كان عندي اكتئاب وباخد علاج ليه بس اهلي مرضوش يجبوه تاني و لا حتي يودوني لدكتور او سايكو سيرابي وبعدها بفترة بطلت اطلب امنهم اني لتعالج وبقيت بشرب مخدرات (حشيش) وسلوكي بقي زي الزفت وردة فعلي تجاه اي شيء بقت صعبه يا اما هاديه جدا وبقيت منعزل عن كل الناس لحد ما ودوني مصحه لمده ست شهور ودفعوا 80 الف تقريبا في الفتره دي والمصحف دي حرفيا دمرتني اكتر من الاول بس الدكتور قالهم علي الطريقه اللي يتعاملوا معيا بيها فضلوا كويسين كام يوم وبعدين رجعوا يعملوا تصرفات بتأذين تاني ف ان عزلت عنهم تاني بس مش عايز ارجع للمخدرات مع اني عارف انها هتداويني بس مش عايز ارجع لها عشان مش عايز ارجع مصحه تاني، و كلمتهم اني عايز علاج او سايكو سيرابي او علي الاقل يبطلوا التصرفات اللي بتأذيني ولا راضين يعملوا حاجه من دي. حتي اني اشتريت كتاب بيعرفهم اي اللي ممكن يأذي الراجل و ازاي يتعملو معاه ( وانا اتعلمت منه اذاي اتعامل معاهم و يعلم ربنا انا اتغيرت و بحلول قد اي بس من غير فايدة)
انا عندي عشرين سنه مكملهم من كام يوم
و بقالي سبع سنين مع المشاكل النفسية دي ونفسي اعيش حياتي زي الناس الطبيعيين و ابطل ابص علي اللي في سني واقول يابختهم ب (اهلهم، فرحانين، عندهم صحاب،اهلهم بيحبوهم، في حد بيسأل عنهم....... الخ
زهقت ونفسي اتخلص من الافكار الانتحارية
حرفيا نفسي اعيش
حاجة حلوة انك عندك عزيمة وعى انك مترجعش للمخدرات المخدرات دى ممكن تكون بتخليك تهرب من الواقع او بتنسيك بس هل لما شربت حلت حاجة من المشاكل دى اكيد لا زى ماكنت بتحاول يبقى معاك فلوس ليها لما بعت تليفونك حاول انى يبقى معاك فلوس علشان الدكتور سيبك من الى حواليك لو مش عايزين يقفو معاك أقف انت مع نفسك دور على شغل بحيس انك توفر فلوس تتعالج بيها وحاول تشوف معملت اهلك ليك انها خلاص عادى دى طريقتهم مش هاينفع تغيرهم تعامل معاهم شوف السلبيات من نحية اهلك حاول تشوفها اجبيات وسيبك من معايرة اصحابك ليك هما ممروش بالى انت مريت بى محدش هايحس بالى انت كنت فية بس حاول ترجع زى الاول وتوقف على رجلك مش عشان حد علشانك واخزل إلى كانو بيكلمو عليك وريهم انك قدرت ترجع زى الاول دى كانت فترة مرت عليك واتعلم منها هى الدنيا بتدينا دروس والشاطر إلى يعرف يتعلم منها ويقف ويكافح لاكن مش آخر المطاف او نستسلم وأهم حاجة طبعا صلى وقرب من ربنا مفيش احن منة وربنا معاك
تم النشر الخميس، ٢٩ فبراير ٢٠٢٤
أقسم بالله هقولك على حل هيخليك ترجع وأحسن من الأول كمان مليووووون مرة إنك تقرب اوووي من ربنا يعني تصلي 5 فروض في الجامع وبالأخص الفجر وتصلي قيام الليل وتدعي كتير قبل الفجر بساعة وحاول تحفظ قرأن ولو معرفتش اسمع كتير جدا لصوت شيخ حلو واخرج عالطول في مكان بعيد عن الناس في حديقة مثلا او على البحر واقعد كده بص في السماء واتأمل قدرة ربنا والأهم من ده كله إنك تكون واثق إن ده ابتلاء من ربنا وإن ربنا يعوضك مهما طال الوقت
تم النشر الاثنين، ٢٦ فبراير ٢٠٢٤
انت غلطت لانك استسهلت ورحت السكه يا عالم كان ممكن توديك لايه وصدقني المخدرات وهم البني ادم بيسمعوا لنفسه انا ممكن يخرجوا على الواقعه المؤلم في الاخر بتفوق وبترجع لواعيا وبيفضل واقع المؤلم موجود وصدقني اهلك بيحبوك جدا ما فيش اهل بيقصدوا يؤذوا اولادهم حتى لو بالكلام بس هم دايما بيبقوا فاكرين ان هم صح عشان مره بتجارب كتير وده بيبقى اكبر مشاكلنا بس كله في الاخر بيعدي مع الوقت كل اللي اقدر اقوله لك انك تحاول تتعلم من اللي انت فيه ده انك بكره وبعده لما يبقى لك بيتك وشخصيتك واولادك ما تتعاملش معاهم بنفس الطريقه اللي دمرتك وصدقني ربنا ما بيجيبش بينا حاجه وحشه وعسى ان تكرهوا شيئا وهو خير لكم
تم النشر الاثنين، ٢٦ فبراير ٢٠٢٤
جربت تتوضى و تروح جامع تفتح مصحف تقرا فيه ؟
تم النشر الأحد، ٢٥ فبراير ٢٠٢٤
طيب انا هسألك ببساطه ..كنت ازاى بتوفر فلوس المخدرات؟ نفس الطريقة وفر بيها فلوس العلاج النفسى ومش لازم هما يعرفوا التغيير محتاجك انت حتى لو اللى حواليك مش هيساهموا فى الموضوع ويتغيروا هما فى اى حاجة . انت جدع وكويس انك بتزود الوعى لنفسك وده لوحده هيبقى ان شاء الله افضل دافع يخليك تبقى احسن كمان من اللى انت بتبص عليهم ان حياتهم احسن عشان عندهم اللى ناقصك جزء كبير من الالم اللى عندك انك مش متقبل ان فى حته انت محتاجها وناقصه ..الوعى والحقايق بتقول اننا كل يوم هنتعامل نتقبل مع النقص عشان نقدر نكمل فى الحياه والا هنفضل نعانى وبس ومش هنعرف نعيش اى نعمه من اللى احنا فيها .
تم النشر الأحد، ٢٥ فبراير ٢٠٢٤
كل ما تتقرب من ربنا وتصلي ثق ان البشر بيتغير في مشاعره وعواطف لكن الذي لا يتغير هو الله سبحانه وتعالي واللي بياذيك تأكد انه من جوه هو ضعيف جدا بل مسكين لانه لو كان كامل وما كامل غير الله الإنسان السوى لا يوذى بص للميزات اللي ربنا ادهالك صلي كتير اتكلم مع ربنا احكي معاه علي اللي مضايقك المخدرات هتاذيك حب نفسك لأنك مخلوق الله خلقك حلو هو يخلقنا حلوين واحنا بكل إرادتنا نبوظ الحاجه الحلوه اللي جوانا اقعد مع نفسك وفكر ايه اللي بياذيني اما تصلحه او تعمله بلوك من حياتك بس صلي الاول وربنا يرشدك
تم النشر الأحد، ٢٥ فبراير ٢٠٢٤
يمكنك الاتصال على الخط الساخن للأمانة العامة للصحة النفسية «16328» مجانًا على مدار الـ 24 ساعة. وكذلك مؤسسة تداوي https://tadawyfoundation.com/ بالتواصل على واتس اب 01555121622 ويمكنك أيضًا طلب الاستشارة من أحد الخبراء الموجودين في فدني من هنا https://www.fedni.net/experts ممكن تتكلم بشكل أكبر كان ايه السبب في وجود الاكتئاب بالضبط؟
تم النشر الأحد، ٢٥ فبراير ٢٠٢٤
مش ساهله
تم النشر الأحد، ٢٥ فبراير ٢٠٢٤
لا ساهله ولو احتجت حاجه تحت امرك
تم النشر الأربعاء، ٢٧ مارس ٢٠٢٤
بص انا حياتي خربان خلاص من صغري بسبب اهلي وحتى دلوقتى حياتي خربان بس حولت اني اتجهل اهلي واقربت من ربنا حساس اني انا بقت احسن حولت فكر في نفسي واعتمد علي نفس اني اصلح حاجات في كنت غلط مهم اي شخص عملي حاجه مش فرق معي حد فعمل كدة انتي كمان
تم النشر الاثنين، ٢٦ فبراير ٢٠٢٤
في الحقيقة مش عايزة اقولك سيبك منهم خالص بس هقولك عاملهم كويس جدا و حاول تهدي نفسك وانه ميفرقش معاك اي حاجه وحشه يعملوها ادام حاولت وحاول تفكر في نفسك وتشوف انت عايز ايه وبتحب ايه واشغل نفسك واشتغل وصاحب صحاب كويسين وابعد عن صحاب السوء وقرب من ربنا وحاول تغير من نفسك انت عشان مهما حاولت تغير اللي قدامك وهو مش عايز يتغير مش هيتغير وربنا يوفقك في حياتك ويسعدك وحاول تطلع كل الافكار السلبية من دماغك وبس وابتسم كلها شوية وكلنا ماشيين متستعجلش انت بس☺️
تم النشر الأحد، ٢٥ فبراير ٢٠٢٤
بص حاول تشغل نفسك بالطاعه
تم النشر الأحد، ٢٥ فبراير ٢٠٢٤
لعرض السؤال في فدني اضغط هنا