انا ثانويه عامه ومش عارفه اذاكر والوقت بيعدي انا ببقي عايزة اذاكر بس الخوف بيسيطر عليا وبقعد اعيط او افضل ابص للكتب وحاسه اني متسلسله ومش عارفه اعمل حاجه
انا عارفه انها سنه مهمه جدا واكيد انتى تحت ضغط وخوف وتوتر لكن الموضوع إنشاءالله هيعدى وهتبقى من احسن ذكرياتك إن شاءالله اهم حاجه بس كل ما تحسي بتوتر حاولى تقعدى فى مكان هادى أو تاخدى بريك عشان تقدرى بس تظبطى تفكيرك وبعدين حاولى تذاكرى براحه وتاخدى وادى لنفسك مش مهم فاضل قد ايه التوتر والخوف ده من الشيطان دايما بيعطلنا عن اى حاجه ليها علاقه بنجاحنا أيا كان مجموعة المهم تكونى عملتى الي عليكى انتى مش مسؤوله عن النتيجه انتى مسؤوله عن السعي ربنا بيقول( وَأَن لَّيْسَ لِلإِنسَانِ إِلاَّ مَا سَعَى، وَأَنَّ سَعْيَهُ سَوْفَ يُرَى) يعنى اهم حاجه السعي حاولى تعودى لسانك عن الذكر عشان تبعدى عن نفسك اى تفكير أو خمول أو اي حاجه تخليكى تحسي أن المذاكره تقيله شوفي يوتيوب كتير ربنا يكرمك يارب وتحقيق كل الي نفسك فيه ويسعدك 🤍
تم النشر الجمعة، ٨ ديسمبر ٢٠٢٣
بصي اول ما تقعدي افتحي المادة الي عاوزة تذاكريها وذاكريها من غير ما تفكري انك عليكي تراكمات وانك ضغيفة وانك وانك لا دا الشيطان والله قولي أعوذ بالله من الشيطان الرجيم و يفضل انك قبل ما تذاكر ي تصلي ركعتين لي الله بنية البركة في وقتك وذاكري علطول زي ما قولتلك وحاولي تنجزي وتذاكري المهم وتخلصي بسرعة وبعدين بقا في المراجعة راكزي علي التفصيل الي انتِ مراكزتيش عليها في الاول وخلي عندك ثقة في ربك وفي نفسك وان شاء الله ربنا هيكرمك ويرزقك وأن شاء الله تحققي حلمك ياجميلة ❤✨
تم النشر الأحد، ١٠ ديسمبر ٢٠٢٣
لعرض السؤال في فدني اضغط هنا