جماعة انا بدرس كبميوتر ساينس ومن صغري مكنتش متعود علي اي مذاكرة بس انا في الكلية دلوقتي وعندي تاسكات وحاجات كتير تتذاكر وانا مش عارف اجبر نفسي اني اقعد اذاكر اللي عليا ..
مسحت اي ابلكيشنز بتاخد وقتي وبعدت عن اي مشتتات بس حرفيا ممكن اقعد ع اللاب طول الوقت متنح للشاشة ومش بعمل حاجه
فـلو حد عنده افكار معينه في الموضوع دا
في فيديوهات كتير أوي ع يوتيوب هتفيدك صدقني ياريت تعمل سيرش عن الموضوع وتاخد شوية من وقتك تشوفهم وتحاول جاهداً تطبق النصايح اللي فيها لأن لو ماعندكش صبر تطبق النصايح أو صبر ع النتيجة اللي بتحتاج لوقت ومجهود للأسف مش هتطلع من المشكلة دي.. طبعاً فكرة إنك تشوف حد من زمايلك الشباب ف الجامعة يشجعك على المذاكرة وتحطوا لنفسكم تحدي لإنهاء قدر معين مثلاً دي فكرة هايلة ، ولكن حط ف بالك لو لقيته بيكسل وبيتراجع ماتتأثرش بيه وتكسل معاه حاول تنصحه وتدعمه وتشجعه يكمل أو كمل لوحدك لمصلحتك . ▫️▫️▫️▫️▫️▫️▫️▫️▫️▫️▫️▫️▫️▫️ ماتعتمدش ع مزاجك ولا تستنى الإلهام عشان تقوم تذاكر لأن ده لو حصل مرة مش هيحصل ١٠ وكل ما تراكم عليك تاسكات كل ما مزاجك هيسوء وهتهرب وتسوِّف اكتر . ▫️▫️▫️▫️▫️▫️▫️▫️▫️▫️▫️▫️▫️▫️ انصحك تبدأ دايماً بقدر قليل وتجهز تايمر بوقت قليل ابدأ مثلا بربع ساعة مطلوب منك فيها التركيز الكامل على المذاكرة ولما تحس إنك نجحت تقدر تزود التايمر وماتنساش يكون في بريكات ولكن اوعى تتسحل فيها تكون بردو عامل تايمر وواعي بالوقت وياريت لو تقدر تكون بتعمل ف البريكات دي حاجات سهل تسيبها وترجع للمذاكرة يعني مثلا بلاش ريلزات أو مسلسلات وأفلام أو ألعاب لأنك بتبقى ف قمة المتعة ومشدود ف صعب تسيب فيلم ف نصه وانت عايز تعرف ايه اللي هيحصل بعد كده أو تلعب جيم واحد وتكتفي وتروح تكمل المذاكرة لأن المذاكرة مقارنةً بالأنشطة دي مش ممتعة كفاية والعقل بيدور ع المتعة طول الوقت ، ف احترس من النقطة دي . ▫️▫️▫️▫️▫️▫️▫️▫️▫️▫️▫️▫️▫️▫️ أنصحك بردو تبدأ المذاكرة بإنك تنظر نظرة سريعة ع الموضوع تفهم بيتكلم عن ايه ومتقسم لكام فقرة أو كام جزئية أو كام موضوع فرعي وبعدين ترجع تقرأ تاني جزئية جزئية بتركيز وتفهمها كويس اوي وبعدين تقرأها مرة تالتة بس المرة دي بهدف أخذ أهم الملاحظات وتلخيص الموضوع بطريقتك انت ف دفتر جانبي مثلاً يكون مخصص للمراجعة السريعة يبقى فيه الخلاصة وعناوين مختصرة ورموز مفتاحية مفهومة بالنسبالك وآخر خطوة هي انك بعد ما تنتهي من جلسة المذاكرة تحاول تشرح لنفسك الخلاصة دي و بصوت مسموع إن أمكن كإنك بتشرحها لحد ، صدقني وقتها هتبقى شربت الموضوع وبقى سهل عليك تطبق وتحل عليه أي تاسكات حتى لو فيها تريكات وهتكون مستمتع بالمذاكرة ومش حاسسها مهمة مُعقدة . و بالتوفيق إن شاءالله 🌸
تم النشر الجمعة، ٢٧ ديسمبر ٢٠٢٤
مرحبًا زيد، أقدر مشاعرك وما تمر به من تحديات في تنظيم وقتك للمذاكرة. الالتزام بالمذاكرة في بداية الأمر قد يكون صعبًا، خاصةً عندما تكون غير معتاد على ذلك. إليك بعض النصائح العملية التي قد تساعدك في هذا الأمر: تنظيم الوقت : حاول تحديد وقت محدد يوميًا للدراسة. يمكنك البدء بفترات قصيرة مثل 25 دقيقة، تليها استراحة قصيرة. هذه الطريقة تعرف بـ "تقنية بومودورو". تحديد الأهداف : قبل أن تبدأ، حدد هدفًا معينًا لما تود إنجازه في كل جلسة دراسة. أن يكون لديك هدف واضح سيساعد على تحفيزك. التوازن بين الدراسة والراحة : تأكد من تخصيص وقت للراحة وممارسة بعض الهوايات أو الأنشطة التي تستمتع بها، فهذا يعزز التركيز والإنتاجية. استخدام الموارد المتاحة : يمكنك الانضمام إلى مجموعات دراسية مع زملائك، إذ أن المذاكرة مع الآخرين قد تحفزك وتشجعك على التفكير بشكل أعمق. تفعيل الدوافع الداخلية : حاول أن تذكر نفسك بأهدافك المستقبلية وما ترغب في تحقيقه من خلال دراستك، فهذا قد يزيد من رغبتك في الدراسة. في النهاية، لا تنسَ أن الصبر والمثابرة هما المفتاح. ابدأ بخطوات صغيرة واستمر في البناء عليها. وإذا كنت ترغب في المساعدة أو الدعم، فلا تتردد في التواصل مع زملائك أو معلميك. بالتوفيق!
تم النشر الجمعة، ٢٧ ديسمبر ٢٠٢٤
لو لقيت مجموعه تذاكروا سوا او حتى واحد بس من زمايلك ..هيفرق معاك جدا ان شاءالله
تم النشر السبت، ٢٨ ديسمبر ٢٠٢٤
اتبع مجموعة من الهوايات المفيدة استبدل جلوسك أمام الكمبيوتر بالقرآءة أو الرسم تمارين رياضية في المنزل أو تربية بعض الأزهار والنباتات في المنزل وكدا
تم النشر السبت، ٢٨ ديسمبر ٢٠٢٤
انا زى كده في ثانوى واغلبيه الدروس اونلاين وبيبقى على الشاشه بص اول حاجه هتنزل الملف بدى ايف وهتفتح القلم وتفضل بقا تمشي بالقلم على الكلام وحاول تقرأ الكلام بصوت عالي وتشرحه لنفسك وايه حاجه مهمه اكتبها في الورقه او ايه حاجه حاسس انك بتنساها اكتبها في ورقه وراجعها كل شويه بكده هتتنقل من ذاكرة قصيره المدى إلى ذاكرة طويله المدى وبس كده ربنا معاك ويوفقك يارب لو احتجت ايه سؤال اسألنى
تم النشر الجمعة، ٢٧ ديسمبر ٢٠٢٤
لعرض السؤال في فدني اضغط هنا