيني لو قربتي من ربنا و دعيتتي كتير هتلاقي نفسك بالتدريج بقيتي زي م انتي عايزه واحسن كمان بس متخليش الشيطان يتحكم فيكي و يحسسك انك فاشله لانه غلط لانك لو كنتي فاشله فعلا مكنتيش دورتي علي حل و كنتي بطلتي تحاولي
تم النشر الثلاثاء، ٣١ أكتوبر ٢٠٢٣
لعرض السؤال في فدني اضغط هنا