محتاجه ال يساعدني ف مشكلتي هل من مساعد؟
كنت عايزه احكي مشكلتي لان مش قادره اتخطي ال انا فيه 😥💔💔💔💔
انا كنت مخطوبه صالونات بقالي 7 شهور وانا تعليم عالي وخاتمه القران وخطيبي تعليم متوسط وبيسافر الامارات بس محستش بفرق خالص وحبينا بعض وكنا متفاهمين جدا وكاننا نعرف بعض من زمان قعد معايا 10 ايام بس بعد الخطوبه وسافر والتواصل كان مكالمات صوت وفديو وكنا بتكلم كتير كان بيكلمني قبل الشغل يتطمن عليا وبعد الشغل وقبل ماينام وكنا نحكي يومنا لبعض ولو اي مشكله قابلته كان بيحكي لي ونفكر فيها سوا وانا برده كدا ف شغلي انا اخصائيه تخاطب وبحفظ قران طول الوقت حلوين مع بعض ولو حصل خلاف بنتصالح ع طول عمرنا ماتخاصمنا ولا ادينا فرصه للشيطان يوقع بينا كان اللي يزعل التاني يصالحه ع طول هو والده متوفي وعنده مامته و3 اخوات بنات واخ متجوز ومسافر برده وفي يوم وهما جاين زياره تعتبر اول زياره لهم بعد ماهو سافر مامته واخواته ومرات اخوه كانت القعده كويسه جدا وهما مروحين ماما قالت خدو ارقام بعض واتصاحبو وكدا لقيت والده خطيبي واخته الكبيره بيقولولي لا هيا اللي تاخد ارقامنا وتتصل بينا المهم مشو من غير ماناخد ارقام بعض زعلت اللي هو انتو اهل العريس وانا اول مره اقعد معاكم ومستنيين انا اللي اخد ارقامهم كلهم واتصل عليهم انا معنديش مشكله بس ابدأوا انتو علشان احس بكرامتي وبعد كدا انا مش هاقصر على العموم فضلوا طول فترة الخطوبه مايتصلوش عليا ولا يزروني ومامته كل اما اتصل عليها واكلمها تقولي اتصلي ع بناتي خطيبي زعل وقالي متكلميش حد هما اللي يكلموكي الاول ويسالو عليكي يجي عيد ميعيدوش عليا ولا يسألوا خالص وقلت عادي مش هاخلي الموضوع دا اللي يخرب عليا لان بحب خطيبي وكل اما والدته تكلمني تقولي كلام يزعلني يعني في مره بتصل اتطمن عليها لقيتها في نص الكلام بتقولي انا ابني مفيش فيه ولا غلطه اما نشوف انتي بقى دا الناس طالعه بيكي السما اما نشوف وجعتني بكلامها وقلت فوتي علشان خطيبك كانت بتقولي عايزينك تيجي في اليوم اللي بناتي بيجو فيه وتقضي يوم معاهم ف الاول كنت محروجه ولما قالتلي تاني قولتلها موافقه مفيش مشكله ومن بعدها معدتش قالت خالص تعالي واليوم اللي اهلي يروحو لها زياره تحدد لنا اليوم اللي نزورها فيه اللي هو اليوم بتاع بناتها لحد قبل مانفركش باسبوعين كدا لقيت أخت خطيبي الكبيره بتقول ان فيه ناس بيقولوا لها ان انا عايزه اتقسم وان انا هارمي مامته واخواته دول وان انا متكبره وتنكه وشايفه نفسي ولقيت خطيبي بيكلمني بيقولوي فيه واحده بتقول لاختي كذا كذا ورحي لها وشوفي دي مين اللي قالت عليكي وقالت كدا ليه قولتله تمام هاروح ولما روحت لاخته لقيت مقابلتها وحشه وكلامها صعب اخته دي عندها 43 سنه وانا عندي 25 ولما كنا زعلانين بسبب المكالمات فماما قالت لها ان انا زي بنتها زعلت وقالتلي وانا عندها ف البيت انتي زي بنتي ازاي انا صغيره انا اختك الكبيره وطريقه وحشه جدا هيا بتكلمني روحت معيطه وخطيبي زعل منها والموضوع عدي بس مامره من بعد اليوم صالحتني وقالتلي حقك عليا وف نفس المكالمه لقيت سلفتي بتكلمني ع المطبخ وتقولي هاتي حاجات من النضيفه هاتنفعك وهاتي مفروشات من النضيفه ولقيت مامته برده بعدها بكام يوم تكلمني تقولي انتو هاتعملو مطبخ خشب والا المونتال قولتلها مش عارفه لقيتها بتقولي اعملي الومتال لان الخشب بيجيب صراصير واطلبي كدا من ابوكي البنات كلها بتتطلب سكت وبعدها كل مكالمه تقولي نفس الكلام قولتلها اطلبي من بابا اللي انتي عايزاه انا عمري ماهاقول لبابا حاجه انا مالي لقيتها كلمت خطيبي وقالتله ان انا بزعق لها وبكلمها وحش وبعدها بعتو لنا كل شي نصيب ولقيت خطيبي بيكلمني وفضل يعيط وانا اعيط وقولتله طب نرجع قالي خلاص مبقاش ينفع ولما كلمته بعدها بكام يوم لان مكنتش قادره نبعد واقوله نرجع لقيت طريقته اتغيرت خالص وبدا يجرح فيا ويقولي ان انا صعبه وعندية وان انا منفعش زوجه وام وكلام كله يوجع وبعدها برده رجع يقولي انا بقولك كدا علشان تكرهيني 💔
الله المستعان.. وجبر الله قلبك. ما دام لم يصدر منك أي خطأ في حقهم فعززي نفسكِ، لا تكرري الاتصال به تحت أي ظرف واستعيني بالله. اتركي له الفرصة ليعيد ترتيب أفكاره وأولوياته على مهله، لأنه طالما كان رأي أهله قادر على تغيير قناعته بك من النقيض إلى النقيض فهذا لا يؤتمن. وإذا حاول التواصل معك دون نية واضحة صريحة للرجوع فليكن ردك واضحًا: ما دام خطبتنا انتهت فأنا أحترم ثقة أبي وتربيته وكلمته كوليّ أمري ولن أتواصل معك.
تم النشر الاثنين، ٢ سبتمبر ٢٠٢٤
كل الكومنتات حرفيا جميلة... باين من كلامك ان اهله عندهم مشكلة والغلط عندهم مش عندك خليكي عزيزة النفس اللي يسيبك.. مشكلته مع السلامة واقطعي الصفحة وهو باين عليه ماشي ورا اهله فلو كان الموضوع تم كنتي هتتعبي جداااااا فقولي الحمد لله قدر ربنا كله حلو ولو كان خيرا لبقى وقلبي عزيز لا يأخذه إلا عزيز وادعي ربنا وصلي الفجر وربنا هيجبر بخاطرك بإذن الله
تم النشر الثلاثاء، ٣ سبتمبر ٢٠٢٤
عزيزتي، أعلم أن ما تمرين به الآن هو وضع صعب للغاية، وأفهم تمامًا مشاعر الحزن والألم التي تشعرين بها. قد تكون الخطوبة فترة مليئة بالآمال والتوقعات، وعندما تواجهين صعوبات مثل هذه، يصبح الأمر أكثر تعقيدًا. أولاً، أود أن أؤكد لك أنك لست وحدك في شعورك، فالكثيرون يواجهون مشكلات مشابهة في العلاقات. الصراع الأسري والتواصل بين الأهل والأبناء يمكن أن يؤثر بشكل كبير على العلاقات. من المهم أن تتذكري أن الزواج هو شراكة تتطلب الفهم والدعم المتبادل. عزيزتي، بما أنك خبيرة في التخاطب، لديك موهبة في التواصل وفهم الآخرين، لذا حاولي استغلال هذه المهارة للتحدث مع خطيبك بصراحة. يمكنك أن تسأليه عن مشاعره ورأيه في الوضع والأسرة. قد تكون هناك أوقات قد يواجه فيها صعوبة في التعبير عن مشاعره، وإدراكك لهذا سيساهم في تعزيز التواصل بينكما. إذا كان لدى والدته أو أخته مخاوف أو انتقادات، يمكنك محاولة الوصول إلى نقطة توافق أو تفاهم، ووضح لهن نواياك الحقيقية وعزمك على كسب عائلته والتواصل معهم بطريقة إيجابية. لا تنسي أنك تستحقين الاحترام والدعم. إذا شعرت أن العلاقة تؤذيك أكثر من أن تفيدك، فمن المهم أن تأخذي وقتًا لتفكري في خياراتك. راقبي تصرفات وخطيبك جيدًا، وهنا يأتي سؤال مهم: هل هو الشخص الذي كنت تعتقدين أنه سيساعدك على تحقيق سعادتهما؟ هذا التحدي الذي تواجهينه قد يكون فرصة للنمو والتعلم عن ذواتكما كأفراد، وأيضًا عن طبيعة العلاقات. إذا احتجت إلى مزيد من الدعم، يمكنك الاستعانة بأحد المختصين في العلاقات للمساعدة في توجيهك خلال هذه المرحلة. كوني قوية واثقة بنفسك، فالله معك، وآمل أن تجدي السعادة والسلام في القريب العاجل.
تم النشر الاثنين، ٢ سبتمبر ٢٠٢٤
عليكي بقيام الليل وتدعي ان ربنا يجبر قلبك ويجعله خير ليكي
تم النشر الاثنين، ٢ سبتمبر ٢٠٢٤
ربنا يعوضك خير إن شاءلله
تم النشر الاثنين، ٢ سبتمبر ٢٠٢٤
أهله صعبين جدا فى وقت المفروض يطلعوا أحسن حاجه فيهم عشان الجوازه تكمل ما بالك بقى بعد الجواز ايه هيحصل وكمان هما عاملوكى وحش وهو كان عارف وسابك وسمع كلامهم يبقى مش هيحميكى منهم بعد الجواز، ربنا اختارلك الأحسن وإن شاء الله تلاقى العوض 🤍
تم النشر الاثنين، ٢ سبتمبر ٢٠٢٤
لعرض السؤال في فدني اضغط هنا