السلام عليكم
ازاي الشخص يعالج نفسه بنفسه بدون تدخل طبيب نفسي و ايه الحالات اللي بتستدعي فيها دكتور نفسي
السلام عليكم ورحمه الله وبركاته سؤال جميل جدا جدا إزاي الشخص يعالج نفسه بنفسه وايه الحالات اللي بتستدعي فيها طبيب النفسي خلينا نجاوب الاول على ايه الحالات الشخص ضروري جدا يروح للطبيب النفسي لما الانسان يبدا يشوف ان روتينه الطبيعي بقى صعب بالنسبه له. ايه اللي مخليه صعب ايا كان السبب فهو هنا محتاج يلجأ للطبيب النفسي عشان يبدا يشوف ازاي يرجع ثاني هو يسيطر على حياته ما يكونش الخلل اللي عنده هو اللي مسيطر فاحنا هنا نقول انه الذهاب للطبيب النفسي هيكون اول ما الشخص يفقد السيطره على حياته وعلى نفسه، موضوع انه انا ما بقيتش قادر اشوف اللي حواليا زي الاول مثلا بقيت دايما في حاجه بتشدني وتخليني مش شايفهم او بقيت بشوف حاجات ثانيه حواليا بقيت مش قادر امارس روتين طبيعي مش عارف ادخل اغسل وشي يو او ادخل اخذ شاور كل دي حاجات ايه انا يا روتين الطبيعي وحياتي الاساسيه بدات تكون خارج سيطرتي بالشكل الاكبر او اغلب الاوقات هي خارج سيطرتي وكان فيه حاجه تانيه هي اللي مسيطره عليا فهنا في الاغلب ده بيكون خلل نفسي محتاج علاج عن طريق الطبيب. طيب الطبيب النفسي هي الحاله الوحيده والله ممكن اروح للطبيب النفسي لو حسيت ان انا في عندي حاله شعوريه انا مش قادر برضه اتعامل معاها والطبيب النفسي يقدر ينصحني اتعامل معاها ازاي عندي توتر زياده عندي خوف عندي صدمه جات لي عشان خاطر حد توفى كل دي حالات بس دي بتكون حالات استثنائيه ما بتتحطش تحت تصنيف مرض نفسي هي بتكون حاله استثنائيه وانا بآخد نصيحه الدكتوره اتعامل ازاي مع المرحله دي او مع الحاله دي فقط لا غير. الدعم النفسي عموما انا ممكن ألجأ له بكذا طريقه تانيه غير الطبيب النفسي زي الاخصائيين النفسيين او اللايف كوتش ده بيبقى اسمه دعم نفسي اقدر الجا للشخص متخصص يمشي معايا خطوه بخطوه كده عشان اعدي مرحله معينه عشان ادخل مفاهيم جديده انا مش عارف استوعبها لوحدي او مش عارف ادخلها جوه نظامي اليومي لوحدي فهو يساعدني في ده وبس كده. طيب انا لو عندي مشكله وحاسس ان انا متاثر نفسيا ومش عايزه الجا لحد مختصه اقدر اعمل ده لوحدي اه اقدر اعمل ده لوحدي طب اعمله ازاي محتاج ان انا اشوف ايه الخطوات اللي انا محتاج امشي عليها من اهم الخطوات هي الوضوح الوضوح مع النفس من اكتر الحاجات اللي تخلي الواحد يقدر يساعد نفسه انا مش محتاجه اضحك على نفسي لما اكون دلوقتي حطيت نفسي في موقف وحصل خطا والخطا ده مني فأنا ضروري جدا اقف مع نفسي واقول انا المسؤول عن الخطا ده الشفافيه دي قدام النفس هي اللي هتساعدني اقدر اتخطى اي ازمه ممكن تكون نفسيه طيب لما اكون حاسس بشعور معين لازم اصارح نفسي بالشعور الحقيقي ما اضحكش على نفسي واقول شعور ثاني لما يكون في مسؤوليه ذاتيه احملها لنفسي مبقاش بدور اني احملها على اللي حواليا كل الحاجات دي اللي هتساعدني ان انا اقدر اساعد نفسي في اي ازمه نفسيه ممكن تحصل لي او تاثر حصل لي بشكل كبير في اي وضع مؤقت في الحياه، دي اول حاجه الشفافيه. ** ثاني حاجه هو اني اخذ الامور على شكل مجزئ يعني انا مش محتاج ابص على المشكله كلها واقول دي كبيره جدا انا مش عارفه احلها ازاي دي معقده جدا لكن اخذ جزء جزء فانا دلوقتي عندي مشكله كبيره جدا مثلا في اني مش مبسوط طيب ناخذها واحده واحده. انا مش مبسوط في ايه بالظبط مش مبسوط في كل حاجه طب تمام يبقى هاخد حاجه حاجه انا ليه مش مبسوط بالاكل مثلا انا مش مبسوط بالاكل عشان خاطر الاكل بقى ملهوش طعم في بقي حلو جدا نبدا نشوف ازاي نستطعم الاكل من اول وجديد فانا كده هشتغل مع الاكل لوحده وابدا استطعم من اول وجديد آكل حاجه الطبيعيه اعزز الطعم جوه بقي ما بقاش باكل وخلاص وانا قاعد باكل أركز في طعم الاكل فهبقى حليت مشكله الانبساط بالاكل بعدين انقل على حاجه ثانيه انا ليه مش مبسوط وانا قاعد وسط اصحابي ابدا كده ابص صحابي مالهم فيهم ايه في حاجه اتغيرت طب انا بقيت ببص لهم بنظره مختلفه طب انا حاسس اني محتاج منهم حاجه وهما مش بيقدموها او هم مش شايفينها وهكذا كلما جزأنا الحاجات اللي من حوالينا ايا كانت الازمه اللي عندنا كل ما قدرنا ان احنا نتعامل معها ونخلصها والامور تبقى اوضح. ثالث حاجه ودي اللي مهمه جدا جدا لما اكون هنحل مشكله بنفسنا ده مش معناه ان احنا مش هنلجا لحد نهائي لو انا عايزه ابعد عن اني الجا لطبيب نفسي فانا محتاج اركز في اللي حواليا وهلاقي فيهم كل اللي انا ممكن احتاجه من الطبيب النفسي الدعم الاجتماعي من النقط المهمه جدا عشان خاطر الواحد يساعد نفسه هو اللي بيطلبها؟ ايوه هو اللي بيطلبها وهو بنفسه اللي بينفذها انا دلوقتي حاسس اني محتاجه اهتمام هي دي الحاجه اللي عامله لي الازمه النفسيه اللي فيها فانا هحتاج اعمل ايه هاحتاجه ابص في اللي حواليا مين فيهم بيقدر يدي اهتمام. وارد جدا وده الاعم ان انا مش هلاقي شخص بيدي الاهتمام كله ولكن في عندي حد من قرايبي بيقدر يدي اهتمام فالجزئيه بتاعه ان هو يقعد يسمع وينتبه ده جميل انا هستخدم الشخص ده في الحته دي في الاهتمام ده اللي انا محتاجه، في حد ثاني من صحابي يعرف يديني الاهتمام بانه هو يهتم بالخروجه ونخرج ازاي ونتبسط يبقى ده هيديني الجزئيه دي فانا اقدر اوزع احتياجي في الاهتمام ده من اللي حواليه وكمان اطلبه من اللي هو فلان انت بتعرف تعمل الحته دي حلوه قوي فانا لما هحتاجك هاجي لك في الحته دي لما احتاج حد يسمعني هاجي لك فانا كده عملت ايه انا اللي دعمت نفسي باستخدام الشبكه الاجتماعيه اللي حواليا واستغليت ده صح واستخدمته صح فانا ساعدت نفسي بنفسي من غير ما أحتاج اروح لطبيب ولا اخصائي ولا اي حاجه.
تم النشر الأحد، ١٦ مارس ٢٠٢٥
وعليكم السلام الدكتور النفسي ممكن يتدخل في أي حاجة بتعاني منها مهما كانت بسيطة، ممكن حتى لو عندك مشكلة مش عارفة تحليها تسأليه يقولك ازاي تتعاملي معاها. بالنسب ل ازاي يعالج نفسه بنفسه ف اعتقد دا بيعتمد على المشكلة هل هي بسيطة ولا لأ؛ مش كل حاجة هنقدر نتعامل معاها لوحدنا.
تم النشر السبت، ١٥ مارس ٢٠٢٥
وعليكم السلام الحالات اللي تستدعي وجود طبيب نفسي اعتقد لما الشخص يجيله افكار انتحاريه ويكون فعلا عاوز ينفذها، مش مجرد فكر وخلاص، وقتها لازم تدخل من مختص عشان يساعد. أو لما يكون موضوع مرضه النفسي مأثر على حياته بشكل ملحوظ ، على الأقل ٦٠٪ من حياته اتغيرت للاسوأ. ممكن تعالجي نفسك بتعزيز الجانب الروحي(الديني)، ليه؟ لان زي ما بنحتاج ناكل عشان الطاقه ونقرأ عشان غذاء العقل وغيره وغيره ، فالروح محتاجه تتغذى كمان. حاولي تصلي بخشوع عشان الصلاه بخشوع بتغذي الروح اوك؟ وخدي بالاسباب واشربي أو كلي حاجات بترفع هرمون السعاده.(ممكن تعملي سيرش) ممكن تشوفي صديقه تتكلمي معاها (مع اني شخصيا مش برجح الشيء ده بس ده علي المستوي الشخصي يعني) أو حتى تخرجو. شوفي هوايه تعمليها وحاولي تشغلي وقتك. ده كان رأيي الشخصي فقط لا غير
تم النشر السبت، ١٥ مارس ٢٠٢٥
وعليكم السلام ورحمة الله وبركاته. من المهم أن نفهم أن الرعاية النفسية تحتاج إلى اهتمام خاص، وفي بعض الحالات يكون من الضروري استشارة طبيب نفسي. لكن هناك بعض الاستراتيجيات التي يمكنك اتباعها لدعم صحتك النفسية بنفسك: التوعية الذاتية : ابدأ بتعلم المزيد عن مشاعرك وأفكارك. فهم ما تمرين به يمكن أن يكون الخطوة الأولى نحو الشفاء. تحديد المشكلات : اقرئي عن الأنماط السلبية في تفكيرك أو مواقفك التي تؤثر سلباً على حالتك النفسية. التعرف على هذه الأنماط يمكن أن يساعدك على تغييرها. تكوين عادات صحية : ممارسة التمارين الرياضية بانتظام وتناول غذاء صحي يمكن أن يؤثر بشكل إيجابي على مزاجك وصحتك العامة. التواصل مع الأصدقاء والعائلة : الحديث مع الأشخاص المقربين منك قد يكون مريحًا. الدعم الاجتماعي يسهم في تخفيف الضغوطات. كتابة اليوميات : الكتابة عن مشاعرك وأفكارك بانتظام يمكن أن تساعدك في تحليلها وفهمها بشكل أعمق. مع العلم أن هناك حالات تستدعي استشارة طبيب نفسي، مثل: إذا كنت تعانين من مشاعر حزن أو قلق مستمرة تؤثر على حياتك اليومية. إذا كنت تشعرين باليأس أو عدم القدرة على التعامل مع ضغوط الحياة. إذا كنت تعانين من صعوبات في العلاقات الشخصية أو العائلية. إذا كانت لديك أفكار أو مشاعر تجعل من الصعب عليك العيش بشكل طبيعي. في هذه الحالات، من الأفضل عدم التردد في الاستعانة بمساعدة مختص. التوجه إلى طبيب نفسي هو خطوة شجاعة ومفيدة جداً. أتمنى لك الصحة والعافية. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر السبت، ١٥ مارس ٢٠٢٥
لعرض السؤال في فدني اضغط هنا