بنتي اربع سنين والبنت على طول متعصبه متنرفزه وبتعصبني وبتنرفزني وبتخليني اضربها لدرجه اني بضربها الضرب مش بيجيب معاها نتيجه اعمل ايه
أفهمك تمامًا، وأعرف إن الموقف صعب ومحرج، بس خلينا نفكر شوية سوا. أولاً، ضرب الطفل مش هو الحل، بالعكس، ممكن يزيد من التوتر والعناد عند الطفل، ويأثر على علاقتكم ببعض. ثانيًا، جربي تهتمي بالأمور التالية: الهدوء والتفاهم : لما بنتك تكون متنرفزة، حاولي تكوني هادئة وتسمعيها، ممكن يكون عندها حاجة عايزة تعبر عنها ومش عارفة الطريقة الصحيحة. تنظيم الروتين : الأطفال بيحتاجوا روتين في حياتهم، ده بيديهم إحساس بالأمان، حاولي تنظمي وقت النوم والأكل واللعب. التوجيه الإيجابي : شجعيها على التصرفات الجيدة، واعطيها مكافآت صغيرة لما تكون متعاونة أو هادئة. الطاقة الزائدة : الأطفال بيبقى عندهم طاقة كتير، جربي تخليها تشارك في أنشطة بدنية زي اللعب في الحديقة أو المشي. تشجيع التعبير : علميها تعبر عن مشاعرها بالكلام بدل ما تعصب، واستخدمي قصص أو ألعاب لشرح المشاعر. الصبر والمحبة : الأمور دي بتاخد وقت وصبر، مهم تقدمي لها الحب والدعم باستمرار. لو الموقف استمر، ممكن تراجعي طبيب الأطفال أو أخصائي نفسي، ممكن يساعدكوا بمعرفة السبب وطرق التعامل معه بطريقة علمية أكتر. الأمومة مش سهلة على الإطلاق، بس قدرتك على البحث عن الحلول دي حاجة رائعة، واستمرّي في التحلي بالصبر. 🌸💪
تم النشر السبت، ٢٠ يوليو ٢٠٢٤
حضرتك لا يمكن ان نطفئ النار بالنار الطفل بيولد لا يعلم عن العالم شيئ ونحن من نشكل وعيه وسلوكه من خلال البيئة المحيطة به سواء كانت الأسرة أو الدرسة أو وسائل التواصل من تليفون او تلفزيون وغير ذلك وبما إن طفلتك في الاربع سنوات الأولى إذآ وعيها وسلوكها بيتم تكوينه من خلال الأسرة ومؤكد أن الاسرة المحيطة بالطفلة مليئة بالصراخ والعناد وأخيرآ كما ذكرت حضرتك ان في ضرب وبكده احنا بنساعد الطفل انه يكون أكثر شراسة وعدوانية وبنطلب منه الطاعة إذآ من اين يتعلم الهدوء والانصاط لكم في جو يشوبه التوتر والعصبية وبنصحك أذا اردت علاج سلوك طفلتك فعليك اولآ بعلاج البيئة المتواجدة بها ثم امنعي الضرب وربنا يبارك في بنتك ويجعلها ذرية طيبة
تم النشر الأحد، ٢١ يوليو ٢٠٢٤
انا برضو عندي نفس الموقف الله يباركلك فيدني اعمل اية انا عندي ولد ٧ سنين وبنت ٥سنين . الاتنين عصبيين جدا جدا ومش بعرف اتفاهم معاهم خالص . بس انا مشكلتي ان الولد لما بيروح المدرسه مش بيتكلم مع حد المدرسين اشتكو منه كتير اوي وديما بيفتكرة انو اخرص وبيطلبو مني اودية لدكتور وديما بقولهم انه بيتكلم مش بيسدقو. تعبلي نفسيتي اوي .بس البنت بتتكلم مع المدرسين عادي . انا ال ديما بودية وبجيبة. وزوجي بيرفض بوديه بسبب المدرسين بيشتكولو انو مش بيتكلم. وسعات بييجي يشتكيلي ان المدرس زعقلي وضربني وبيرفض يروح . ماذا أفعل ف حل مشكلتي
تم النشر الأحد، ٢١ يوليو ٢٠٢٤
لعرض السؤال في فدني اضغط هنا