الذكاء الصناعي صنع بواسطة بشر و من صنعه جعله علي إيمانهم و ثقافتهم و معتقداتهم .. الذكاء الصناعي مجرد أداة.. هتقولي بس متطورة عنك .. هقولك دا الالة الحاسبة الصغيرة دي متطورة عن عقليتك لكن مش متطورة عن عقلك .. العقلية هي اسلوبك في التفكير و مجموع ثقافتك و تعليمك و طريقة فهمك و تحليلك اما العقل او المخ البشري فده معجزة و صنع الله الذي اتقن كل شيء .. و يقوم ربنا وسط الناس العادية يخلق بشري بيحسب احسن من الالة الحاسبة و اسرع و ايه حسابات فيها أرقام فلكية و يغلب الالة الحاسبة و الكمبيوتر .. بس دي موهبة مش لكل الناس و لكن ربنا جعلها موجودة علشان بس تعرف و تتعلم ان المخ لو ربنا منحك كل نعمه و شغل لك كل إمكانياته هتبقي حاجه مهولة ، بس لاء هو منح مستوي معين لأغلب البشر اللي يكفيهم و هو عارف كويس قوي قدرتك الحقيقية بدليل أنه الله عز و جل قال بسم الله الرحمن الرحيم .(لا يُكَلِّفُ اللَّهُ نَفسًا إِلّا وُسعَها ). و جاء عند حالات خاصة و منحها القدرة او الموهبة الكاملة في شيء واحد علشان تعرف بس ان هو يقدر علي ايه و ان صنيعته لا يعيبها شيء .. و الأمثلة كثيرة .. طبيعة الناس انها بتنسي حاجات و ده العادي .. يقوم خالق لك واحد و يديله موهبة الذاكرة الفوتوغرافية يقوم مينساش اي حاجه شافها و لو مرة واحدة بس .. هل كل الناس كده ..طبعا لاء .. فيبقي الشخص ده آية حية وسط الناس يفكرك بقدرة الله بس هو سبحانه بيقسم الأرزاق و الموهبة و القدرات دي رزق برضه
مثلا هذا الرد لا يردة الذكاء الاصطناعي...... تشرفنا بنصحك .❤
تم النشر الجمعة، ٢٩ نوفمبر ٢٠٢٤
لعرض الإجابة في فدني اضغط هنا