السلام عليكم انا من ٣ سنيين مش بصلي كويسه و حاجه جوية بتخليني حاسس انو الصلاه مش مهم و في نفس الوقت نفسي التزم و مش قادرة و ده جريان انو لطريقة غلط و حرام و في نفس الوقت بعجب ب ناس كتير ويقعد اتخيل حياتي مع الشخص دا مثل انا معجب بمعيدعندي في الكلية و بحب و بفكرة في كتير مش بفهم نفسي و بحاول انو احب نفسي و اتغير عايزه ابقي انسانه ملتزم ديني
مش هتقدري تحسي باهمية الصلاة طول ما انتي جاهله بالله وعظم الصلاة عند الله علشان كدا عليكي بالقراءة اقرأ عن الله واسماءه لازم تعرفيه "فإن عرفته احببته وان احببته اطعته" انصحك بكتاب الوسيط اسماء الله الحسنى، والصلاة انصحك بكتاب فاتتني صلاة وكتاب لماذا نصلي ثانيا اكثري من الذكر هو الي هيعينك علي نزع غبار الكسل ويعينك علي اداء الطاعة ودي كانت نصيحة من الشيخ عبد الرزاق
تم النشر الاثنين، ٢٥ مارس ٢٠٢٤
وعليكم السلام ورحمة الله وبركاته .. الاحساس اللي جواكي اللي بيقولك ان الصلاة مش مهمه هو بالتأكيد من الشيطان، السؤال هنا هل تريدي ان تتبعي الشيطان وهواكي، ام تريدي ان تتبعي الدين! لازم تعززي جواكي الدين .. عن طريق انك تسمعي دروس دين، وتقري فيه. ده هيساعدك جدا .. لانك انك اللي محتاجه الصلاة، كلنا محتاجين اننا نصلي .. الله مش منتظر منا عبادته او صلاته .. احنا اللي محتاجين اننا نعبده ونتقرب اليه ونصلي له. احنا اللي محتاجين الصلة اللي بتقربنا له .. مش هو. اما عن الاعجاب واحلام اليقظة او التخيلات ده ناتج عن فراغ عاطفي، حاولي تمليه اول شئ بالتقرب الى الله، وبانك تخلي حياتك فعلا لها معنى، وتكوني مشغولة طول الوقت .. سواء بكورسات، بتطوع، بشغل، بتدريب .. ديه كلها حاجات هتخليكي اساسا معندكيش اي وقت تفكري ف اي حاجه من ديه. وبالتوفيق.
تم النشر السبت، ٢٣ مارس ٢٠٢٤
وعليكم السلام الحل إنك تبدأي تصلي .. انتِ قلبك بعد عن الصلاة وعن الخشوع ودا سبب إنك بتستهوني بالذنوب .. إرجعي صلي تاني حتى لو من جواكي حاسه انها حاجه مش مهمه واحكي لربنا في السجود و قولي كل اللي جواكي وإطلبي منه يرشدك للصح ويقربك منه أما قصه إعجابك وتخيلات حياتك مع أشخاص بتقابليهم زي المعيد اللي في الكلية.. ف دا ناتج عن إن عندك أوقات فراغ كتيره جدا في يومك وبتقضيها في التفكير ومفيش حاجه مفيده عقلك يفكر فيها فبيتجهه للتفكير العاطفي .. أنصحك تشغلي وقتك بكورسات .. جلوس مع العيله .. إخرجي مع الأهل أو الصحاب .. إنزلي جامع قريب منك وتابعي حفظ قران مع مجموعه بنات وإتعرفي عليهم.. لازم يكون في حاجه في يومك بجانب الدراسه تشغلك لأن من الواضح ان الدراسه مش كافيه وحاولي تذاكري وتشغلي وقتك بالدراسه وحياتك العمليه فيما بعد و خليكي واثقه إن حياتك المستقبلية العاطفية مكتوبالك مع شخص ما ربنا هيرزقك فيه في يوم من الأيام مش لازم تتخيليها مع أي شخص ميستحقش.. أما بخصوص طلبك إنك عايزه تكوني ملتزمه دينيا.. إبدأي بالصلاه.. والتوبة من قلبك عن كل دا وفكري دايما إن ربنا شايف انتِ بتعملي ايه وسامع إنتِ بتفكري في إيه .. لما تلاقي نفسك وقعتي في ذنب إستغفري ربنا على طول وقرري التوبه وعدم تكرار الذنب ..
تم النشر السبت، ٢٣ مارس ٢٠٢٤
لعرض السؤال في فدني اضغط هنا