خليكي مقتنعه ان نصيبك ربنا كاتبه لشخص معين في وقت معين والشخص ده لسه مجاش ومش معنى تأخرك رغم انك صغيره جدا ومتأخرتيش ولا حاجه انه ينقص منك حاجه لا من جمالك ولا من مستواكي ربنا يباركلك اتأكدي كمان من انك لو كنتي اتجوزتي اي حد قبل كده او جاتلك الفرصه كان ممكن يبقا شر ليكي وتخيلي لقدر الله كان راجل سيئ واذاكي او انفصلتي لقدر الله ومعاكي اطفال ممكن تفكيرك ف كل التفاصيل دي تغير فكرتك شويه
تم النشر الأحد، ٨ يناير ٢٠٢٣
التفكير في الزواج أمر فطري وأنت مش مطالبة تجبري نفسك ماتفكريش فيه .. ولكن أنت هترتاحي لما تعرفي أن كل شيء بقدر والأمور بمقادير معلومة وهناك حديث جميل يقول: (عجِبَ ربُّنا من قُنوطِ عبادِهِ وقُربِ غِيَرِهِ.) يعني من قنوط العبد رغم أن التغيير قريب منه وعلى وشك أن يأتي .. تذكري أن وظيفتك الأولى في الحياة هي عبادة الله .. وإذا كنت تحسنين القيام بهذه الوظيفة فقد حققت أسمى الأمنيات وفي نفس الوقت لا تتوقفي عن الدعاء وخاصة في الثلث الأخير من الليل
تم النشر الأحد، ٨ يناير ٢٠٢٣
استاذة جهاد وضحت جزئيات كتير محتاجة تتعمقى جواها احب اضيف انك بس محتاجة تراجعى تانى معنى الرضا ايه الرضا ان الابتلاء او الازمه سواء اتحلت او لسه فى نفس مستواها او اخف او اكتر ...انا ماشيه فى الطريق وانا مرتاحه ومش متوتره ولا زعلانه ولا حاسه بضغط ...الرضا هو الشمسية اللى بتبعد نقط المطر عشان متبلش ...بس المطر مبيقفش. فسواء المطر وقف او لسه ..انا بحس انى تمام . ادعى الدعاء ده انا بحبه وهو نص آيه فى القرآن اللهم اجعلنى ممن قولت فيهم ( رضى الله عنهم ورضوا عنه) معناها مريح اوووى ...تخيلى ربنا هيحب يشوفك راضيه عن اللى اداهولك ..تخيلى ...يبقي انا اقدم ايه للخالق العظيم اللى بيحبنا كده.
تم النشر الخميس، ١٢ يناير ٢٠٢٣
مش هقدر اقولك متفكريش فيه لأنك طبيعي تفكري فيه. ده أمر طبيعي جدا .. وطبيعي تكوني محتاجة لشخص في حياتك. اللي مش طبيعي انك تقللي من نفسك، او انك تحسي انك قليلة، او انك تحسي ان ناقصطك شئ. هنا بقى فيه حاجة غلط. هسألك سؤال .. هل لو اتنين متجوزين ولكن ربنا لم يرزقهم بطفل هل كده يبقوا ناقصين في شئ؟ ل ربنا غاضب عليهم مثلا؟ هل هما ناس مش كويسين ؟ اكيد لا ... احنا مش هنقدر ابدا نتدخل في حسابات ربنا .. او نقوله انت ليه بتعمل كده ؟ او انت عملت كده ليه؟ لأن الموضوع مش بيتحسب بالشكل ده .. عمره ما كان كده. وانتي مش أقل من حد .. علشان تنظري لنفسك النظرة الدونية ديه. بالعكس احنا منعرفش تدابير ربنا ايه لينا. منعرفش الخير فين؟ منعرفش هل زواجك هيبقى خير ولا شر؟ هو يمكن يكون الزواج شر .. اه ليه لا؟ ممكن تكون الخلفة شر ... اه ليه لأ؟ وممكن كمان تكون الفلوس شر .. اكيد. ربنا مش هيظلم حد، انتي ادعي لو كان خير يكون نصيبك فيه .. ولكن محتاجة تحسني الاول صورة نفسك من الداخل . لأن الموضوع مش بيمشي مين الحلو ومش الوحش ابدا.
تم النشر الأحد، ٨ يناير ٢٠٢٣
انتي بتضغطي علي علامه هي بوكس وجواه قلم واكتبي سؤال بس لازم تحددي القسم علشان يتنشر
تم النشر الخميس، ١٢ يناير ٢٠٢٣
اسهل حل انك تشغلي حياتك جدا
تم النشر الخميس، ١٢ يناير ٢٠٢٣
حقك انك تتجوزي وتعيشي حياة سعيده، واسأل الله ان يرزقك الزوج الصالح اقولك علي حاجه لو عملتيها حياتك هتتغير كلياً قراءة سورة البقرة يومياً، الصلاه بالأسحار مع كثره الدعاء وادعي اللهم اني اسألك ستر الدارين، اللهم اني اسألك زوجاً صالحاً يعينني في ديني ودنياي، وتذكري ان الله سبحانه وتعالي لا يجرب بمعني ان لا تقول جربت الدعاء والصلاه وقراءه القرآن ولم تنفع، وتذكري ان لا يكون في رقبتك حقاً ل احد كان صغيراً او كبيراً وا لا يكون لحد عندك مظلمه ، طهر نفسك من الداخل وتذكري حسن الظن بالله والله يرزقنا وإياكم طريق الصواب.
تم النشر الاثنين، ٩ يناير ٢٠٢٣
اه
تم النشر الخميس، ١٢ يناير ٢٠٢٣
اه عملت كل ده اصل انا لسه جديده النت سريع جدا ..هو لازم يقولي تم النشر؟
تم النشر الخميس، ١٢ يناير ٢٠٢٣
طب كتبتي عنوان مختصر للسؤال
تم النشر الخميس، ١٢ يناير ٢٠٢٣
يبقي ممكن النت عندك بطي
تم النشر الخميس، ١٢ يناير ٢٠٢٣
كتبت وحددت وبردوا
تم النشر الخميس، ١٢ يناير ٢٠٢٣
ممكن حد يفيدني عايزة انشر سؤال بس مش بيتنشر
تم النشر الخميس، ١٢ يناير ٢٠٢٣
سورة البقره الحمد لله يوميا يقراها بقالي اكتر من سنتين وبحاول والله اقرب من ربنا وربنا يتقبل .......شكرا لحضرتك وربنا يجازيك خير
تم النشر الاثنين، ٩ يناير ٢٠٢٣
لا اله الا انت سبحانك إني كنت من الظالمين كرريها كتير وياريت متفارقش لسانك هتساعدك كتير
تم النشر الأحد، ٨ يناير ٢٠٢٣
لعرض السؤال في فدني اضغط هنا