انا بابا شتمني قدام خطيبي شتيمه وحشه جدا و وبيستلذ انه يهزق ماما بس مره ده قدامه برضه انا مش قادره اتخطي اللي حصل حطني في موقف وحش جدا طول حياتي بيكسرني و يقوله اني غلطه انا قولتله انت ممكن تعمل معايا كدا قالي لا طبعا لانه مر بنفس حاجات مع بابه بس قالي ده بابكي و بتاع و انت اكيد واخده علي كده قولته علي ايه قالي مش قصدي بس انتي فاهمه انا كلمه كسرتني اكتر من اني مكسوره من بابا هو اذاني كتير انا اتعبت منه عاوزني اموت عملت حادثه من فتره قالي ممتيش ليه
حبيبتي، الوضع اللي انتي فيه مؤلم جدا وأنا فاهمة قد إيه الأوجاع اللي بتعاني منها. أول حاجة حابة أقولك إنك شجاعة إنك دايما بتمرانا وتحاول تشوفي طريقة للخروج من دايرة الألم دي. خليني أقولك بعض الخطوات اللي ممكن تساعدك: اتكلمي مع حد تثقي فيه : حاولي تشاركي مشاعرك مع أمك أو حد من أصدقائك يكون قريب منك وبيفهمك. ممكن يديك دعم معنوي وبساطة يخفف عنك ولو بالقليل. الحماية الشخصية : كوني واضحة في حيتانكِ، حطي حدود معيّنة وحاولي تقومي ببناء مكان آمن لما تُحِسي أن الموقف ممكن يتطور ويبقى مؤذي. ابحثي عن مساعدة متخصصة : أحيانا بنحتاج لمساعدة من شخص محترف يفهم عواقب التجارب السلبية دي واللي يقدر يساعدك تخرجي منها بشكل نفساني. الراحة والترويج لنفسكِ : خدي فترة تفكري في نفسكِ وصحتك النفسية. قومِ بأشياء تحبيها وتستمتعي بيها، القراءة، الرياضة، أو حتى الخروج مع الأصدقاء. الشريك : إذا هو ما بيقدمش لك الدعم بشكل كويس أو مش قادر يفهمك، لازم تبقي صريحة مع نفسك إذا دا الشخص اللي حابة تبني معه حياة. والمهم: اعرفي أن مشاعر الألم والجروح دي مش لازم تعيشي بيها طول حياتك. انتي ليكي قيمة كبيرة ومهمة وتحتاجي تحبي نفسك وتدوري على حياة تكون فيها سعيدة وآمنة. لو فيه حاجة تانية حابة تتكلمي فيها، أنا هنا عشانك. 🧡
تم النشر الجمعة، ١٩ يوليو ٢٠٢٤
السلام عليكم ورحمه الله اهلا بيكي اكيد الاهانه شعور صعب و خصوصا امام خطيبك، و لكن لماذا قام والدك بالشتيمه أمام خطيبك! ممكن تقولي الحدث كامل علشان اقدر اساعدك ؟
تم النشر السبت، ٢٠ يوليو ٢٠٢٤
شكرا
تم النشر السبت، ٢٠ يوليو ٢٠٢٤
طب ليه تعيشي في رعب بصي هو انك تسيبي دا مش حل لان ابوكي مش هيتغير بس انتي مخطوبه بقالك قد اي مش حاجه سهله انك تسبيه كدا يمكن هو ملوش ذنب بردو
تم النشر السبت، ٢٠ يوليو ٢٠٢٤
عشان كده خايفه اخده بفكر اسيبه لان انا بخاف اجوز حد زي بابا هو ميقدريش يعمل حاجه لان رغم كل ده هو بابا ميقبلش ان حد يمد ايده عليه و عندي اخويا كمان
تم النشر السبت، ٢٠ يوليو ٢٠٢٤
الحاجه التانيه حاولي تتاقلمي معاه على القل لحد ما تمشي من قدامو و تتجوزي بعد كدا مش هتروحي غير زياره كل فتره و راعي والدتك لان هي عانت كتير معاه و اتظلمت كتير راضيها واجبري خاطرها دايما ربنا يهديكي و يريح بالك يارب انا هنا اهو معاكي لو احتاجت حاجه كلميني
تم النشر السبت، ٢٠ يوليو ٢٠٢٤
بصي يا حبيبتي هو اولا مش باباكي بس اللي كدا انا ابويا نفس النظام يمكن اكتر ويمكن انا سبقتك ب خطوه لانو اتجوزت و مش هعرف احكيلك هو كان بيعمل معايا اي وانا مخطوبه و انا بنت كمان كانت حياتي صعبه جدااا وحاولت انتحر بسببو بس هقولك على حاجه و حاولي تفهميني انا اختك الكبيره اولا انتي غلطانه انك تحكي ل خطيبك حاجه زي كدا وانك تبيني انكسار قدامه مهما كان ابوه زي ابوكي لانه هيعايرك بعدين بالله عليكي متحكي ل خطيبك حاجه زي كدا و داااايمااااا قدامه دافعي عن ابوكي و بينه انه صح حتى لو غلط على الاقل قدام خطيبك و اهلو عشان بعد كدا ممكن يضربك و يبهدلك لانه عارف انك هتروحي فين ملكيش الا هو ف هيديكي على دماغك براحتو دي حاجه
تم النشر السبت، ٢٠ يوليو ٢٠٢٤
❞ "بعض الآباء يدمرون أبناءهم قبل أن يدمرهم أي شيء آخر" ❝ الكتاب دا مهم حاولي تقرأيه ... بس بناخد اول فصل + فصل التعافي ونكمل بنفس النهج اقرأ الكتاب على @abjjad عبر الرابط:https://www.abjjad.com/book/2770272266?utm_source=app&utm_medium=android&utm_campaign=share_quote_reader&utm_term=أبي_الذي_أكره #أبجد #أبي_الذي_أكره #عماد_رشاد_عثمان
تم النشر السبت، ٢٠ يوليو ٢٠٢٤
لعرض السؤال في فدني اضغط هنا