انا مع شخص بحبو جدا واختارتو واختارني واختارتو بكل حب ورضا وبنحضر لبيتنا سوا بس انا بقيت غريبه بقيت كل ما بيكلمني بحس اني مش متقبلاه بحس اني مش عاوزه اتكلم ولو اتكلمت بنتخانق ومش عارفه اتعامل معاه وديما بحس ان هو بيضايقني ومع المواقف الكتير بس انا مش عارفه اكون مرتاحه... هو عامة مش معاه هو بس حاسه بضيق اوي وبحس اني مش عاوزه اكلم مع حد عامة يعني لو حد بيكلمني وبيحكي وكدا مببقاش عندي شغف زي الاول اني اسمع واحكي وكدا
ومع العلم اني مقربه من ربنا وبصلي الحمدلله وبذكر ربنا ع قد ما اقدر
فى البداية كده.ممكن تكونى الفترة دى مضغوطه نفسيا وده وصلك للحاله اللى بتمرى بيها احيانا التجهيز لحياة جديدة بيأثر جامد على تفكيرنا فى جوانب كتير وده ممكن يضغطنا نفسيا يوصلنا لدرجة عصبيه وأسلوب تعامل احنا مش متعودين عليه. حاولى تهدى لأن ده ممكن يكون شعور طبيعى بتمرى بيه الفترة دى . اتكلمي مع خطيبك براحة واشرحي ليه انتي بتمرى بأيه وانك متمسكه بيه واطلبى منه المساعدة أنه يكون جنبك الفترة دى. حاولى تكتبى كل اللى جواكى باستمرار وحابه تعملى ايه الفترة دى ،ايه العقبات اللى واقفه معاكى وازاى ممكن تتحل ده هيفرق معاكى جدا اكتبى كل حاجه حابه تعمليها فى بيتك واتكلمى فيها مع خطيبك واشتركوا مع بعض فى تفاصيل بيتكم ده هيفتح مجال حوار بدون عصبيه بالعكس هتفكروا بشكل مختلف. لما تحسي انك بتمري بضيق فكرى بشكل إيجابي وايه الحاجات اللى انجزتيها ، فكرى فى الحاجات اللى بتحبيها وبتلاقى نفسك فيها واعمليها تانى... كل واحد فينا بيمر عليه فترة بيحس فيها بضيق ممكن بسبب الضغوط أو الظروف المحيطة بيه . وده احساس طبيعى المهم انك متستسلميش وتكملى علشان تقدرى تحققى حلمك واكيد الدعم النفسى مهم جدا فحاولى لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن ده هيفرق معاكى جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الثلاثاء، ١٣ أغسطس ٢٠٢٤
حبيتي، أول حاجة حبي أقولك إن الأمور اللي بتصير معاك مش غريبة أبدًا، يشوفوا كتير من الناس نفس المشاعر. فيه أوقات بنمر بفترات عدم استقرار عاطفي أو فقدان الشغف. يمكن فيه ضغط نفسي أو توترات بتحصلي من الأسباب الخارجية أو حتى ممكن تكوني حسيت بضغط من العلاقة نفسها. ممكن تحاولي تسألي نفسك: هل فيه شيء معين مسبب لك الضغط؟ هل فيه مواضيع معينة بتقلقك؟ أو يمكن تكوني محتاجة وقت لنفسك شوي؟ حاولي تتكلمي معاه بصراحة عن مشاعرك، يمكن هو كمان بيشعر بهالشعور. الأوقات دي ممكن تساعد على تحسين العلاقة وتخفيف التوتر. ومش غلط كمان تاخدي فترة لنفسك لو تحتاجي، وتخصصي وقت بعيد عن الضغوط. إذا حسيت إنه الأمر مطول أو مش قادره تتصالحين مع نفسك، يمكن يكون من المفيد إنك تتكلمي مع استشاري نفسي. المهم إنك تاخدي الأمور خطوة خطوة وتفكري في احتياجاتك بحكمة. ربنا يوفقك ويبارك لك في كل خطواتك.
تم النشر الثلاثاء، ١٣ أغسطس ٢٠٢٤
اوعي تاخدي قرار ف وقت انتي متضايقه فيه علشان هياثر عليكي بقيت حياتك.. وبعدين اتجنبي المشاكل الكتير معاه لأنهم بيتخنقوا مووت م الحوار ده.. وصلي استخاره كذا مره لما تهدي كده وتروقي وشوفي هتحسي بايه وربنا يكتبلك الخير
تم النشر الأربعاء، ١٤ أغسطس ٢٠٢٤
اكيد مضغوطه نفسيا حاولي فرحي نفسك أن شاء الله دي فتره أكثرنا مر بيها وهتعدي اني بس مش تستسلمي ليها
تم النشر الثلاثاء، ١٣ أغسطس ٢٠٢٤
لعرض السؤال في فدني اضغط هنا